Миронов, Тихон Петрович

Википедиясто материал - аорев содамкундосто
Перейти к навигации Перейти к поиску
Миронов, Тихон Петрович
чачома лем Тихон Петрович Миронов
чачома чись 1901
Чачома тарка
Кулома чись панжиковонь 23 чи 1938(1938-05-23)
Кулома тарка
Мастор
Важодема ёрокчизе тонадей

Мироновонь Тихон Петрович (1901 иень Кеченьбуе) — эрзянь[1] кельветий, кель-содый, филология наукань кандидат[2].

Чачсь Орданьбуень Кеченьбуе[1] сокиця-видицянь семиясо. Прядызе вадрясто Орданьбуень гимназиянть.

1927—1928 иетнестэ ульнесь АН СССР-нь лингвистикань экспедициятнесэ[2], конань ветясь Д. В. Бубрих. Прядызе ЛИЛИ ды аспирантуранть эйстэнзэ (1932). 1932 иестэ эрзянь келень тонавтыця Мордовиянь тонавтыцянь институтсо, ульнесь мокшонь-эрзянь кельтнень кафедранть[3] омбоце прявтокс. Секе шканть важодсь НИИМК-сэ наукань важодицякс, косто ульнесь панезь 1933 иестэ, кода сёрмадозь 1-це келень конференциянть «лиякстомтоманзо» кис. Ие ютазь ульнесь одов саезь важодеме секе институтс.

Васенце эрзянь кельсодый — филологиянь наукань кандидат. 1936 иестэ идизе диссертациянзо (руз. «Теньгушевский (шокша) диалект как результат скрещения эрзянского и мокшанского языков на эрзянской основе»). Рябовонь Анатолиень ды лиятнень марто тевс нолдась вейсэнь лувт мокшонь ды эрзянь кельтнень. Мироновонь ветямонзо ало ульнесь теезь (руз. «Диалектологический атлас мордвы (эрзя и мокша) языков»). 1937 иень аштемковсто ульнесь озавтозь. Чумондозь ульнесь «мордовиянь витьтроцкоень буржуазной-раськень блоконтень» совицякс, ды «Финляндиянень туртов шпионажсо». Иень ютась ульнесь судязь ды 1938 иень панжиковонь 23 чистэ ледезь[4] Саран ошсо. Калмазо апак ёвта те шкас. Тевесь лоткавтозель преступлениянть арасьчинзэ коряс ансяк 1956 иень сундерьковонь 28 чистэ.

Шкинемазо[витнемс-петнемс | витнемс-петнемс лисьмапрянзо]

  • О диалектологическом атласе // Изв. НИИМК. Саранск, 1935. Кн 1;
  • Об одном из важнейших принципов классификации эрзя-мордовских диалектов // Там же; Теньгушевский диалект как результат скрещения. Саранск, 1936.
  • Миронов 1936 = Миронов Т.П. Теньгушевский (шокша) диалект как результат скрещения. Саранск: Мордгиз, 1936. - 112 с.
  • Миронов, Т.П. Теньгушевский (шокша) диалект как результат скрещения Текст. / Т.П. Миронов. Саранск: Мордгиз, 1936. - 112 с.

Литературась[витнемс-петнемс | витнемс-петнемс лисьмапрянзо]

  • Викторов В. Трагедия семьи Мироновых // Мордовия. 1991. 6 нояб.; Мордовия (1). С. 126-127; Куликов, 1997. С. 304
  • Крисанова Н.А.Высшаяшкола Мордовии 1931 — 1956 гг. (Формирование научно-педагогических кадров). Саранск, 2002
  • Мордовия : энциклопедия. Саранск, 2003. Т. 1; Центр гуманитарных наук: исто- рия и современность. Саранск, 2008
  • Мордовия, XXвек:культурнаяэлита:энциклопед. справ.Саранск,2010.Ч.1
  • Бузакова Р.Кивчкадсь прыця тештекс... // Сятко. 2002. No 8 — 9.

Лисьмапрят[витнемс-петнемс лисьмапрянзо]

  1. 1,0 1,1 Академик: МИРОНОВ Тихон Петрович(руз.)
  2. 2,0 2,1 Мордовские языки: энциклопедия / науч. ред. А.Н. Келина, А.В. Чернов; редкол.: В.А. Юрчёнков (пред.) [и др.]; НИИ гуманитар. наук при Правительстве Республики Мордовия. — Саранск, 2012. — 384 с. ISBN 978-5-900029-93-1(руз.)
  3. Мордовский государственный университет имени Н. П. Огарёва. История кафедры(руз.)
  4. Крисанова Н. А. Идеологическая борьба и репрессии против вузовской интеллигенции 1930-х годов в Мордовии // Вестник Саратовского государственного социально-экономического университета. 2009. №3.(руз.)