Платонов, Сергей Захарович

Пол эли гендер	цёраломань[d]
Чачома чи	аштемковонь 26 чи 1915
Кулома чи	панжиковонь 20 чи 1986 (70 иеть)
Тев теят	куляньсёрмадей
Учебное заведение	Литературный институт[d];

Платонов Сергей Захарович, валмородей, сёрмадей, журналист. СССР-нь сёрмадеень вейсэндявксос совиця (1958-це ие).

Эрямо пингезэ

Чачсь неень Пенза ёнксонь Лопатина буень Сосновка велинесэ 1915-це иень аштемковонь 26-це чистэ. Прядсь Мордов. пед. техникум (1932-це ие, Саратова ёнксонь Петровск ош), М. Горькой лемсэ лит. институт (1956-це ие). 1932-це иестэ саезь 1933-це иес важодсь тонавтыцякс Саратова ёнксонь Каргалейка велесэ. 1933-це иестэ сась эрямо Саран ошов, роботась «Ленинэнь киява» газетасо лит. сотрудникекс. 1937-це иестэ чумовтомо чумондозель (репрессировазель). Ульнесь Колымань лагерьтнесэ, Якутиянь алмазов таркатнесэ. Олякстомтомадо мейле (1944-це ие; реабилитировазь 1992-це иестэ) велявтсь Саранов. 1945 – 85-це иетнестэ – Эрзянь-мокшонь книгань издательствань редактор, «Сятко» журналонь, «Эрзянь правда» газетань важодиця. Поэзиянь ды прозань кемень пусмонь автор. Кода поэттэ эсь прядонзо яволявтсь Мордовиянь периодикасонть 1930-це иетнень ушодовомсто. «Вийс совамо» лирикань васенце пусмонзо ливтизе 1957-це иестэ. «Монь вечкемам», «Минек уцясканок», «Монь кудосо тонеть эрямс» ды лия лиро-эпической сёрмадовксонзо теизь «Поэмат» пусмонть (1959-це ие). Поэмань шкинемасонзо редявить драмась ды лирикась, авторонть марто ве шкасто эриця ломантнень уцяскаст туртов мелень явомась. Ссылкань шказо невтезь «Алмазт» поэмасонть. «Кить-янт», «Эрямос совамо», «Васенце вечкема» ды лия повесттнесэ авторось панжовсь кода прозаик, кона ваннось войнадо мейлень веленть эрямонзо. Велень эрямонь стакачитненень истя жо алтазть «Гараевень честезэ» драмазо (1956-це ие) ды «Миллионерт» комедиязо (1957-це ие). Платонов ютавтсь эрзянь кельс рузонь классической поэзиянть, истя жо М. А. Бебанонь, И. М. Девинэнь, А. С. Малькинэнь ды мокшонь лия автортнэнь поэзияст. Кулось Саран ошсо 1986-це иень панжиковонь 20-це чистэ.

Сочиненият

Звенящие зори : стихи, поэма / пер. с эрзя И. Пиняева. Саранск, 1937;
Монь вечкемам : стихть ды поэмат. Саранск, 1960 ;
Валдо васолкст : повестть. Саранск, 1975 ;
Маней кужо : стихотвореният, поэмат. Саранск, 1985.

Литературась

Зиновьев Н. В. Человек и время : Мордов. литература и нац. школа. Саранск, 1994 ;
Брыжинский А. И., Пашутина О. В., Чернов Е. И. Писатели Мордовии : биобиблиогр. справ. Саранск, 2001 ;
Мордовия : энц. Саранск, 2004. Т. 2 ;
Инжеватов И. К. Ялгадо вал / / Сятко. 1985. № 3 ;
Мордовия, XX век: культурная элита. Саранск, 2013. Ч. 2.

Лисьмапрят

http://www.lib.e-mordovia.ru/Library/?Char=&id=111 http://www.erzia.saransk.ru/arhiv.php?n=1034&nom11=212 Архивировазь 31 Ожоковонь 2021 иестэ. http://inpenza.ru/lopatino/sosnovka.php Архивировазь 13 Ацамковонь 2019 иестэ. https://ru.openlist.wiki/index.php?title=%D0%9A%D0%B0%D1%82%D0%B5%D0%B3%D0%BE%D1%80%D0%B8%D1%8F:%D0%9A%D0%BD%D0%B8%D0%B3%D0%B0_%D0%BF%D0%B0%D0%BC%D1%8F%D1%82%D0%B8_%D0%A0%D0%B5%D1%81%D0%BF%D1%83%D0%B1%D0%BB%D0%B8%D0%BA%D0%B8_%D0%9C%D0%BE%D1%80%D0%B4%D0%BE%D0%B2%D0%B8%D1%8F&pagefrom=%D0%9F%D0%BB%D0%B0%D1%82%D0%BE%D0%BD%D0%BE%D0%B2+%D0%A1%D0%B5%D1%80%D0%B3%D0%B5%D0%B9+%D0%97%D0%B0%D1%85%D0%B0%D1%80%D0%BE%D0%B2%D0%B8%D1%87+(1915) https://www.wikiwand.com/ru/%D0%9F%D0%BB%D0%B0%D1%82%D0%BE%D0%BD%D0%BE%D0%B2 https://pandia.ru/text/80/123/47164-15.php