Серёда-крёст

Серёда-крёст — те Инечиде икелень куншкачись, лиякс меремс Ине постонь нилеце таргонь куншкачистэ.

Андрей Куторкин ёвты теде «Крёсткеть» пакшсонзо (Сурань Толт 1963 № 6, 35):

— Авай,— мерсь сон,— ванды серёда-крёст —ютась уш пеле пост.

— Пасиба теть, паро цёрынем — ледстик мельс... Эряви кши теемс.

Валскестэнть пансь кото крёсткеть — кудонть потсо семиянь эрьва пряс. Васенценть потс Анися путсь кеменстэшка сюронь зёрнат. Кинень мейле сатыть — ули пек ламо сюронь пурныцякс. Омбоцентень лепштясь пижень гривна — се ярмаконь вельть удачнасто таштыцянень. Колмоцес — валдо суркс — мирдень муицянень. Нилецекс — кирьгасо кантнема крёст — пингензэ печтемс манастырев эрямо туицянень. Ветеце — ве чевнестэ синдезь вете пенеть — неть кандолазт, котоцес — эрьгть, кумбрят — уроз эйдекс ламо сельведь валыцянень.

Сёрм.:

• Андрей Куторкин: Крёсткеть. Сурань Толт, 1963 № 6, 35.