Радаевень, Василий Иванович

Википедиясто материал - аорев содамкундосто
Василий Радаевень
Радин-Аловский
Чачома лем: Василий Иванович Радаевень
Важодема ёрокчизе : эрзянь кельсэ сёрмадей
Чачома чись: даволковонь 11 чи 1901({{padleft:1901|4|0}}-{{padleft:2|2|0}}-{{padleft:11|2|0}})
Чачома тарка: Алова веле, Никольской буе, Пензань ёнкс
Гражданчи: СССРFlag of the Soviet Union.svg СССР
Кулома чись: умарьковонь 23 чи 1989({{padleft:1989|4|0}}-{{padleft:8|2|0}}-{{padleft:23|2|0}}) (88 иеть)
Кулома тарка: Саран ош

Радаевень Василий Иванович (псевдонимезэ: Радин-Аловский[1]) — эрзянь[2][3] сёрмадей.

Чачсь 1901 иень эйзюрковонь 11 чистэ Пензань губерниянь Городищенской уездэнь Алова велесэ (ней Пензань ёнксонь Никольской буень) сокицянь-видицянь покш семиясо. Кавксо иесэ уш кармась тетянстэнь кудоютконь ды паксянь тевтнень топавтомсто лездамо. Теке шкастонть парсте прядызе эсь велень школанть. Мейле саизь Якстере Армияв, косто велявтсь ансяк 1925 иесте. Тюрсь ашотнень ды Антоновонь банданть каршо. Секе иестэнть тусь совпартшколав, конань прядомадо мейле кучизь важодеме Мордовиянь Кочкурбуев. Васня ульнесь кочказь вейсхозонь прявтокс, мейле — «Якстере колхоз» (руз. «Красный колхоз») буень кулялопанть редакторокс. Сесте ушодкскак сёрмадомо.

1932-1942 иетнестэ важоди «Эрзянь коммуна» (руз. «Эрзянская коммуна»), «Красная Мордовия» кулялопатнесэ, ды Мордовиянь Сёрмадеень пурнавксонть Ветикуросо.

Саезь 1942 иестэ - турем киксэ (фронтсо)[4]. Содавиксэв валморозеенть Артур Моро марто ойнань шкасто нолдась 20-сь леднема бригадань НКВД «Вперед за Родину» кулялопаньть[3]. Седе тов, пенсияв туема шканть видс (1962 ие) важодсь «Эрзянь коммуна» (руз. «Эрзянская коммуна»), «Советская Мордовия» кулялопатнесэ, Мордовиянь пачтамо ды теленевтемань Прявткомитетсэ (руз. Госкомитет по радиовещанию и телевидению Мордовии).

Шкинемазо[витнеме-петнеме | витнемс-петнемс лисьмапрянзо]

Сермадома лувсонть ушодовсь 1930 иестэ. Васенце пурнавксось «Од пингень вий» (руз. «Сила нового времени») лись 1933 иестэ. Эйсензэ совась валморот ды поэмат. Сёрмадовкстнэсэ маряви сёрмадыцянть гайтев вайгелезэ одкстомтнеде, конат састь веленть эрямонтень. Седе содавиксэкс В. Радаев теевсь кода прозаньсёрмадей. Васенце истямо пурнавксось «Омбоце эскелькс» лем ало (руз. «Второй шаг»), кона лись 1947 иестэ, сон ёрокчистэ, кемевикстэ невти важодиця ломантнень, вейсхозонь веленть эрямонть. Омбоце пурнавксось – «Велень ёвтнемат» (руз. «Деревенские рассказы») неинзеть валдонть 1958 иестэ.

Революциянть седе икелень эрямонзо, сонзэ тюремазо эрьва ёндо Василий Иванович Радаев невти «Кайга» пусмосонть (1961 ие). Пек содавикс сёрмадовксозо «Сиведезь жених» (руз. «Подставной жених», 1957 ие). Сон нолдазель «Огонек» ковкставксо, ютавтозь чехень кельс ды нолдазь Прагасо «Кветы» ковкставксо. Саранонь теленевтнемань студиясь 1978 иестэ невтсь те сёрмадовксонть ланга спектакля.

Ламо сёрмадсь эйкакшонь туртов: «Колмо ялгат» ёвтнемась (повесть) (руз. «Три товарища»), пурнавкс пусмотне «Наташа ды сонзэ оянзо» (руз. «Наташа и ее подруги»), «Заботиця эйкакшт» (руз. «Заботливые ребята»), «Част» (руз. «Часы»), «Раужо озяз» (руз. «Черный воробей») ды лият. Весемикс сёрмадеесь нолдась 15 конёв пусмот.

Ламо лезэ путсь ютавтомантень, рузонь кельс сон ютавсь сёрмадовкст Ф. Беззубовань, А. Лукьяновонь, П. Кономанинэнь, Н. Киржайкинань, А. Жулюпкинань, Н. Филипповонь ды лиянь.

СССР-нь Сёрмадеень пурнавксонь член 1938 иестэнть. Казязь «За отвагу», «За победу над Германией в Великой Отечественной войне 1941-1945 гг.» медальтнесэ.

Кулось 1989 иестэ умарьковонь 23 чистэ Саран ошсо, косо калмазьгак.

Лецтнемга[витнеме-петнеме | витнемс-петнемс лисьмапрянзо]

  • 2011 иестэ Мордовиянь краеведениянь музейсэ В.И. Радаевень 105 иеть юбилеентень алтавсь «С лейкой и блокнотом…» невтевксэсь[2], эйсэнзэ ульнесть невтезь сонзэ фотокувонзо, ули-паронзо, документэнзэ, казнензэ ды лия мезензэ.

Лисьм.:[витнеме-петнеме | витнемс-петнемс лисьмапрянзо]

  1. Мордовская литература:Радаев (Радин-Аловский) Василий Иванович(руз.)
  2. 2,0 2,1 Колхозонь прявтсто - сермадеекс(эрз.)
  3. 3,0 3,1 «Мордовский республиканский объединенный краеведческий музей им. И.Д. Воронина». В.И. Радин-Аловский (руз.)
  4. МОКШЭРЗЯНЬ ПИСАТЕЛЬХНЕ, КОНАТ АШЕСТЬ МРДА ВОЙНАСТА(мокш.)