Подгорновонь Алина (руз. Алина Подгорнова), (1991 иень ожоковонь 19 чи Кобалесэ) — неень шкань эрзянь содавикс валморонь ладсий.

Эстедензэ

Подгорновонь Алина
Подгорновонь Алина
Чачома чись:	ожоковонь 19 чи 1991 (33 иеть)
Чачома тарка:	Кобале, Тумобуе, Мордовиянь Автономной Советэнь Социалистической Республикась[d], Российянь Советэнь Федеративной Социалистической Республикась[d], Советэнь Вейсэндявкс[d];
Гражданство (подданство):	Советэнь Вейсэндявкс[d]; Россия Мастор;
Род деятельности:	валморозей, куляньсёрмадей
Годы творчества:	2012 — ней шкасто
Язык произведений:	Рузонь кель ды Эрзянь кель
	Файлы

Алина Подгорнова чачсь 1991 иень ожоковонь 19 чистэ Тумобуень Кобалесэ. Тонавтни Н.П. Огарёв лемсэ МГУ-нь филологиянь факультетэнь журналистикань отделениясо. Валморонзо лиснесть «Чилисема»-со, «Эрзянь валске» пусмосо, «Эрзянь Мастор» кулялопасо^[1]. Неень шкасто важоди «Сятко» ковставксонь редакциясо. 2014 иень Эрзянь сёрмадома шкинемань «Эрзянь ойме» Казнень саицясь^[2].

Сёрмады валморот эрзянь ды рузонь кельтнесэ, вастневи пакшат ды од ломанть марто кода Мордовиясо, истя томбалеяк^[3]. Мордовия Республикань Прявтонь од сёрмадыцятнень туртов литературной премиянь лауреат (2013 ие), Россиянь Писателень союзонь член (2013 ие).

Вана сон сёрмады эсинзэ кувалт:

Мон чачинь Кобале эрзянь велесэ. Тетям-авам, покштям-сырькаем – весе эрзят. Вишка пингстэ саезь, вечкса тиринь келем, тиринь ёнксом. Ды сась шка, зярдо те вечкеманть карминь ёвтнеме стихсэ. Эскельксэнь-эскелькс, шкинемасом молян яла седе верев ды верев. Те тевесь аволь шождыне. Ялатеке, сиземань апак сода, сюпалгавтан оймем од ёжомарямосо, од муевкссэ, конатнень кази монень стихень сермадомась. Нама, ськамозом монень мезеяк аволь тееве. Покштояк покш лезкс максыть тень од сермадыцянь семинартнэ, конатнень марто кирдян ояксчи малав ветеце ие. Тосо муинь ламо паро оят, конатнень марто монь вейсэнди эрзянь келень вечкемась.
Илядо стувтне кельсэнк, оят! Зярс минь вечксынек келенек, зярс сон минек ули – минь весемеде сюпав ломанть!^[4]

2015 иень панжиковсто, Алина Подгорнова ульнесь кочказь^[5] Эрзянь Инекужонть пельде МАФУНов, кона карми ютамо медьковонь 29-31 читнестэ Тарту ошсо Эстэнь Масторсо.

Шкинемазо

«Марямга» (2013 ие)

Ванмот

Сёрм.

↑ Finnougoria: Алина Подгорнова (руз.)
↑ В Саранске состоялось вручение первой национальной эрзянской литературной премии (руз.)
↑ В Ульяновске эрзянские поэтессы прочитали стихотворения на родном языке Архивировазь 4 Эйзюрковонь 2016 иестэ. (руз.)
↑ Эрзиана: Алина Подгорнова (руз.), (эрз.)
↑ Uralistica: Алина Подгорнова, Вячеслав Гагарин. Неть эрзянь од ломантне невтьсызь Эрзя раськенть МАФУНонь промкссо (эрз.)

[1] Finnougoria: Алина Подгорнова (руз.)

[2] В Саранске состоялось вручение первой национальной эрзянской литературной премии (руз.)

[3] В Ульяновске эрзянские поэтессы прочитали стихотворения на родном языке Архивировазь 4 Эйзюрковонь 2016 иестэ. (руз.)

[4] Эрзиана: Алина Подгорнова (руз.), (эрз.)

[5] Uralistica: Алина Подгорнова, Вячеслав Гагарин. Неть эрзянь од ломантне невтьсызь Эрзя раськенть МАФУНонь промкссо (эрз.)

[1]

[2]

[3]

[4]

[5]