Смородина, Анна Ивановна

Википедиясто материал - аорев содамкундосто
Перейти к навигации Перейти к поиску
Смородина, Анна Ивановна
чачома чись ожоковонь 14 чи 1962(1962-10-14)
Чачома тарка Черкассы[d], Украинань Советэнь Социалистической Республикась[d], Советэнь Вейсэндявкс[d]
Кулома чись ожоковонь 28 чи 2012(2012-10-28) (50 иеть)
Важодема ёрокчизе сёрмадей, валморозей

Смородина Анна Ивановна (К. В. Смородин марто вейсэнь псевдонимест Юрий Самарин[1]) – сёрмадей, валморозей, прозаик.

Эрямо пингезэ[витнемс-петнемс | витнемс-петнемс лисьмапрянзо]

Чачсь 1962-це иень ожоковонь 14-це чистэ Украинань Черкессы ошсо, Украинань областень кунгкатаркасо офицерэнь ды сёрмадеень семиясо[2]. Офицер тетянзо службанть кувалма семиянтень савкшнось полавтнемс эрямо тарканзо. Ульнесть Магадансо, Дальней Востоксо, Грузиясо, Украинасо. Васенце класс тонавтнеме Анна тусь Владивосток ошсо 1970-це иестэ. Средней школанть сырнень медаль марто прядызе Черкессы ошсо.

1980-це иестэ саезель тонавтнеме А. М. Горькой лемсэ литературной институтов лия кельстэ ютавтыцянь отделенияв тонавтнеме. Прядомадонзо мейле К. В. Смородин мирдензэ (ней Мордовия Республикань раскень сёрмадей) марто сась эрямо Саран ошов[1]. Васня важодсь Санитарной просвещениянь кудосо редакторокс, ульнесь литературной зярыя студиянь прявтокс. 1994-це иестэ саезь куломазонзо важодсь «Странник» журналонь редакциясо[2]. Те журналось эсь шкастонзо панжозель мирденть-нинть Константин Владимирович ды Анна Ивановна Смородинтнэнь ушодксост коряс. Те сынст сехте покш путовксост журналонть масторонь келес содавиксэкс теевемасонть.

Шкинемазо[витнемс-петнемс | витнемс-петнемс лисьмапрянзо]

Анна Смородина – стихень, прозань зярыя книгань автор. Ютазь пингень 90-це иетнестэ лиссть «Неизбежный контур» (1991) ды «О любви» (1995) стихень пусмонзо[2]. К. В. Смородин марто вейсэ нолдасть ёвтнемань ды пьесань «Исторический проезд» пусмо, «Русский костёр» (2000) ёвтнемань-притчань книга, «Заснеженная Палестина» (2002) ёвтнемань, статьянь, эссень пусмо, «В поисках славы» (2005) повестень ды ёвтнемань книга, «Ракушка» (2007), козонь совасть роман, повестть ды ёвтнемат, «Хочется подумать…» (2008), «О живом и мёртвом» (2009) статьянь ды заметкань книгат, «Пролустанок на пути к столице» (2011) повестень ды ёвтнемань книга. 2013-це иестэ лиссь А. Смородинань «Восклицательный знак» книгазо, козонь совасть сонзэ весе стихензэ, пьесанзо-притчанзо ды дневникстэнзэ саевкст. Теде башка, Смородина Аннань прозазо, статьянзо ды стихензэ лиснесть «Истоки» альманахсо, «Москва», «Наш современник», «Юность», «Роман-журнал. XXI век», «Странник», «Нива», «Сура» ды лия журналтнэсэ, «Литературная Россия», «День литературы», «Завтра» ды лия газетатнесэ. К. В. Смородин марто вейсэ сёрмадозь «Ныне отпущаеши…» пьесаст 1994-це иестэ печатазель «Диалог. Хронотон» журналсо (Витебск ош) ды путозель эрзя-мокшонь государственной телевидениясо ды Орёл ошсо «Русский стиль» театрасо. Смородина Аннань эрямонзо куломась нельгизе, зярдо тензэ ансяк топодекшнесть 50 иеть. Ялатке сон кенерсь ламонь теме, кадсь эсензэ мельга неявикс тешкс, сёрмадсь виев книгат. Кода поэзиязо, истя прозазояк, валдот, лиянь ёнов а молицят, арсеме кармавтыцят, седейс токицят.

Смородина Анна 1999-це иестэ совавтозель Россиянь Сёрмадеень Кужос[1]. Кулось Анна Ивановна 2012-це иень ожоковонь 28-це чистэ[3], 50-нь иень чачома чистэнзэ кавто таргонь ютазь.

Казнензэ[витнемс-петнемс | витнемс-петнемс лисьмапрянзо]

Сон «Москва» журналонь премиянь, Мордовия Республикань Прявтонь премиянь, Мордовия Республикань Государственной премиянь, Александр Невской святой благоверной князенть весеРоссиянь литературной премиянь лауреат.

Литературась[витнемс-петнемс | витнемс-петнемс лисьмапрянзо]

  • Писатели Мордовии : библиографический справочник : в 2 т. Е. 2. Л – Я / сост. : А. И. Брыжинский, Л. П. Бойнова, Е. И. Чернов. – Саранск : Мордовское книжное издательство, 2015. – 544 с. ISBN 978-5-7595-1938-6 (т. 2)
  • «Чилисема», 2014, №11, С.16 (1993)

Лисьмапрят[витнемс-петнемс лисьмапрянзо]

  1. 1,0 1,1 1,2 КОНСТАНТИН И АННА СМОРОДИНЫ(руз.). Гражданский литературный форум. Проверено 5 Панжиковонь 2020.
  2. 2,0 2,1 2,2 Смородина Анна Ивановна(руз.). Библиотека мордовской литературы. Проверено 5 Панжиковонь 2020.
  3. Татьяна Новикова. «Она не писала ничего без любви и веры…»(руз.). «Редакция еженедельной газеты «Столица С» (13 Якшамковонь 2018). Проверено 5 Панжиковонь 2020.