Огинской каналось

Википедиясто материал - аорев содамкундосто
Перейти к навигации Перейти к поиску

Огинскоень каналось, Днепр-Неманонь каналосьБелоруссиянь каналось, вачказель 17671783 иестэ, сюлми кавто лейть: Ясельда (Припять леентень чудиця) ды Щара (Неманс чудиця), истя каналось сюлми Балтийской иневеденть Раужо иневеденть марто. Истяжо каналс совить зёлт: Выгонощанской ды Вульковской. Каналонть кувалмозо 55 км (тезэнь совить 5 вайгельбеть Выгонощанской зёлтга). Выгонощанской зёлтось сюлмазь Щара леенть марто: теезель 2.5 вайгельбень пелема. Каналсонть кавто венчень лотксема таркат: Телехант ды Огинской. Икелев каналонть лемезэльдяк Телеханонь канал.


Историязо

Каналось лемдезэль Михаил Казимир Огинскоень лемсэ, конась ульнесь каналонь вачкамонь кармавтыцякс (kanal wieki Pinski czyli port Oginski). Каналонь вачкамось стясь 12 миллионт злотат. Ярмактнэнь покш пелькс макссь Матей Бутримович — Пинскень судия ды мечник. Сон якавтызе весе пурнамонь-анокстамонь тевтнень: тердсь содыцят ды вачкамо маштыця ломанть. Вачкамонь кисэ Речь Посполитая алтась стявтомс Огинскойнень кеврунго (мезесь ульнесь сермадозь 1768 иень Конституциясо), тензэ истяжо ульнесь казезь Лагишин таркась ды Мышковце велесь. Каналга ютамонь кисэ венчнэ пандсть ярмак, конатне мольсть каналонь кирдема лангс.

Ведень кинть ванномазо[витнемс-петнемс | витнемс-петнемс лисьмапрянзо]

Каналось тевс нолдазель 1783 иестэ. XIX пингестэ венчнэ якасть истя: ПинскТелехант ды ПинскСлоним (кавто чис весть). Маласо аштиця велетне кармасть касомо.

Огинской каналось ульнесь аволь домка, коське шкане каналга уйкшнемась стакаль — арасель ламо ведь эйсэнзэ. Секскак Павел Iцень 23це даволковонь 1795 иестэ мереманзо коряс кармавтозель теемс ремонт (русский «приступить до ремонта канала с целью принести больше выгоды российским подданным»), тевентень максозоль 60 000 рублят. Витнема тевтне мольсть 1799 иестэ 1804 иень видс. Теде мельга каналонть келезэ теевсь 10 метракс. Александр Iнь 23це даволковонь 1804 иестэ мереманзо коряс ульнесть путозь ярмаконь саема лувт ютыця венчнэнь эйстэ (русск. «съ проходящихъ по онымъ судовъ и плотовъ»).

Гродно ошонть 1837 иень таштамковонь 10 чистэ статистикань коряс Огинской каналга 1836 иестэ ускозель (товзюро, кснав, сулика, кирпець, табак, посудат, сал, розь ды седе тов) 1.5 млн. целковоень питнесэ таварт. Истяжо омбомасторсто усксть шелк, винат, кшнить.


Каналось пек калавтозель Васенце Весе Масторонь Войнань шкане. Весе гидротехникань вачказь тевтне пултазельть.

Зярдо Белорусиянь пельксэсь совась Польшас, поляктнэ кармасть каналонь одкстомань тевтнень. Вачкизь одс пек бойкасто (1926 ды 1928 иестэ) ды вадрясто эйсэнзэ тевс нолдасть 1939 иень видс. Каналга се шкане уйкшневтсть вирь, тия-тува ломань марто венчть. Гортоль веленть каршо теезель каналонть ланга панжневиця сэдь.

1942 иестэ каналонь навигационной системазо ульнесь калавтозь ды теде мельга эзь вачкаво одс: мольсть покш тюремат советской партизант ды немецень ушмотнень юткова.

Тюремадо мельга ульнесть мельть вачкамс каналонть одс (кода сехте нурькине ки Каспиень ды Раужо иневеденть эйстэ — Балтикань иневедьс) «объект всесоюзного значения» статус марто. Те лиядсь апак тее. Каналось допрок каладсь 1960 иетнестэ: лиядозь шлюзтнэ калавтозельть взрывсэ.

Неень шкась[витнемс-петнемс | витнемс-петнемс лисьмапрянзо]

Неень шкане каналось ашти туристэнь таркакс. Ансяк кавто таркат весе каналсто аштить паро ландсо: Вульковско ды Выгонощанской зёлтт, косо 10це шлюзонь руинат. 1980 иестэ каналось ульнесь пекстазь модань дамбасо Выгоновской зёлтонть маласо. Омбоце Весе Масторонь Войнанть мельга стявтозельть сэдть ды текень кувалма венчнэ а уйкшневить каналга неень шкане.


Ульнесть ламо мельть вачкамс одс каналонть, мезесь экономикань коряс марявсь пек питней тевекс: эрявсь 40 млрд рублят.


2007 иестэ каналось кармась экологиянь зыянонь таркакс: пек коське шка мельга састь пиземеть. Огинской каналсо ды Щара лейсэ кармасть куломо калт. Тувталось ульнесь сэньсэ, што кармасть качаямо ведь болотасто каналонтень ды леентень.

Ули кемема, што каналось совавтови зярдояк ЮНЕСКОнь коневтнес, кода весе масторонь наследия.

Лисьмапрят[витнемс-петнемс лисьмапрянзо]