Сыре Новак
| Сыре Новак | |
|---|---|
.jpg) | |
| чачома чись | 1521[1] |
| Чачома тарка | |
| Кулома чись | даволковонь 5 чи 1601 |
| Кулома тарка | |
| Мастор | |
| Важодема ёрокчизе | гайдуки |
 Сыре Новак | |
.svg){kind=small}
Сыре Новак (серб. Старинa Новак, рум. Baba Novac, ютавтови кода "Сыре Новак") ульнесь Сербиянь гайдук, конась невтизе эсь прянзо ламо туремасо Оттоманонь империянь каршо. Сон ловови ине ломанекс кода Сербиясо истя жо Румыниясо.
Эрямонзо ушодомась
[витнемс | витнемс лисьмапрянть]Новак чачсь 1530 иестэ Пореч велесэ, конась ашти Дунабеусиясо. Те таркась сестэ ульнесь Оттоманонь империянь модакс (неень шкане Donji Milanovac, Serbia)
Сон ульнесь содавикс аристократонь раськестэ, конась вачкась зярыя кевень идема таркат, конатне лездасть ванстомс Sokobanja модатнень Оттомантнэде.Сон тонавтнесь Пареч велень монастырьсэ ды вадрясто кортась сербокс, ташто славянонь кельсэ. Истя жо кортась румынокс ды гректнень кельсэ.
Туремань тевензэ
[витнемс | витнемс лисьмапрянть]Сон кармась гадукокс пек одсто, зярдо сонзэ пекстакшнызь тюрьмас ды чавокшнызь туркатне весе пеень ёмавтомань пес (секскак мерильть тензэ Сыре Новак). Тень кувалма сонензэ савсь кадомс эсь тиринь веленть ды оргодемс Timočka Krajina вирьтнес, косо сон бойкасто тонадсь эрьва кодамо тюремапелень тевс нолдамо. Тонавтыцязо ульнесь гайдуконь прявт. Куроксто сон пурнась эстензэ ломанть ды кармась кежейстэ туреме Оттомантнэнь каршо. Сонзэ смелчизэ кармась содавикс ды тензэ састь ламо ломанть. Сынь кармасть пек виевекс.
Васенцеде ланганзо сермадыть 1595 иестэ, зярдо сон ульнесь Валахиянь Герцогонь Михаэль Смелоень ломанензэ ютксо. Сон совась Михаэлень вейсэндявксос Банат буесэ ды тензэ макссть капитанонь лем ды 2000 сербиянь гайдукт, конатнень мерсть олякстомс Валахиянь модатнень. Сонзэ ломанензэ каятотсть Călugăreni лангс, ливтизь олячис Тарговиште, Бухарест ды Giurgiu оштнэнь 1595 иестэ.
Сонзэ ломанензэ ульнесть сетнень ютксо, конатне атаковизь София ошонть, Болгариясо. Сень кувалма ламот кармасть Новакдо содамо: сон ды сонзэ 700 ломанензэ манизь туркатнень - ютасть Балкан пандтнэнь прява ды апак учо лиссть туркатнень икелев. Сестэ сынь сайсть туркатнень пельде ламо ракшат ды лият маштовикс тевть.
Сон олякстомизе Плевна ошонть 1500 гайдуконь марто.
1598 иестэ сонзэ покш туремань виензэ, конасо ульнесть сербт ды аламошка болгарт, вейсэндявсть Микаэль Смелоень ломантнень марто, весемезэ пурнавсь 16 000 ломанть. Сынь олякстомизь Плевнань, Раховонь, Врацань, теде мейле весе сербатне ды болгартнэ пурнавсть гайдуктнэнь марто ды тейсть покш праздник.
Плоешти ошосонть 1599 иестэ Борди Маконь 50 000 ломанензэ ды Новаконь гайдуконзо пурнавсть ошонть куншкасо 5-6 рядс ды сыргасть Sibiu ошонть саеме.
1600 иестэ сонзэ ломанензэ ульнесть сравтозь Банат буева ды максть тенст инструкция олякстовтомс весе лембеёнкссо аштиця модатнень, истяжо Mirăslău модатнень ды малава аштиця оштнэнь. Сон мольсь Михай марто Вена видс.
Сонзэ ульнесь мелезэ максомс туркатненень Lugos ды Karánsebes оштнэнь, ансяк теде кармасть содамо. Тень кисэ ялгазо Георгио Баста чумондызе сонзэ государственной изменасо ды кучизе венгратненень Колошвар ошонтень. Тосо даволковонь 5 чистэ 1601 иестэ сон ульнесь пултазь. Цыгантнэ анокстызь толбандянть, косо Новакдо башка ульнесть кавто Михаень капитант, Йоан Селесте, Сави Армасулу ды немецень попт. Сынь палсть 1,5 част: кода кармить пек паломо толонть мадьсызь ды кирвастьсызь одс. Варакат мейле сэвизь рунгост.
Михай эзь сода тевденть, тензэ ёвтасть Колошвар бокава ютамсто 1601 иестэ. Сон путсь коцт се таркасо, косо маштызь Новаконь.
Мейле Георгио Баста мерсь маштомс Махаень, мезесь ульнесь теезьгак Câmpia Turzii ошсо 1601 иестэ.
Сермадомасо
[витнемс | витнемс лисьмапрянть]Старина Новак ашти кода Сербиянь эпической сёрмадомань герой. Сонзэ ланга ёвтнить Starina Novak i knez Bogosav, Starina Novak i deli Radivoje поэматне ды лиять. Кой-конат сёрмадовкстнэ тапить Сыре Новаконь лия ушмодей марто - Новак Деделич, конась эрясь 1400 иетнестэ. Истя лиссь, вейке поэмань геройсэ пурнавсть кавто.
Лисьмапрят
[витнемс лисьмапрянть]Ссылкат
[витнемс | витнемс лисьмапрянть]- ГЛАС ИСТОКА: СТАРИНА НОВАК НАЈОПЈЕВАНИЈИ ЈУНАК У ЕПСКОЈ ПОЕЗИЈИ
- Пројекат Растко: Бошко Сувајџић - Хајдуци и ускоци у народној поезији
- Никола Гавриловић. Румунски извори о Баба Новаку, Зборник радова Старина Новак и његово доба, Балканолошки институт САНУ, Београд, 1988, стр. 65-77
- Старина Новак и бесстрашный Радивой