Сокор бодясо
Сокор бодясо — эрзянь пакшатнень кизэнь чыйнема-чарамо налксема. Налксить ансяк цёрынеть, конатненень 10 — 14 иеть. Ламочист налксицятнень — зяро пурнавить.
Налксемань койкирдатне
[витнемс | витнемс лисьмапрянть]Муеви валаня, сэрей тикшевтеме пак ся. Налксеманть ушодомадо икеле коч кави староста, конась ютавты налксе мань весе тевтнень. Паксянтень черькстави ниле ужосо кундо 1х1 м покшолмасо. Кавто эскель ксэнь туро кундонть эйстэ старостась путсы моданть лангс васенце чавома палканть. Те палканть эйстэ сон онксты 10 эскелькст, ютавты виде кикс, конань кувалт аравтнесынзе весе налксицят нень. Старостанть вешкстнеманзо коряс вейке омбоце мельга вить кедь ёндо цё рынетне кармить чавомо омбоце палка сонть масторо палканть ланга, бажить панемс сонзэ кундонть потс ды тень вий сэ «путомс» сокор бодянтень кудо. Те те венть теемстэ старостась сти кудонть эйстэ аволь васов ды эрьва ёртомадонть мейле весенень яволявты, кинь мезе лиссь: зярос айгезь васенце чавома пал кась, понгсть эли арась ланганзо ды истя седе тов. Весе неть ловомкатне эря вить седе тов, зярдо кармить кочкамо сокор бодянть. Бути васень чавоматнесэ киненьгак налксицятнестэ васенце палкась кун донтень эзь паневе, сестэ ютавтови ом боце кикс, конась ашти 7 м туро мода лангсо аштиця чавома палканть эйстэ. Ды таго старостанть вешкстнеманзо коряс вейке омбоце мельга весе бажить совавтомс васенце чавома палканть кун донтень. Ёртозь палканть мельга чии се, кинень сы чавома чиполась. Сестэ, зярдо киненьгак удалась сыр гавтомс васенце палканть таркастонзо, ансяк палкась эзь сова кудонтень эли ливтясь эйстэнзэ седе васов, старостась путсы палканть мекев тарказонзо. Лово ви «ваньксстэ» прядозь тевекс — кун донтень понгомась. Ды вана окойники киебути совавтызе палканть кундонть потс. Старостась колмоце чавома палканть, кона те шкас налксемасонть арасель, пезнавтсы модас совавтозь палканть ваксс. Теде мейле ушоды сокор бодянть вешнемензэ. Истямо роль максыть се налксицянтень, кинь ёртнема тевензэ лиссть сехте берянекс. Истямо невтне макс улить: мадезь палкась эзь пачко де кундонть видьс, ливтясь кундонть велькска седе васов, чавома палкась лоткась мадезенть ваксс эли прась лангозонзо. Бути мадезь чавома пал канть сыргавтнизь таркастонзо весе налксицятне (а те эрси пек чуросто), сестэ сокор бодякс ули се, кие панизе палканть сехте малас эли пек васов, кундонть омбо пелев.
Сокор бодянть ветясызь «путозь ку донть» (кундонть) эйстэ ве ёнов, сюлма сызь сельмензэ пацясо, макссызь тензэ омбоце чавома палканть, кона ней сонзэ туртов карми улеме сокоронь ветиця пал какс. Весе лия налксицятне путсызь ке дест вейкествейкест лавтов лангс, теить сокор бодянть перька кирькс, якить перьканзо ды морыть: Саик кедьзэть, бодинем, Кинь невтиця цётмарнэнть, Кадык яннэнть теть невтьсы Нуцькань лембе кудонть видьс. Кирьксэсь васня лекшкады сокор бо дянтень, кармавтсы эсензэ марто чарамо сонзэяк, мейле бойка келеми, сезневи пельксэнь пелькс. Бодясь кадови ська монзо. Сокор бодясь ушоды вешнеме палка сонть «кудонзо». Старостась моли мель ганзо, лови эскельксэнзэ. Ловомась ве тяви сядос. Бути те цётонть теезь сокор бодясь «кудонзо» мусы ды зярыяксть эшксы вешнема палкасонзо кундонть куншкас стявтозь палканть, сестэ весе налксицятне, конат мольсть мельганзо «кудонть» вешнемстэ, сайсызь сонзэ ке дезэст ды, сельмстэнзэ пацянть юксезь, ютавтсызь кундонть перька моразь: Совак, бодяй, кудозот, Кудавантень сюконян, Вешть кедьстэнзэ чи валдо — Сизезь сельметь панжсынзе. Бути «кудось» а муеви, сестэ сокор бодянть «путсызь больницяс», лиякс ме ремс, зярыя конт карми аштеме ве ёно апак налксе. Зняро улить неть штрафной контнэде — кортавтови налксеманть ушодомсто. Од кононть ушодомсто муеви од тарка, козонь кармить «путомо кудонть». Истя жо кочкави од староста. Бути лиси изни цякс сокор бодясь, сестэ старостакс од кононь ютавтомсто кармавтсызь сонзэ.
Сёрм.:
[витнемс | витнемс лисьмапрянть]Брыжинский Василий Сергеевич 2002: Сиянь рисьминеть. Мордовской книжной издательствась. Лл. 69-71.