Мюллер, Герд

Википедиясто материал - аорев содамкундосто
Перейти к навигации Перейти к поиску
Пильгеоска
Мюллер, Герд
BOMBERGERDMUELLER.JPG
Эсензэ информациязо
Чачось

сундерьковонь 3 чи 1945(1945-11-03)[1][2] (74 иеть)


Нёрдлинген[d][3]
Гражданство Flag of Germany.svg Германия Мастор
Позиция нападающий[d]
Герд Мюллер

Ге́рхард Мю́ллер (нем. Gerhard "Gerd" Müller, немецекс ёвтави: [ˈɡɛɐ̯t ˈmʏlɐ]; чачсь 1945-це иень сундерьковонь 3-це чистэ (1945-11-03)[1][2], Нёрдлинген[3]) — западногерманской футболист, мирэнь ды Европань чемпион, европейской чемпиононь Кубкань колмоксть саиця. Налксесь нападающеекс мюнхенэнь «Бавариянть» ды ФРГ-нь сборноенть кис. Футболонь историясо сехте паро бомбардиртнэстэ вейке.

Эрямо кизэ[витнемс-петнемс | витнемс-петнемс лисьмапрянзо]

Герд Мюллер чачсь 1945-це иестэ сундерьковонь 3-це чистэ Нёрдлинген немецень ошсо. Тетязо, Хайнрих Мюллер, ветнесь сталмонь усксема машина, Каролина авазо (тейтерькс Юнг) котьмась кудоютконь тевсэ. Кудораськесэнть кото эйкакштнэстэ Герд ульнесь сехте вишкине.

Пильгеоскасо налксеме Мюллер ушодсь кото иесэ, ды те тевесь пек мелезэнзэ тусь. Кеветее иесэ, тетянзо куломадо мейле, сонензэ савсь кадомс школанть ды молемс важодеме чова кодстонь пурнамо фабрикас, ды ялатеке весе ютко шканзо алтась вечкевикс тевенстэнь.

Клубонь карьеразо[витнемс-петнемс | витнемс-петнемс лисьмапрянзо]

Пильгеоскасо профессиональной карьеранзо Мюллер ушодызе 1960-це иестэ «ТСВ 1861» клубсо. 1964-це иестэ ютась «Баварияс», кона сестэ налксесь региональной лигань Юг зонасо. Гердэнь марто ве командасо налксесть немецень футболонь икелепелень тештетне Франц Бекенбауэр ды Зепп Майер. Сезононь ютазь клубось лиссь Бундеслигас ды вестькак эйстэнзэ эзь тукшно.

«Бавария» марто Мюллер саинзе 1960-це ды 1970-це иетнень европейской футболонь малав весе трофейтнень. Ды весе неть изнявкстнэсэ Гердэнь таликазо вельть покшоль. Бундеслигань 427 матчсэ сон чавсь 365 голт (97-де седе ламо мельганзо молиця Клаус Фишерэнь коряс). Теде башка, Мюллер кувать кирдсь еврокубкань рекордонть: 77 матчсэ 69 голт (2010-це иень ожоковонь 20-це чистэ рекордонть чавизе Рауль испанось). Истя жо Герд чавсь сисем голт 1970/71 Ярмаркань Кубкасо, ансяк те турнирэсь эзь ютавтневе УЕФА-нь ало.

1979-це иестэ Мюллер тусь США-в, косо колмо сезонт налксесь «Форт-Лодердейл Страйкерс» клубонть кис, кона выступась Североамериканской футбольной лигасо, ды чавсь 40 оскат, ды истя жо теевсь Соккер Боулань финалистэкс 1980-це иестэ, косо «Страйкерс» эзь цидярдо «Нью-Йорк Космос» икеле, 3:0.

Сборнойсэ карьеразо[витнемс-петнемс | витнемс-петнемс лисьмапрянзо]

ФРГ-нь сборноенть кис Мюллер ушодсь налксеме 1966-це иестэ. Весемезэ налксесь 62 матчт ды чавсь 68 оскат. Мюллер сеть аволь ламо футболисттнэнть ютксо (налксесть 50 матчтэ ламо), конатне налксезь матчтнэнь ламочист коряс голт чавсть седе ламо.

Футболистэнть туртов меельце матчокс кармась улеме1974-це иень Мирэнь чемпионатонь кудонь финалось. Мюнхенсэ медьковонь 7-це чистэ ютазь матчсэнть ФРГ изнизе Нидерландань сборноенть 2:1, изнямонь сайця голонть чавизе Мюллер. Сборнойсэнть карьеранзо Герд лоткавтызе 28 иесэ, мелезэль седе ламо шка ютавтнемс кудораськензэ марто[4].

Мюллер кувать кирдсь рекордонть голтнэнь ламочист коряс, конатнень сон чавинзе мирэнь чемпионаттнэсэ, мейле 2006-це иень чемпионатсо Роналдо сонзэ ютызе.

Пильгеоскадо мейле[витнемс-петнемс | витнемс-петнемс лисьмапрянзо]

1982-це иестэ карьерань прядомадо мейле Мюллер прась депрессияс ды кармась симеме. Икелень налксий ялганзо кармавтызь лецямо ды макссть тензэ «Бавария» любительской командань тренерэнь робота. Герд Мюллер лемензэ ало «Adidas» нолдась оршамопелень коллекция.

Истя жо Мюллерэнь лезкс вельде теезель футбольной менеджерэнь жанрасо PerfectGoal онлайн-налксема, кона сыргась 2009-це иестэ ожоковонь 1-це чистэ.

2015-це иестэ Герд понгсь сыре ломанень кудос, сон майси Альцгеймерэнь ормадо.

Эсь эрямозо[витнемс-петнемс | витнемс-петнемс лисьмапрянзо]

Нинзэ марто Герд явозь, ули тейтерезэ.

Кодамоль сон[витнемс-петнемс | витнемс-петнемс лисьмапрянзо]

Мюллер ульнесь аволь пек покш, алканя налксицякс, эцезь рунго марто, кона а моли эрязасто чийниця ёнов. Ансяк сон маштыль курок эрязкадомо, ёнсто налксесь прясо ды пштистэ мариль-чарькодиль, кона шкане кода ветямс прясь налксема паксясонть.

Изнявксонзо[витнемс-петнемс | витнемс-петнемс лисьмапрянзо]

Герд Мюллер Мирэнь кубканть марто. 1974
  • Мирэнь чемпион: 1974
  • Европань чемпион: 1972
  • ФРГ-нь чемпион (4): 1969, 1972, 1973, 1974
  • Европейской чемпиононь Кубкань саиця (3): 1974, 1975, 1976
  • УЕФА-нь кубкатнень Кубкань саиця: 1967
  • ФРГ-нь Кубкань саиця (4): 1966, 1967, 1969, 1971
  • Межконтинентальной кубкань саиця: 1976
  • Мирэнь чемпионатонь сехте ён бомбардир: 1970
  • Европань чемпионатонь сехте ён бомбардир: 1972
  • ФРГ-нь чемпионатонь сехте ён бомбардир (7): 1967, 1969, 1970, 1972, 1973, 1974, 1978
  • ФРГ-нь чемпионатонь историясо сехте ён бомбардир: 365 голт
  • Ве сезонсо голонь ламочинь коряс ФРГ-нь чемпионатонь рекордсмен: 40 голт
  • «Сырнень бутсань» саиця (2): 1970, 1972
  • «Сырнень оскань» саиця: 1970
  • ФРГ-нь сехте паро футболист (2): 1967, 1969
  • Сови ФИФА 100 спискас
  • Golden Foot премиянь саиця («Футболонь легендат» номинациясонть): 2007

Налксемань статистиказо[витнемс-петнемс | витнемс-петнемс лисьмапрянзо]

Карьерань ванномазо[витнемс-петнемс | витнемс-петнемс лисьмапрянзо]

Карьерань ванномазо
Команда Шкась Официальной

матчт
Аволь официальной

матчт
Весемезэ
Налксемат Голт Налксемат Голт Налксемат Голт
ТСВ 1861 1963—1964 31 51 2 7 33 58
Бавария 1964—1979

1983
613 571 386 683 999 1254
Бавария (резерв) 1964—1965 3 2 0 0 3 2
Форт-Лодердейл Страйкерс 1979—1981 80 40 19 10 99 50
ФРГ 1966—1974 62 68 8 20 70 88
ФРГ (до 23) 1966 1 1 0 0 1 1
Бавариянь сборной 1962—1963 3 2 0 0 3 2
Лият 1965—1980 - - 8 6 8 6
Карьеразонзо весемезэ 793 735 423 726 1216 1461

Подробной статистикась[витнемс-петнемс | витнемс-петнемс лисьмапрянзо]

Лисьмапрят:

Примечаният[витнемс-петнемс | витнемс-петнемс лисьмапрянзо]

Невтевкст[витнемс-петнемс | витнемс-петнемс лисьмапрянзо]