Орлова, Раиса Константиновна

Орлова, Раиса Константиновна
Орлова, Раиса Константиновна
чачома чись	ожоковонь 13 чи 1963 (61 ие)
Чачома тарка	Оргам, Сире Шяйгавонь велень эряма васта[d], Ташто Шайгабуе, Мордовиянь Автономной Советэнь Социалистической Республикась[d], Российянь Советэнь Федеративной Социалистической Республикась[d], Советэнь Вейсэндявкс[d];
Важодема ёрокчизе	сёрмадей, валморозей, ютавтыця

Орлова Раиса Константиновна, Рая Орлова, валморонь сёрмадый.

Эрямо пингезэ

Чачсь 1963-це иестэ ожоковонь 13-це чистэ Мордовия Республикань Сыре Шайговань Сарга велесэ колхозникень ламо эйкакшонь семиясо (котоце эйкакшокс). Н. П. Огарёв лемсэ Эрзя-мокшонь госуниверситетэнь филологиянь факультетэнь прядомадо мейле зярыя иеть важодсь Сарга велень советэнь прявтокс, тиринь велень школасо тонавтыцякс. Ней эри Саранскойсэ, важоди «Мокша» журналонь редакциясо поэзиянь отделэнь прявтокс.

Шкинемазо

Стихень сёрмадомо ушодсь школасо тонавтнемстэ. Сынь алтавсть аванстэнь, ояксчинтень, васень вечкемантень. Теке марто вейсэ, кода лови сонсь поэтессась, шкинемань алкуксонь кизэ ушодовсь ютазь пингень 80-це иетнестэ, зярдо произведениянзо печатавкшность «Трудовая правда» райгазетасо, «Мордовский университет», «Мокшень правда» газетатнесэ, «Якстерь тяштеня», «Мокша» журналтнэсэ. Стихень пусмозо коминь кельс ютавтозь лиснесь «Войвыв кодзув» («Северная звезда») журналсо. 1997-це иестэ зярыя стихензэ рузонь кельс ютавтозь печатазельть «В саду моих мечтаний» вейсэнь пусмосонть. Теке жо иестэнть Эрзямокшонь книгань издательствасонть лиссь мокшонь кельсэ «Аран тяштенякс» («Стану звёздочкой») стихень башка книгазо. Теде мейле мельга-мельцек лиссть стихень истят пусмонзо: «Пизёлонь каштаз» («Рябиновый венок») (2006), «Инксот эрян» («Тобой живу») (2007), «Цёнгат» («Острова») (2008), «Кулемасть, Шкайават, моньге – авать» («Услышьте, Боги-женщины, и меня – женщину») (2010), «Пацят» («Крылья») (2011), «Тундонь ёфкс» («Весенняя сказка») (2011), «Сорга» («Серёжка») (2014), «Письма странницы» (2014). Теде башка, произведениянзо печатавсть вейсэнь пусмосо: «В саду моих мечтаний» рузонь, «От Югры до Балатона» финнэнь, «Пизёлонь каштаз» венгрань, «Жаркая ночь» эстононь, «Черёмуховая речка» ды «Валда вет» коминь, «Крьвастян штатол» коминь, удмуртонь, маринь ды мокшонь, «Двенадцать» венгрань кельтнесэ, совась «Современная литература народов России: Поэзия / Антология» (2017) вейсэнь пусмонтень.

Рая Орлова неень шкань мокшонь литературасонть, ловт, вейкине поэтесса, кона истя виевстэ ды ламо важоди поэзиянь жанрасонть. Сон содавиксэкс теевсь кода моронь сёрмадыця поэт. Стихензэ лангс Мордовиянь содавикс композитортнэ сёрмадсть малав ведьгемень морот. Нолдась стихензэ лангс сёрмадозь диск – «Пизёлонь каштаз».

Рая Орлова – эрзянь ды мокшонь раськень регионъютконь вейсэнь движениянь советэнь, Мордовиянь писателень союзонь правлениянь член.

Р. К. Орлова – Россиянь писателень союзонь член (1998), Мордовия Республикань заслуженной поэт (2008), Мордовия Республикань Государственной премиянь лауреат (2013).

Литературась

Писатели Мордовии : библиографический справочник : в 2 т. Е. 2. Л – Я / сост. : А. И. Брыжинский, Л. П. Бойнова, Е. И. Чернов. – Саранск : Мордовское книжное издательство, 2015. – 544 с. ISBN 978 – 5 – 7595 – 1938 – 6 (т. 2)
«Чилисема», 2014, №10, с.28

Лисьмапрят

http://www.lib.e-mordovia.ru/Library/?Char=%CE&id=0 http://www.finnougoria.ru/logos/poetry/1332/13330/ http://fugazeta.ru/tvorchestvo-vo-imya-svoego-naroda-raya-orlova/ Архивировазь 20 Чадыковонь 2020 иестэ. https://rus4all.ru/authors/raya_orlova/ http://www.library.saransk.ru/actions/?ELEMENT_ID=770 https://mdf.wikipedia.org/wiki/%D0%9E%D1%80%D0%BB%D0%BE%D0%B2%D0%B0,_%D0%A0%D0%B0%D1%8F