Топелиус, Сакариас

Топелиус, Сакариас
Топелиус, Сакариас
	швед. Zacharias Topelius
чачома чись	якшамковонь 14 чи 1818[…]
Чачома тарка	Уусикаарлэпюу[d], Остроботния[d], Вазаская губерния[d], Оцю князьксши Суомиянь[d], Россиянь империясь;
Кулома чись	эйзюрковонь 12 чи 1898[…] (80 иеть)
Кулома тарка	Сипоо[d], Уусимаа[d];
Мастор	Оцю князьксши Суомиянь[d];
Важодема ёрокчизе	валморозей, историксь, эйкакшонь сёрмадей, сёрмадей, куляньсёрмадей, профессор
Тетязо	Zacharias Topelius senior[d]
Авазо	Catharina Sofia Topelius[d]
Полазо	Emilie Topelius[d]
Эйкакшонзо	Toini Topelius[d] ды Акке Ева[d]
казнеть ды медальть	Svenska Akademiens stora pris[d] (1886) Королевская премия[d] (1873) valtioneuvos[d] (1878)
Автограф
вальма	topelius.sls.fi(швед.)
	Сакариас Топелиус
	Произведения в Викитеке

Захариас (Цакариас^[4], Сакариас, Цахрис, Захрис) Топелиус (швед. Zacharias Topelius, суом. Zachris Topelius, 1818 иень якшамковонь 14 чистэ, Нюкарлебю ош — 1898 иень эйзюрковонь 12 чистэ, Сиббу ош, Финнэнь Ине Инязорчи) — содавикс финнэнь сёрмадей ды валморозей, карелэнь-финнэнь ды саамонь фольклоронь ванныця-тонавтниця. Сёрмадсь шеведекс. Ульнесь профессорокс ды Александрань лемсэ Инязоронть университетэнь прявтокс (1875 –1878). Чачоманзо коряс — швед.

Эрямопингезэ

Чачсь 1818 иень якшамковонь 14 чистэ, тетязо ульнесь ормань пичкавтыця ды раськень поэзиянь пурныця. Раськень эрямозо сонсь моли ёвксонь ёнов. Бодянзо бодя Кристофер Топелиус аванзо марто оргодсть Пелевеёнксонь торпингень шкава 1714 иестэ Оулустэ Мухосов, косо сынь кекшнесть. Казак месть сынст ялатеке муизь ды саизь цёрань урекс. Зярыя иень ютазь сон таго оргодсь ды сась Суоминь Масторонь лембеёнксов, свал чивалгомаёнов молезь. Тосто понгсь Стокгольмов ды тосо каршовастызе аванзо. Шкань ютазь те эсь раськеде ёвтнемась кармавтызе Топулиусэнь сёрмадомс "Килей ды теште" ёвксонть.^[5]

Уш вишкапингстэ кармасть содавомо сонзэ художественной тевс педямозо: сюпав эрьва мезень думсемасо, пшти вановтозо, мистикантень мелень явомась. 11 иень топодемстэ кучозель Оулув тонавтнеме.

1833 иесэ састь эрямо Гельсингфорсов, косо теевсь содавиксэкс Юхан Людвиг Рунеберг марто, конась ульнесь фенномания айгеманть прявтокс 1830 иетнестэ. Рунебергэнь кужось виевстэ лыкавтызе Топелиус од цёранть мелензэ ды невтсь тензэ икелев молема ки сёрмадомасо, обществань ды политикань айгемасо.

1840 иестэ Топелиус прядызе Император Александрань университетэнть (неешь шкане Хельсинкинь университет), ды 1841 иестэ кармась "Гельсингфорсонь кулянь" (швед. Helsingfors Tidningar) кулялопань витницякс ды важодсь тосо 1860 иень видс. Кулялопас сёрмалеманзо ульнесть либеральнойть.

1845 иестэ лиссь Топелиусэнь нилестэ васеньце валморонь пусмо, «Верескэнь цецят». Секе 1845 иестэ кармасть лисеме "Суоми Масторонть эрямопингезэ артовкссо" ловномапусмо, сынь лиснесть 1852 иень видс.

1847 иестэ кармась историянь наукань докторокс, сисем иень ютазь - профессорокс. Крымской торпингень шкава мольсь Рузонь Масторонть ёнов, секс кой-кодат радикальной финнт явсть эйстэдензэ.

1854 иестэ саезь ульнесь Гельсингфорсской университетэнь (неень шкань Хельсинкинь университетэнь) профессорокс, 1875 иестэ саезь — истяжо ульнесь те университетэнь лекторокс. 1878 иестэ кадызе университетэнь важодеманзо^[4], ульнесь мелезэ алтамс прянть ансяк сёрмадоманень.

Казезель Шведэнь академиянь сырнень медальсэ литературной шкинеманзо кисэ 1886 иестэ.

Тейтерезэ Ева кармась артыцякс.

Шкинемазо

Топелиусэнь сёрмадомань шкинемазо эрьвакодамоёнксонь. Сон ламо сёрмады лирика эсь мастордо, масторонь ды пертьпельксэнь вечкемадо («Улео лейсэ эень соламо», «Вирень морот», «Телень куро» ды лият). Седе мейлень валморосо сон ламо корты пазнэнь кемемадо.

Теде башка, Топелиус содавикс исторической сёрмадовкссонзо кувалт, конатнесэ маряви Вальтер Скоттонь, Виктор Гюгонь ды Даниянь Масторонь Бернхард Северин Ингеманнонь романонь сёрмадомань стилесь. Топелиусэнь «Финляндской Герцогинясь» романозо, конась нолдазель 1850 иестэ, кармась суоминь келень литературасо васеньце покш раськень ды историянь коряс сёрмадовксокс. «Фельдшерэнь ёвтнеманзо» максыть содамочи Суоминь Мастордо Густав II Адольфонь шкасто саезь Густав III шкатнень видс. 1879 иестэ лиссь Кристина Инязоравань шкава эрямо ланга романось — «Тештень эйкакшт». Драмань сёрмадовксонзо коряс сехте содавиксэкс аштить «Регина фон Эммериц», (1853) ды «50 иень ютазь» (1851), конатне сёрмадозельть «Фельдшерэнь ёвтнеманзо» коряс.

Европасо Топелиус васняяк содавикс кода Sagor ёвкстнэнь сёрмадыця (1847–1852). Седе икеле шкань сёрмадовкссо маряви сонзэ Ганс Христиан Андерсен ёнов молемазо, ялатеке теде мейле сон муизе эсензэ сёрмадома лувонзо, стилензэ.

Мельвешиця фактат

Топелиус ульнесь васенцекс, конась мерсь теемс Суоми Масторонь раськекоцтонть ашокс ды небеснойкс. Мерсь раськекоцтонть теемс ашокс, колмо небесной тюсонь трокс молиця тешкставкст ды ашо теште куншкасо^[6]. Ашось - те лов, небесноесь — зёлтт.
Топелиуснэнь тусь мельс Берингень уематарканть трокс Трансконтинентальной магистралень вачкамось (теде сон корты «Кода Пааво кузнецесь поездэнть подковизе» ёвкссо, лия ютавтовкссо — «Кода чугункань кись сисем милень кемть получась»).
1985 иестэ СССР-сэ лиссь «Лапландиясто Сампось» Топелиусэнь «Сампо лопарень вишка цёракайне» ёвксонзо коряс мультфильма.

Печатазь сёрмадовксонзо

Топелиус Ц. Ёвкст: Шведень кельстэ ютавтовк. / Д. Кобозевень пурнавкс. — М.: Книжный клуб «Книговек», 2018. — 560 с.
Топелиус З. Ёвкст / А. Любарскаянь витнема ало вишка эйкакшонь туртов. С. Хмельницкоень валморотнень ютавтомась. Т. Цинберг артыцясь. Петрова артыцянть . — Петрозаводск: Госиздат Карело-Финской ССР, 1955. — 96 с.
Топелиус З. Телень ёвкс / А. Любарская витницясь; С. Хмельницкоень валморотнень ютавтомазо, А. Якобсон артыцясь — Л.: Детская литература, 1969. — 300 000 экз.
З. Топелиусэнь ёвкст: 4-це нолдавкс, В.Крюковонь акварельть ды 2 артозь картинат и 33 артовкст. — Санкт-Петербург: Изд-во Гранстрема, 1903. — 237 с.
Топелиус З. Ёвкст — Сортавала: Госиздат КФССР, 1955. — 96 с., 150 000 экз-сэ лисемазо
Топелиус З. Ёвкст / А. Любарская витницясь; стихи С. Хмельницкого; В. Фирсовань артовкст, В. Конашевичень обложказо.— Петрозаводск: Госиздат Карело-Финской ССР, 1948. — 96 с., тираж 75 000 экз.

Примечания

↑ ^1,0 ^1,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
↑ ^2,0 ^2,1 Encyclopædia Britannica (англ.)
↑ ^3,0 ^3,1 Babelio (фр.) — 2007.
↑ ^4,0 ^4,1 ЛопаПарцун:Из БСЭ
↑ Культурный центр в Мухос(недоступная ссылка — история). Ваннозь 20 Аштемковонь 2014. Архивировано из первоисточника 16 Медьковонь 2014. Архивировазь 16 Медьковонь 2014 иестэ.
↑ История флага Финляндии

Теде башка ловнодо тестэ

Рузкс

Брандис Е. П. От Эзопа до Джанни Родари: зарубежная литература в детском и юношеском чтении. — М., 1980. — С. 98–99.
Брауде Л. Ю. Сказки скандинавских писателей. — Л., 1990. — С. 164–219.
Брауде Л. Ю. Сказочники Скандинавии. — Л., «Наука», 1974. — С. 91–117.
Брауде Л. Ю. Скандинавская литературная сказка. — М., 1979. — С. 99–119.
Будур Н. В., Иванова Э. И., Николаева С. А., Чеснокова Т. А. Зарубежная детская литература: Учеб. пособие для студ. сред. и высш. пед. учеб. заведений — М.: Академия, 1998. — С. 179–180.
ЛопаПарцун:100ЗФ

Лия кельтнесэ

Lagerlöf S., Zachris Topelius, Stockh., 1920.
Nyberg P. B., Z. Topelius Elämäkerrallinen kuvaus, osa 1—2, Porvoo-Hels., 1950.
Rancken G., Zachris Topeliuksen kuvakielestäja faabeleista, Tampere, 1968.

Невтькеть

ЛопаПарцун:Навигациясь

ЛопаПарцун:ВС

ЛопаПарцун:Start box ЛопаПарцун:Ректоры ЛопаПарцун:Succession box ЛопаПарцун:End box

[_427601715c8a1923-1] 1,0 ^1,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.

[_3b90dad948d73efc-2] 2,0 ^2,1 Encyclopædia Britannica (англ.)

[_b1b86589430152c0-3] 3,0 ^3,1 Babelio (фр.) — 2007.

[БСЭ-4] 4,0 ^4,1 ЛопаПарцун:Из БСЭ

[5] Культурный центр в Мухос(недоступная ссылка — история). Ваннозь 20 Аштемковонь 2014. Архивировано из первоисточника 16 Медьковонь 2014. Архивировазь 16 Медьковонь 2014 иестэ.

[6] История флага Финляндии

[1]

[2]

[3]

[4]

[5]

[6]