Сезик рисьменть

Википедиясто материал - аорев содамкундосто
Перейти к навигации Перейти к поиску

Сезик рисьменть! — эрзянь пакшатнень кизэнь чыйнема-чарамо налксема. Налксить кавто командат — «Сиянь рисьме» ды «Пижень рисьме». Налксицятне иень коряс вейкеть.

Налксемань кой-кирдатне[витнемс-петнемс | витнемс-петнемс лисьмапрянзо]

Эрьва командась кочки эстензэ прявт. Истямокс эряви седе чуморкс цёрыне. Зярдо команданть тевензэ кармить берянть, виев ды чуморкс прявтось терявты витемс сонзэ уцясканть ды, паряк, лисемс изницякс. Кавонест командатне кундсить кедте кедьс. Таркась карадо-каршо аразь рисьметнень ютксо — 10 м. Прявтнэ ярмаксо ёртыть жеребей, кона командантень ушодомс васенцекс. Пелькстамось уставави эсь прянь шнамосо.
Пижень рисьмесь (вейсэ).
Пижень рисьмесь—раськень рисьме—
Сонзэ сеземс арась виенк.

Сиянь рисьмесь(вейсэ).
Кунсолок, пертьпельксэсь гайни,
Сиясь покш вий максы тенек.
Пижень рисьмень прявтось.
Чаво гайтьсэ вий а эрси,
Виесь — минек, тень невтьсынек
— Борис! — терди пижень рисьмень прявтось эсь командань цёрыненть.
Тердезь налксицясь эрязасто каяви сиянь рисьменть сеземе. Бути тень сон тейсы, сестэ сезезь сиянь рисьместэнть саеви вейке налксиця ды аравтови сезиця цёрыненть ваксс.

Прявтось рангсты киньгак лем. Пижень рисьместэнть кие-бути каяви сиянь рисьменть сеземе. Бути рисьмесь сеземс а удалы, сестэ каявицясь кадови сиянь рисьментень ды кунды пезэнзэ. Сезнема чиполась юты сиянь рисьментень. Сиянь рисьмень прявтось. Ансяк пиженть токасынек — Пелькскень-пелькскень сезнесынек! — Виктор! — кучсы прявтось эсензэ командань налксицянть. Истя мельга-мельцек васня вейке, мейле омбоце командань налксицятне терявтыть сеземс каршо молиця командань рисьменть ды саемс эсь мартост сезезь рисьменть налксицянзо. Те шканть кодаткат валморот а ловнокшныть, рангстави ансяк каявицянть лемезэ. Налксемась моли зярс, знярс ве командань налксицятне а улить совавтозь омбоце командань рисьментень. Меельцекс чии идеме эсь команданзо сонсь прявтось, конась ёмавтынзе весе ломанензэ. Сезеви тензэ каршо молиця рисьмесь — саи сеске кавто налксицят. Сондензэ мейле чиить неть налксицятне. Ды истя седе тов, зярс прявтонть эсензэяк а саты виезэ сеземс рисьменть.

Сёрм.:[витнемс-петнемс | витнемс-петнемс лисьмапрянзо]

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 66-67.