Сербиянь велень хозяйства

Википедиясто материал - аорев содамкундосто
Перейти к навигации Перейти к поиску
Сербиянь велень хозяйства
Мастор Flag of Serbia.svg Сербия Мастор
Сербиянь велень хозяйства
Более 60% территории Сербии занимают пашни

Сербиясо велень хозяйствась нейгак каднови сербской экономикань эрявикс пельксэкс, экспортонь иень потенциалозо 12 млрд. еврот. [1]. Весемезэ сельскохозяйственной угодиянь таркась 6,12 млн. гектардо ламо. [2][3]. Сельскохозяйственной производствась седе парсте аравтозь пелевеёнксонь Сербиясо Среднедунайской алка таркань (низменностень) рашты модасонть ды Сава, Дунай, Морава лейтнень чирева обедъёнксонь лайметнесэ. Велень хозяйствась лавшомгадсь 1948-це иестэ саезь, зярдо эйсэнзэ котьмасть эрицятнеде колмо нилеце пелькст, ней – ансяк вейке нилеце пелькс. [4].

Анокстамо (производства)[витнемс-петнемс | витнемс-петнемс лисьмапрянзо]

Сербия нолды велень хозяйствань эрьва кодат ярсамопельть (продуктат): ямкст, фруктат, эмежть. Весемесь те теи ВВП-нь ды экспортонь покш пельксэнть. Мирсэнть-масторсонть Сербия ашти омбоце таркасо инзеень кастомань коряс (84 299 метрической тоннат, васенце таркасонть – Россия) ды торлань (сливань) кастомань коряс (146 776 метрической тоннат, васенце тарканть саи Китай). Масторось истя жо касты ламо кукуруза (6 158 120 метрической тоннат, мирсэнть 32-це таркасо) ды товзюро (2 095 400 метрической тоннат, мирсэнть 35-це таркасо). Ламбамо якстерькаесь (2 299 770 метрической тоннат) ды чиньжарамось (454 282 метрической тоннат) саты эстензэ, кадовиксэсь экспортировави: сахоронь малав 180 000 тоннат ильтеви Европейской союзс.

Винат[витнемс-петнемс | витнемс-петнемс лисьмапрянзо]

Сербия виноградниктне занить малав 70 000 гектарт, виноградтонть иезэнзэ кастови малав 425 000 тоннат. Сербия сови винань теиця сехте покш мастортнэнь юткс. Сехте содавикс винанзо: Belgrade Seedless, Prokupac, Sauvignon, "Italian Riesling", Cabernet, Chardonnay, White и Red Burgundy, Hamburg, Muscat, Afus Ali, Vranac, Tamjanka, Krstac, Smederevka и Dinka.

Фруктат[витнемс-петнемс | витнемс-петнемс лисьмапрянзо]

Фруктань ферматне занить Сербиясо модань 310 000 гектарт.
Фруктань анокстамонь покшолматне (объёмтнэ) тоннасо:
Умарь 178 713
Винань марь (виноград) 263 419
Персик 53 894
Дуля 39 112
Торла (слива) 391 485
Инзей 70 320
Атямарь 74 656

Компаният[витнемс-петнемс | витнемс-петнемс лисьмапрянзо]

Fresh&Co, фруктасто нолань (соконь) теемань коряс Юго-восточной Европасо сехте покш компаниятнестэ вейкесь, рядсек neXt компаниянть марто Foodland, коень (традиционной) фруктовой продуктань кастома
Nektar, фруктань кастыця компания
Malina Produkt (First Fruit), фруктань кастыця компания
Mondi Foods (Mondi Serbia), фруктань кастыця компания

Литературась[витнемс-петнемс | витнемс-петнемс лисьмапрянзо]

Лисьмапрят[витнемс-петнемс лисьмапрянзо]

  1. Serbia's agricultural potential - EUR 12 billion. B92 (15 March 2013). Проверено 14 Аштемковонь 2013.
  2. Food Industry. SIEPA. Проверено 14 Аштемковонь 2013.
  3. Agriculture and Enlargement. European Commission (May 2011). Проверено 14 Аштемковонь 2013.
  4. Agriculture and forestry. Encyclopedia Britannica. Проверено 14 Аштемковонь 2013.