Навваб, Мир Мохсун

Википедиясто материал - аорев содамкундосто
Перейти к навигации Перейти к поиску
Мир Мохсун Навваб
Портрет
Важодема ёрокчизе : музыковед, сёрмадей
Чачома чись: 1833
Чачома тарка: Шуша[d], Россиянь империясь[d][1]
Мастор: Flag of Azerbaijan.svg Азербайджан Республикась
Кулома чись: 1918[1]
Кулома тарка: Шуша[d], Шушинский уезд[d][1]
Мир Мохсун Навваб Википурнавкссо

Мир-Мохсун Навваб (азеринь  Мир Мёсюн Нувваб) (1833,  Шуше ошсо - кулось 1918, Шуше ошсо ) ашти неявикс таркасо азербайджанонь культурасо, кода меельце наукань, шкинемань ды сёрмадомань ташто школань кирдиця. XIX пингень Азербайджанонь[2] вейсэнтевень ветий. Навваб ульнесь эсь шкань ламо ёнксонь ломань: сонзэ содасызь сёрмадеекс, артыцякс, музыкань историкекс, астрономокс, химикекс ды математикекс. Кортась арабонь, персиянь ды туркань кельтнесэ.

Навваб чачсь 1833 иестэ Шушесэ ды цела пинге эрясь те ошсонть. Аббаса Сараджалань медресэсэ Мир Мохсун тонавтнесь математиканть, астрономиянть, химиянть ды лия наукатнень[3]. Сонзэ эрямозо ды шкинемазо невти Азербайджанонь культурань синтревиця шканть: ташто койтнень таркас сыльть од культурань ды эрямонь лувт. Сень лангс апак вано, што Навваб ульнесь ташто коень кандыцякс, сон ульнесь Карабахонь прогрессонь ломань, конась ламо тейсь культурань, шкинемань ды ловномань-сёрмадомань маштомань туртов Карабахсо.

Навваб панжсь васенце печатамо тарка Шушесэ, конась секень марто ульнесь васенцекс Азербайджансо. Тосо печатась Карабахонь сёрмадеень валморот ды явшась эйсэст ломантнень юткова. Навваб панжсь омбоце сёрмадеень вейсэндявкс Азербайджансо ды лемдизе сонзэ «Меджлис-и-Фарамушан» («Стувтозетнень вейсэндявкс»), истяжо панжсь васенце музыкань вейсэндявкс «Меджлис-и-Ханенде» («Морыцянь вейсэндявкс»). Вейсэндявксос совасть сёрмадейть: Абдулла бек Аси, Фатма ханум Кяминя, Мешади Еййуб БагиХан Гарадаги, Абдулла Гасан Шахид, морыцят: Гаджи Хюси, Мешади Джамиль Амиров, Ислам АбдуллаевСеид Шушинский ды лият.

Навваб, Мир Мохсун. "Нармунть"

Навваб сёрмадсь 20 ламо книгат, конатне алтазь эрьва кодамо шкинеманень ды наукатненень. Сон ашти «Vuzuh-ul-Argam» («Числань толковамо») сёрмадыцякс, те покш важодема, конась сёрмады 82 мугамдо (мугам - импровизациянь раськень музыкась, пек содавикс Азербайджансо) ды моротнеде, конатне морсевсть се шкане Карабахсо. Истяжо сон сёрмады не мугамонь историядо ды кода эйсэст эряви седямс. Эрьва мугамонь ульнесь эсь лемезэ: «Азербайджан», «Нишабур», «Забули», «Багдади», «Ширвани», «Гаджары», «Шах Хатаи», те лемесь аштесь сюлмазь таркань эли теицянзо марто.

Истяжо сёрмадсь «Тезкирей-и-Навваб», те книгасонть сон сёрмады 100 сёрмадейде ды Карабахонь се шкань сёрмадыцятнеде. 1913 иестэ книгась нолдазель Баку ошсо.

Вечксь химия ды астрономия. Тейсь эсь кудосо химиянь лаборатория ды стявтсь кавто телескопт. Эсь «Кифаятул-атфал» книгасо, конась нолдазель 1899 кода тонавтома книга, сон тейсь менелень тештень ды чинь кекшемань таблица. «Насихатнаме» книгасонзо макссь 500 ламо химиянь коряс лувт. Этикань коряс ванноманзо максовить «Нурюл-Анвар» ды «Панднаме» кнагатнесэ.

Навваб ульнесь талант марто артыцякс. Сонзэ сёрмадовксонзо ульнесть эсензэ артовкс марто. Содавиксэкс ашти «Тимуронь портрет», конанть сон артызе 1902 иестэ, конась неень шкане ашти Шкинемань музейсэ Баку ошсо. Те вейкине портрет, конань Навваб артызе. Истяжо ульнесь кудопотмонь артыцякс-мазылгавтыцякс. 1992 иень икеле (Армянэнь ушмотнень самодо икеле) кой-кона стенань артовкстнэ лиядокшность кудосо, косо сон эрясь, школасо, косо сон тонавтсь ды Верьце Говхараги минаретсэ, Шушесэ.

Наввабонь книгазо, конась нолдазель 1913 иестэ, Баку ошсо

Навваб кулось 1918 иестэ Шушесэ.

Невтевкст[витнемс-петнемс | витнемс-петнемс лисьмапрянзо]

Литературась[витнемс-петнемс | витнемс-петнемс лисьмапрянзо]

  • Миклашевская Н. М., Художники 19 в. Мирза Кадым Эривани и Мир Мохсун Навваб, в кн.: Искусство Азербайджана, [т.] 4, Баку, 1954, с. 102—108.

Лисьмапрят[витнемс-петнемс лисьмапрянзо]

  1. 1,0 1,1 1,2 Навваб Мир Мохсун // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. Сафарова З. Мир Мохсун Навваб. — ЛопаПарцун:Б.: Язычы, 1983. — С. 3. — 42 с.
  3. Чингиз Каджар. Выдающиеся сыны древнего и средневекового Азербайджана. — Азербайджан. — ЛопаПарцун:Б., 1995. — С. 214-215.