Маар

Википедиясто материал - аорев содамкундосто

Маар — ине тарка, кона теевсь кандымодасто; маар ланксо эрзятне ютавтыльть эрьва кодамо озномат.

Кува улить Маартне[витнемс | витнемс лисьмапрянть]

Сеть таркатнесэ, косо ульнесь минек Покштянок-Покшаванок Эрямопаксясь–Масторост, неень шкас улить кандозь модасто, вирь кужосо, лушмосо, лей чиресэ Март.

Истят Март вастневить Од Паксясояк, Равонть Томбале, ков савсь шаштомс–оргодемс минек Покштятнене, васняяк вийсэ-верьсэ Христианствас совавтомадонть, монастырьтнень ды помещиктнень кедьалов понгомадонть, те сехти казямо стака ризкстне пешксе пингетнестэ, минек раськенть вейке ризкс пельксэсь. Оренбург ёнкссо, Северной буйсэ ули Ознума лей, конань ушодома лисьмаприненть чиресэ ули Маррашко ды содави сонсь Марось, куш малава вирьтне керязь ды модась соказь, ялатеке те Иневанькс тарканть сэрь-сулейтесь содави. Тесэ Озкстнэ ютавтневильть 20-це пингень ушодовома иетнестэяк.

Маар ды сонзэ смустезэ[витнемс | витнемс лисьмапрянть]

Кодамо нильксэзэ Мар валонть, седе видестэ сонзэ эряви сёрмадомс Маар. Нама мар валось вастневи рузонь кельсэяк, ды койкона келень тонавтыцятне ловить сонзэ славянонь кельстэ лисевксэкс, те а виде. Финно-угрань раськетнень кельсэ ули («маа», «муу», «мастор», «мланде») вал конань смустезэ мода, эрямо пакся, Аар–вал юрось маряви канды истямо лув эрямонть нилькс.

Ней ёвтасынек Маар валонть истя – Иньванькс тарка косо эрямось, ютазьпингенть, неень шканть, икелечинть марто, сюлмави соньсь Инешкипазонть, Пертьпельксэнь кирдийтнень-аштийтнень ды Покштятнень-Покшаватнень эрьменть марто, нурькинестэ мертяно эрямопандо.

Кезерень шкане Покштянок терявтнесть теемс истят Маарт, Масторост весе буетнесэ. Мекс те эрявсь? Нама чарькодицясь-чарькодьсы. Ваньскавтомс весе Масторонть теемс вейке, вейсэнь раськень эрямо пандо-пакся. Кемекстамс-вейсэндямс буетнень, теемс кеме Раське ды Мастор, Чаньстямс тень Инешкипазонть Эрьмесэ, Покштятнень-Покшаватнень эрямо содамочинть сюпавчисэ, ды Пертьпельксэнть эвстьнень-вийтнень ёнксонь кирдийтнень-аштийтнень лезэчинь кандомасост.

Маар шкинемасо[витнемс | витнемс лисьмапрянть]


Сёрм.:[витнемс | витнемс лисьмапрянть]

  1. «Сятко» No1 (24), Январь 17 чи 1931: Эрзянь кель - валось, лоп. 24 (эрз.)