Мачинэнь пандт

Мачинэнь пандт рум. Munții Măcin

45°12′36″ с. ш. 28°21′21″ в. д.

<div style="font-size:88%;line-height:1.2em;position:absolute;z-index:2;left:%;top:%">

Prelucrare 3D Vârful Ţuţuiatu

Мачинэнь пандтры (истя жо Мачинэнь губорь, Мачинский кряж, Мэчи́н, Мачи́н, рум. Мунций Мяч) — те кезэрень, пек янгазь пандонь пурнавкст неень шкань Румыниянь чилесемасо, Добруджа (Тулча) исторянь-шкинемань ёнкссо. Те коске губорь, кона ашти Дунай алце чудемасонзо, кона сонзэ мендтни чивалгомасто ды пелевеёндо ды Раужо Иневеденть чирензэ чилисемасто. Пек янгазь вармань эрозиясо. Лембе ёно Мачинэнь пандтне ютыть Лудогорие платось, кона туи Пелевеёнксонь Болгарияв.

Характеристикась

Мачинэнь пандтне ульнесь теезь малав 400 млн. иень икеле (кайнозойсэ) ды сынь сэх сырейть Европасо. Пандо прятне — Приопча пандо (410 м.) ды Яковонь пандо (341 м.). Куншкань менельстэ прыця начкось иенть перть: 400—500 мм. Лейтне аволь ламот, аламо ведь марто: Таица (57 вп), Телица (48 вп), Слава (38,3 вп). Куншка температурась аштемковсто +22 (сэх покшось ульнесь тешкстазь 1968 иестэ Юриловка велесэ ды ульнесь+38 °C); куншка температурась якшамковсто −1,5 °C ды −1,9 °C. Пек ламо вармат.

Историянь питнечись

Мачинэнь губоренть пелеве ёно ули апек покшке Мачин посёлка, кона пек содавиксэв Российянь историясо, 1791 иестэ аштемковонь 28 чистэ (медьковнь 9 чистэ) ютась Мачинэнь туремасо Рузонь-туркань ойнанть 1787—1791 иетнестэ. Ауль кедь ало Румыниясо 1878 иестэ.