Седойкин, Михаил Григорьевич

Википедиясто материал - аорев содамкундосто
Михаил Седойкин
Храброй Миша
Чачома лем: Михаил Григорьевич Седойкин
Важодема ёрокчизе : морыця
Чачома чись: сундерьковонь 4 чи 1960({{padleft:1960|4|0}}-{{padleft:11|2|0}}-{{padleft:4|2|0}}) (57 иеть)
Чачома тарка: Кенде веле, Мордовия Республикась
Гражданчи: РоссияFlag of Russia.svg Россия
Тетязо: Григорий Николаевич
авазо: Мария Алексеевна
Низэ: Ирина Петровна

Храброй Миша (руз. Седойкин Михаил Григорьевич) — морыця, седиця. Морси эрзякскак.

Чачсь 1960 иень сундерьковонь 4 чистэ. Тумобуень Мордовиянь Кенде велесэ. 1976 иестэ мольсь тонавтнеме Саранскоень седямонь тонавтнемав дирижерско-хоровой отделенияc. Морамо тевентень (вокалонтень) тонавтнесь РСФСР-нь Заслуженной артистэнть Дмитрий Иванович Еремеевень пельде, кона се шкане важодсь Саранскоень музыкальной театранть прявтокс. Тонавтнеманть прядомадо мейле, [1980 ие]]стэ, Михаилэнь саизь армияв. Понгсь сон Васоло Чилисемав, Комсомольск-Амур-лангсо ошсо служась полковой оркестрасо, седясь валторнсо.

2004 иестэ лиссь «Филантроп» раськеютконь премиянь лауреатокс. Морась Россиянь Вишкине театрасо, Женевасо, Лозаннасо, кавксть тердтнизь Китаев.

Сонсь Михаил Седойкин седи гармошкасо, баянсо. Вечки морсеме раськень морот. Истя жо моры Магомаевень, Кобзононь, Захаровонь репертуарсто. Ды аволь умок моразевсь эрзякс. Интернетсэ совась «Эрзянь вал» пурнавксонтень, косо ламот пшкадсть тензэ морамс мезеяк тиринь, эрзянь. Покш Игнадбуень тонавтыцясь Римма Жегалина кучсь тензэ рузонь содавикс моротнень эрзянь кельс ютавтовкст. Эрзянь аванть энялдоманзо коряс терявтсь морамс сынст. Пек парсте тензэ удалась! Вана мезэ сон корты тень коряс:

Эрян Комсомольск-на-Амуре ошсо 30 иеть. Эрзякс кортамс тунь а кинь марто. Келенть малав стувтыя. Интернетэнь коряс весе сермадыть тень эрзякс. Содат, васня стакаль тень, а чарькодилинь весе валтнэнь. Аламонь-аламонь, ней тонадовсь, бажан максомс каршо валт эрзякс. Сюконян Римма Дмитриевнанень, сонзэ арась музыкань образованиязо, ялатеке, эрьва валонть ладясы мелодиянтень ды морави шождасто. Паро бу морамс мезеяк неень композитортнэнь, ули истямо мелем.


Неень шкане эри Комсомольск-Амур-лангсо ошсо. Сеедьстэ морси ошонь кенярксчитнесэ.

Сёрм.:[витнеме-петнеме | витнемс-петнемс лисьмапрянзо]