Петайкин, Александр Иванович

Петайкин, Александр Иванович
чачома чись	таштамковонь 8 чи 1936(1936-09-08)
Чачома тарка	Крутой Гора, Оброчинское сельское поселение[d], Ицял буе, Мордовиянь Автономной Советэнь Социалистической Республикась[d], Средневолжский край[d], Российянь Советэнь Федеративной Социалистической Республикась[d], Советэнь Вейсэндявкс[d]
Кулома чись	сундерьковонь 3 чи 1999(1999-11-03) (63 иеть)
Кулома тарка	Саран ош, Россия Мастор
Важодема ёрокчизе	валморозей, прозаик

Петайкинэнь Александр Иванович (псевдонимезэ А. Крутогорский, 1936 иень таштамковонь 8 чистэ - 1999 иень сундерьковонь 3 чистэ Саран ош) — эрзянь сёрмадей, прозаньсёрмадей, Россиянь Сёрмадеень вейсэндявксос совиця.

Чачсь Ицял буень Крутой Гора велесэ (лиясо сёрмадозь: Ицяло велесэ). 1973 иестэ прядызе Литературань институтонть А.М. Горькень лемсэ.

Важодсь «По заветам Ленина» вейсхозсо (1954-1961 иетнестэ), Ицял буень «Путь Ильича» кулялопасонть сёрмадеекс (1961-1963 иетнестэ), «Знамя» (Чамзабуень) кулялопанть литважодицякс (1963-1965 иетнестэ), Покш Игнадбуень «Восход» кулялопанть пельксэнь ветицякс (1965-1967 иетнестэ), ульнесь «Эрзянь правда» кулялопанть корреспондентэкс (1967-1975 иетнестэ), Оразайбуень «Заря коммунизма» кулялопанть пельксэнь ветицякс (1975-1979), «Сятко» ковкставксонь литважодицякс (1979-1984 иетнестэ), Лямбирьбуень «Призыв» кулялопанть пельксэнь ветицякс (1984-1987 иетнестэ) ды «Огни коммунизма» кулялопасонть (1987-1989 иетнестэ), «Пионерэнь вайгель» ковкставксонть покшредакторокс (1989-1991 иетнестэ), Мордовиянь Сёрмадеень вейсэндявксонть литкевкстемань ёвтыцякс (литконсультатокс) (1991 ие), «Сельский строитель» кулялопанть корреспондентэкс (1992 ие), Кочкурбуеень «Заря» кулялопанть пельксэнь ветицякс (1994 ие).

Шкинемазо

Васенце валморонзо ульнесь невтезь «За социализм» буень кулялопасонть 1958 иестэ. 1978 иестэ лиси эйкакштненень сонзэ ёвтнемазо «Кизэнь казне» (руз. «Подарок лета»). Лия сёрмадовкстнэ паро мельсэ ульнесь вастазь ловныцятнесэ конёв пурнавкстнэсэ: «Василёк» (1982 ие), «Лёмзёркс цецят» (руз. «Цветы черемухи») (1984 ие), «Чудикерькссэ чипай» (руз. «Солнышко в ручье») (1990 ие) ды лият.

А.И. Петайкинэнь пьесанзо: «Вишка оя» (руз. «Маленький друг»), «Олда бабань кенярксозо» (руз. «Радость бабушки Олды»), «Ошонь цёрыне» (руз. «Городской мальчик») ульнесь путозь-налксэзь раськень театратнева.

Кулось 1999 иень сундерьковонь 3 чистэ, калмазь Саран ошо.

Сёрм.:

• Ломшин, М. Чудикерькссэ чипайнеть: [А. И. Петайкинэнь творчествадо] / Михаил Ломшин // Сятко. – 2006. – № 9. – С. 74-79.
• Петайкин Александр Иванович: чачома чистэнзэ 70 иетненень // Сятко. – 2006. – № 9. – С. 68.
• Ломшин, М. Эйкакштнэнень эряви сёрмадомс седе чарькодевиксстэ: [А. И. Петайкинэнь творчествадо] // Эрзянь правда. – 2006. – 27 июля. – С. 11.
• Петайкин Александр Иванович // Писатели Мордовии: биогр. справ. / сост.: Е. М. Голубчик, Т. С. Баргова. – Саранск, 2004. – С. 89-90.
• Брыжинский, А. И. Писатели Мордовии: библиогр. указ. / А. И. Брыжинский, О. В. Пашутина, Е. И. Чернов, 2001. – С. 376-377.