Сывель ям

Сывель ям — те пурнавозь лем, конанть ало арсеви сывелень пидиведьсэ (бульонсо) теезь ярсамопель.

Капста марто сывель ям

Саеви килограммашка-пель марто килограммашка ловажа марто вазонь(скалонь-букань)сывель. Маштови эрьва таркась. Ансяк танстень коряс сехте маштовиксэсь — эрьгеловажатнень ирдекстнэнь марто вейсэндямо таркась ды перьканзо сывелесь. Весе сывель палось путови 7-шка литрань кедьгес(икеле те ульнесь чакш, эли чугун ней маштови се мезесь мельс туи) ланганзо каяви 3-4 литрат ведь. Путовить салтозь капстат, малав пель кило, конатне анок шлявт чинест ютавтомга кельме ведьсэ,3-6 керсезь модамарть, 1-2 лапшас эли лиякс керсезь пурькат (морковт), 3-5 керсезь чурька прят. Классикань те ямось пидеви каштомосо-пецькасо зярыя част, ды ков седе куватьс тосо ашти, тов седе тантеекс велявты, неень шкасто маштови газонь, электро- духовкаськак васня покш псисэ ямось лаказемазонзо ашти, мейле толось тееви сехте вишкакс ды истя кадови колмо-ниле часс. Бути меленк — ямось сатышкадо салтави, путови раужо перець.

Столангс путомсто сывелесь таргама ды путома столькуншкас башка вакансо, ямось каяма эрьвантень эсь ваканс. Паро койсэ сывеленть кудонь покшось яви мелензэ коряс, сондензэ икеле кияк эйзэнзэ а токи. Ямонтень мереви кайсемс пиже чурькат, копёрт, керсезь пря чурькат