Сыре кеж

Википедиясто материал - аорев содамкундосто
Перейти к навигации Перейти к поиску

Cыре кеж (суом. Vanha viha, 14951497) – те ульсь васенце вейсэнь Рузонь масторонь ды Шведэнь инязорксчинь юткова тюрема. Рузонь инязор Ива III бажась микшнемо Чилисемань иневедьсэ, косо азоркстась Ганзань содкс, ды 1493 иесэ пекстась Ганзань кардаз Одошсо. Сон ладясь содкс даниянь инязор Ганё марто, кона учось саемо шведань инезем (трон). Таго вейке тюремань тувтал – шведэнь ёнкс ламоксть колась 1323 иень Пештеусиянь ладямо. Рузонь каназорт Штенянь Данё, Кошкань-Закаронь Яку ды Шуйской Васюк тусть саемо Выбор. Выборгонь городонь прявт Поссень Кнут сезизе толтовтнень анокставкс Андю-пазонь палманькудосо («Выборонь пургине»), ды рузонь ушмо потась. Сы иестэ Косой Васюк ды Челяднень Андю саесть Савогород (шв.Nyslott) ды калавтсть лембень Суоминь Пелевезюро видьс. Пек майсесть Саво буе ды Емь буе. 1497 иень эйзюрковсо Одошсо теевсь котоиень ладямо.