Сванетия

Википедиясто материал - аорев содамкундосто
Перейти к навигации Перейти к поиску
Сванетия
КоцтГерб
Geo svan.JPGGalovani and Dadeshkeliani coa.png
Часть света Евразия[d]
Форма правления княжество[d]
Дата прекращения существования 1859

Сване́тия (Свáнети, груз. სვანეთი) — те пандов тарка Грузиянь Пелевеёнксcо. Теевсь историянь кувалт. Эрицятне — свант. Истя жо историянь ды таркань кувалт явови Верце ды Алце Сванетияс, сынь явовить эсь юткова Сванетиянь пандонь рисьмесэ.

Верьце Сванетия[витнемс-петнемс | витнемс-петнемс лисьмапрянзо]

Верьце Сванетия (груз. ზემო სვანეთი Земо-Сванети) — те пандо прясо аштиця тарка, Ингури леень верьце чудемасо. Покшолмазо 3154 вп². Координатонзо: 42°48' ды 43°15' пелевеёнксонь эчкень ды 42°00' ды 43°00' чилисемань кувалмонь юткосо.

Пелевеёнксонь ды чилисемаёнксонь ёндо Сванетиянь перька ашти Кавказонь Прявт Пандорисьме, конань покш пандопрякс лововить: ШхараУшбаТетнульди  ды лият. Сонзэ эзга юты Грузиянь ды Рузонь Масторонь явоматаркась (Кабардино-Балкария).

Лембеёнксонь ёндо - Сванетия пандорисьме, конась вейсэнди Кавказонь Прявт Пандорисьмень марто ды тень кувалт пексты Верьце Сванетиясонть чилисемаёндо. Чивалгома ёндо явови Хурум пандорисьмесэ Кодоронь ущельядо.

Mestia (59)

Верьце Сванетиясь содавикс эсь архитектурань ды мазый таркань коряс. Сехте содавикст - эрямобашнят, конат вачказельть IX—XII пингесэ. Истя жо ванстовсть кезэрень кевень православиянь церкуват.

Верьце Сванетиясь ульнесь совавтозь ЮНЕСКонь Весе Масторонь ванстома конёвс.

Администрациянь кувалт Верьце Сванетиясь ашти Самегрелонь ды Верьце Сванетиянь Местийской буесэ, прявт велекс ашти Местиа велесь.

Историясь[витнемс-петнемс | витнемс-петнемс лисьмапрянзо]

Грузиянь царствань колавомадо мейле XVI пингестэ Верьце Сванетиясь аштесь имеретинэнь инязоронть ало. Чивалгомаёно Дадешкелиани князесь тейсь киньдяк ало а аштиця мастор. Те тарканть лемдизь Князень Сванетия. Лия таркава теевсть олячинь вейсэндявкст ды тенст кармасть мереме Олячинь Сванетия. Неть кавто таркатне совасть Рузонь империяс (Князень Сванетиясь — 1833 иестэ, Олячинь Сванетиясь — 1840 иестэ), ансяк 1840 иентнень прядовомас тосо арасель рузонь администрациясь ды рузонь православиянь церкуваськак.

Constantine Dadeshkeliani, Prince of Svaneti

1859 иень самс Князень Сванетиясь ульнесь кардазь ды те таркась теезель башка приставствакс — Сванетиякс. Сон совась Кутаисинь генерал-губернаторствас. 1857 иестэ тозонь совасть рузонь ушмант. Константин Дадешкелиани маштызе Александр Гагаринэнь, конась ульнесь Кутаисинь генерал-губернаторокс, ды тень кисэ сонсь ульнесь ледезь судонь меремань кувалт.


Алце Сванетия[витнемс-петнемс | витнемс-петнемс лисьмапрянзо]

Алце Сванетия (груз. ქვემო სვანეთი Квемо-Сванети) — Цхенисцкали  леень верьце чудематаркава аштиця модатне. Цхенисцкали  - те Риони леень ожась.

Пелевеёндо Алце Сванетиясь явозь Сванетиянь пандорисьмесэ Верьце Сванетиясто. Лембеёндо ды чивалгома ёндо Эгрис пандорисьмесь яви те тарканть Мегрелиядо, а Лечхуми пандорисьмесь яви Лечхумдо лембеёндо, Рачи — чилисема ёндо.


Администрациянь кувалт Алце Сванетиясь теи Лентех буе, конась сови Рача-Лечхуми ды Алце Сванетиянь регионс, прявттаркась — Лентехи велесь.

Историясь[витнемс-петнемс | витнемс-петнемс лисьмапрянзо]

Грузиянь царствань колавомадо мейле XVI пингестэ Алце Сванетиясь совась Мегрелэнь княжествас. 1833 те таркась совась Рузонь империяс, а 1867 иестэ княжестванть лоткавтызь. Нет модатне совасть Кутаисинь губернияс. 1887 иестэ саезь Алце Сванетиянь модатне совасть Лучхум уездс.

Лисьмапрят[витнемс-петнемс лисьмапрянзо]