Маризь Кемаль

Маризь Кемаль
Маризь Кемаль
чачома лем	руз. Raissa Kemaikina
чачома чись	умарьковонь 13 чи 1950 (74 иеть)
Чачома тарка	Вишка Маризь веле, Чаунзабуе, Мордовиянь Автономной Советэнь Социалистической Республикась[d], Российянь Советэнь Федеративной Социалистической Республикась[d], Советэнь Вейсэндявкс[d];
Мастор	Советэнь Вейсэндявкс[d]; Россия Мастор;
Важодема ёрокчизе	куляньсёрмадей, валморозей, сёрмадей
	Маризь Кемаль

Маризь Кемаль (руз. Раиса Степановна Кемайкина^[1], 1950 умарьковонь 13 чистэ Мордовиянь Чаунзабуень Вишка Маризь велесэ) — эрзянь сёрмадей, содавикс валморозей.

Чачсь 1950 иень умарьковонь 13 чистэ Мордовиянь Чаунзабуеь Вишка Маризь велесэ^[1] сокиця-видицянь семиясо. 1956 иестэ прядызе школанзо, тусь тонавтнеме Саран ошов, косо прядызе «эрзянь кель» пельксэнть кельсодыень факультетсэ Мордовиянь прявтуниверситетэнть. 1972 иестэ саезь 1975 видс важодсь пакшань тонавтыцякс тиринь велесэнзэ. Кизна 1975 иестэ тусь эрямо Саран ошов ды пецек кавто иеть ульнесь кулянь сёрмадеекс «Эрзянь правда» кулялопасонть. 1977 иестэ саезь сисем иеть важодсь Пушкинэнь А. С. лемсэ Мордовиянь ловнома кудосонть.

1985 иестэ саезь 1988 видс — поэзиянь прявтонть полавтыця «Сятко» журналсонть, 1989 иестэнть саезь течи чинть видс важоди секретарекс «Чилисема» эрзянь эйкакшонь журналсонть.

Сёрмадовксонзо

Васенце валморонзо лисемась путови 1980 иентень. Умарьковонь номерсэнть «Сятко» журналонть ульнесь печатазь «Эйкакшчинь лавсь» валморозо. Секе шкастонть кармась улеме эрьва иень од ломанень литераторонь семинартнэсэ. «Сятко» журналось кармась макснеме сонзэ валморонзо. 1987 иестэ лись ниле сёрмадеень пурнавкс «Маней васолкст», ков совасть Маризь Кемалень покш кочкавкс валморонзо. 1988 иестэ Мордовиянь книгань нолдамокудось-издательствась нолдынзе сонзэ васенце пурнавксонзо «Лавсь»^[2].

Омбоце пурнавксозо лиссь 1994 иестэ «Штатол»^[3] лем ало, сонзэ эйсэ валморыцясь арсесь эрямодонть, вечкемадонть, кезэрень эрзянь раськеденть. Тей совась виев, парсте сёрмадозь поэмазо «Минь — эрзят!»^[4], конасонть Маризь Кемаль сти ловныцятнень икеле ломанекс, конань теевсь-путовсь эсь раськенть вечкемась, пертьпельксэсь ды эрямоёжось. 2013 иестэ эсинзэ ярмаконзо ланкс нолдась «Масторов нолдасынек сюкпрянок»^[5] пурнавксозо.

Шкинемазо

Кемайкина Р. Лавсь: Стихотвореният, поэма — Саранск : Мордов. кн. Изд-во, 1988. — 40 с. — Мордов-эрз яз. Кемайкина Р. Колыбель: Стихотворения и поэма — Саранск : Мордов. кн. Изд-во, 1988. — 40 с. — Мордов-эрз яз. ISBN 5-7595-0019-8
Сынь ульнесть эрзят: Очеркть ды лецтнемат: Эйкакштнень ды од ломантнень туртов / Пусмонть пурнызе Р. С. Кемайкина. — Саранск: Мордов. кн. изд-во, 1991. — 192 с. — Мордов-эрз яз. Они были эрзянами: Очерки и воспоминания: Для детей ст. и сред. шк. возраста. ISBN 5-7595-0473-8
Ёвксонь кужо: Эрзянь ёвкст: Прядома ды куншка классо тонавтницятненень. / Пурнцыясь Кемайкина Р.С.; Художникесь А.Коровин. — Саранск: Мордовской книжной. издательствась, 1993. — 192 с. — Мордов-эрз яз. Сказочная поляна: Сказки. ISBN 5-7595-0817-2
Маризь Кемаля (Кемайкина Р.С.) Штатол: Стихть, поэма. — Саранск: Мордов. кн. изд-во, 1994. — 80 с. — Мордов-эрз яз. Маризь Кемаля (Кемайкина Р. С.) Свеча. ISBN 5-7595-0922-5
Вечкевикс морот: Эрзянь раськень кезэрень ды неень шкань морот / Пурныцясь Р. С. Кемайкина. — Саранск: Мордовской книжной. издательствась, 2003. — 88 с. — Мордов-эрз яз. Любимые песни: Старин. и современ. эрзян. песни. ISBN 5-7595-1535-7
Ашо нармунть: стихть, ёвтнемат, поэмат / Маризь Кемаль. — Саранск: «Книга» издетелень кудось, 2007. — 180 с. — Мордов-эрз яз. Маризь Кемаль. Белые птицы: стизи, сказания, поэмы. ISBN 978-5-7493-1119-8
Маризь Кемаль. Кортатано эрзякс=Говорим по-эрзянски: Эрзякс кортнеме тонавтомань кедьёнкст=разговорник / Маризь Кемаль. — Саранск: «Книга», 2012. — 156 с. ISBN 978-5-98344-210-8
«Масторов нолдасынек сюкпрянок...»: эрзянь покшчить, эрямонь-аштемань койть, литературань чокшнэть, эдень налксемат, морот, статьят / Маризь Кемаль. — Саранск, 2013. — 304 с. Маризь Кемаль. Земной поклон: сценарии стринных эрзянских обрядов, литературных ыечеров, детские игры, тексты песен, статьи. ISBN 978-5-7493-1745-9
«Котова таргазь монь палям...» / Л.Ф. Игнатьева, Маризь Кемаль. — Саранск, 2019. — 88 с. — Мордов-эрз яз. Игнатьева Л.Ф., Маризь Кемаль «В шесть полос вышита моя рубаха...» ISBN 978-5-98344-583-3

Ванодо истяжо

Маризь Кемалень лопасо интернесэ (эрз.)
Маризь Кемальде «Бибилиотека Мордовской литературы» (рузкс) Архивировазь 14 Даволковонь 2019 иестэ.
Маризь Кемаль «Ашо нармунть» волморо пусмось Архивировазь 9 Эйзюрковонь 2016 иестэ. (эрз.)
Маризь Кемаль эрзянь литературадо (эрз.)
Вышивка эрзянского костюма. Рассказывает Маризь Кемаль (руз.)

Лисьмапрят

↑ ^1,0 ^1,1 Библиотека Мордовской литературы. Кемайкина (Маризь Кемаль) Раиса Степановна (руз.)
↑ Информационный центр Финно-угорских народов. С днем рождения, Маризь Кемаль! Архивировазь 20 Ожоковонь 2023 иестэ. (руз.)
↑ «Erzäks.ru». Маризь Кемаль: «Я нужна, пока живут эрзяне» Архивировазь 22 Таштамковонь 2018 иестэ. (руз.)
↑ Association of Finno-Ugric Literatures. «Минь – эрзят!» (эрз.)
↑ Информационный центр Финно-угорских народов. Вышла в свет новая книга поэтессы Маризь Кемаль на эрзянском языке Архивировазь 26 Чадыковонь 2019 иестэ. (руз.)

[Библиотека_Маризь_Кемаль-1] 1,0 ^1,1 Библиотека Мордовской литературы. Кемайкина (Маризь Кемаль) Раиса Степановна (руз.)

[Информационный_центр-2] Информационный центр Финно-угорских народов. С днем рождения, Маризь Кемаль! Архивировазь 20 Ожоковонь 2023 иестэ. (руз.)

[«Erzäks.ru»-3] «Erzäks.ru». Маризь Кемаль: «Я нужна, пока живут эрзяне» Архивировазь 22 Таштамковонь 2018 иестэ. (руз.)

[Association_of_Finno-Ugric_Literatures-4] Association of Finno-Ugric Literatures. «Минь – эрзят!» (эрз.)

[Информационный_центр_Вышла_в-5] Информационный центр Финно-угорских народов. Вышла в свет новая книга поэтессы Маризь Кемаль на эрзянском языке Архивировазь 26 Чадыковонь 2019 иестэ. (руз.)

[1]

[2]

[3]

[4]

[5]