Мраморонь модаваря (Косово)

Википедиясто материал - аорев содамкундосто
Перейти к навигации Перейти к поиску

Мраморонь модаваря
алб. Shpella e Gadimës (Shpella Mermerit), серб. Мермерна пећина (Mermerna pećina)
42°28′48″ с. ш. 21°12′20″ в. д.HGЯO (T)
МасторКосово МасторFlag of Kosovo.svg Косово Мастор
Длина1260 м
Объём1350 м³
Год открытия1969
Вмещающие породымрамор
Число входов4
Косово Мастор ещё не имеет позиционной карты.

Мраморонь модаваря (алб. Shpella e Gadimës, истяжо Shpella Mermerit, серб. Мермерна пећина/Mermerna pećina) — модаваря Алце Гадиме (серб. Доње Гадимље) веленть вакссо Липлян муниципалитетсэ Косово республикасо. Ашти чивалгомав Жеговац пандонь пурнавкстонть, малав 20 вайгельпеть лембе ёнов Приштинасто, авасоло Скопье лангс кистэнть. Модаварясонтентень совамотне аштить Клисир (алб. Klysyr) леенть кавто чиреванзо, 6-10 метрань седе вере леенть ведь чудеманть эйстэ — колмотне витьчиресэ ды вейкесь кершесэнть[1].

Кувалмозо малав 1260 метрат, покшолмась — 1350 м²[1]. Алце яруссо улить 25 седе ламо эрькеть,[1] ломкаст конататнень пачкоди 10 метрат. Эсэнзэ вастневить сталактитт ды сталагмитт. Тесэ жо вастневить покшт, малав 30 сантиметрань кувалмосо арагонит кристаллт, конат касыть эрьва ёнов[1].

Модаварясь ульнесь панжозь 1969 иестэ. Тесэ эрицясь Ахмет лем марто панжизе совамонть, зярдо анокстыль кевть эсинзэ кудонь кардазсо. Секе иенть таркась совамонть перькава 56,25 гектаронь покшолмасо ульнесь яволявтозь кода пертпельксэнь кородомас (III категориясь IUCN коряс)[1]. 1976 иестэ модаварясь ульнесь анокстазь ды панжозь туристэнь туртов. Прявт совамось ульнесь пекстазь покш кшнынь кенкшсэ[2], киска ды лия ракшань марто модаварянтень а мерить совсеме[3].

Лисьмапрят[витнемс-петнемс | витнемс-петнемс лисьмапрянзо]

  1. 1,0 1,1 1,2 1,3 1,4 Sabri AVDULLAHI et al. GADIME CAVE IN KOSOVO, ITS GEOTOURIST VALUES AND IMPACTS : [англ.] // GeoJournal of Tourism and Geosites. — 2013. — Vol. 11, no. 1 (May). — С. 7-15. — ISSN 2065-0817.(англ.)
  2. Footsteps in Kosovo
  3. Shpella e Mermert - Gadime Marble Cave