Николич, Юлия Игоревна

Николич, Юлия Игоревна
Эсензэ информациязо
Пол	аваломань
Мастор	Украина  Македония Мастор
Специализация	гандбол[d]
Клуб	Вардар[d]
чачома чись	чадыковонь 20 чи 1983(1983-04-20)
чачома тарка	Днипро ош, Украинань Советэнь Социалистической Республикась[d], Советэнь Вейсэндявкс[d]
кулома чись	ожоковонь 12 чи 2021(2021-10-12) (38 иеть)
кулома тарка	Скопье ош, Македония Мастор

Юлия Игоревна Портянко, мирдень коряс Николич (макед. Јулија Портјанко / Николиќ, чачсь 1983-це иень чадыковонь 20-це чистэ Днепропетровсксо) — украинасто лисезь македононь гандболистка, налксевтиця. Карьеранзо лоткавтызе 2014/2015 сезононь прядовомсто.

Эрямо кизэ

Клубонь карьеразо

Юлия — «Галичанка» львовской клубонь кастовкс, кисэнзэ налксесь 2001-це иестэ саезь 2003-це иес. 2003-це иестэ саезь сон налксесь мастортомбале «Кометал Горче Петров» (Македония), «Юскюдар Беледиеспор» (Турция) ды «Арвор 29» (Франция; Лакрабер Александра марто вейке клубсо налксиця) клубтнэнь кис. Ульнесь Украинань, Македониянь ды Франциянь чемпионка. 2012/2013 сезонсонть налксесь Россиясо «Звезда» (Звенигород) команданть кис, мезде мейле тусь «Вардар»-с. Карьеранзо прядызе «Вардаронь» кис кавто сезондо мейле.

Сборнойсэ карьеразо

Юлия ютавтсь Македониянь сборноенть кис 57 налксемат ды чавсь 187 голт; налксесь Европань 2008-це иень чемпионатсо ды команданзо марто занясь 7-це тарка, понгсь бомбардирэнь Топ-10-с. Меельце турнирэзэ ютась 2012-це иестэ, те ульнесь Европань чемпионат.