Совак кудос

Википедиясто материал - аорев содамкундосто
Перейти к навигации Перейти к поиску

Совак кудос — эрзянь пакшатнень телень ды кизэнь чыйнема-чарамо налксемат. Налксить 8 — 12 иесэ тейтернеть ды цёрынеть.


Налксемань кой-􏰀кирдатне[витнемс-петнемс | витнемс-петнемс лисьмапрянзо]

Налксицятне явовить кавто вейкеть партиява. Эрьва партиянть ули эсензэ прявтозо, конась лиси жеребеень кая􏰀 мо — кинень улемс вешницякс, а ки􏰀нень — кекшницякс. Жеребеесь каяви палкас кундсезь. Кинь мокшназо ули вере, сень партиязо карми кекшнеме. Налксеманть ушодомсто теить кор􏰀 тавтома кекшнема тарканть коряс: ко􏰀 зонь мереви, а козонь а мереви кекш􏰀 немс. Вешницянь партиясь кодамояк ку􏰀 донь эли ортань каршо путы эстензэ «веле» — черьксты мода лангс ниле ужосо кундот􏰀кудынеть кудоконя мар􏰀 то. Кудотнень покшолмаст 40х40 см. Эйстэст улемка зняро, зяро налксицят􏰀 неде те партиясонть. Штобу кудонь азортнэ аволизь стувто эсь кудынест. Эрьвась эйстэст мазылгавтсы кудоко􏰀 нянзо кодамояк эсензэ мельстуиця «керсевкссэ». Кекшницятнень прявтост виевстэ серьгеди: — Чуля! Вешницянь партиясь сови кудотнес. Эрьвась — эсензэс. Чачост велявтсызь ортанть эли кудонть пелев, конань икеле «путозь велесь». Кекшницятне капшить туеме эрьва ёнов. Аламос ютазь вешниця партиянь нал􏰀 ксицятне, эрьвась башка, кевкстьсызь кекшницятнень: — Чуля? Бути нонатнень эйстэ кияк те шкас эзь кекшеве, сон максы каршо вал: — Чуля! Ды истя се шкас, зярс каршо валонть таркас а ули каштмолема. Теде мейле весе вешницятне велявтыть кудынетнесэ эсест перька ды срадыть эрьва ёнов кекшнезтнень вешнеме. Зярдо кияк вешницятнень эйстэ мусы кекшезенть, сон виевстэ зярыяксть весе􏰀 нень марявомга серьгедьсы муезенть ле􏰀 мензэ: — Ваня, чуля! Ваня, чуля! Вешницянь партиясь, кие косо ули, серьгедеманть марязь, туи чиезь «ве􏰀 лев». Эрьвась капши эсь кудозонзо. Сынст марто вейсэ капши кудос сова􏰀 мо муезеськак. Бути сон кенери совамс кудынентень азордонзо икеле, сестэ серьгеди: — Чуля! Кудынесь монь! Кудыненть азорозо лотки налксемадо се шкас, зярс а прядови налксемань те молиця периодось, лиякс меремс, семс, зярс партиятне а полавтсызь эсь ролест. Лоткси налксеме се вешницяськак, кона совась а эсь кудозонзо. Алкуксонь кудонь азоронть улить праванзо меремс тензэ лисемс кудынестэнзэ. Сонсь муе􏰀 зесь, конась саизе кинь􏰀бути кудонзо, туи кекшеме одс, ансяк туемадо икеле «пек􏰀 стасы» кудонть — теи ужосто ужос крёст. Ды таго вешницятне серьгедить кевк􏰀 стема: — Чуля? Каршост марязеви: — Чуля! Вешницятне таго туить вешнеме. Налксемась моли се шкас, зярс а мук􏰀 шновить весе кекшезтне. Налксемасонть теевкшныть зярыя си􏰀 туацият. Невтемга, лисни истяяк, зярдо кадови ансяк вейке вешниця, а кекшни􏰀 цятнеде зярыя; лисни мекевланг, вешни􏰀 цятнеде знярыя, а кекшницясь вейке. Ансяк эрьва тевсэнть налксемань кой􏰀 кирдатне топавтовить педе􏰀пес. Налксемань омбоце периодсонть ка􏰀 вонест партиятне эсь ролест полавтсызь. Кудоконятнень од азортнэ мазылгавт􏰀 сызь мелезэст туиця од «керсевкссэ».


Сёрм.:[витнемс-петнемс | витнемс-петнемс лисьмапрянзо]

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 82-84.