Логоень кратерэсь
| Логоень кратерэсь | ||
| Мастор | ||
|---|---|---|
| Административно-территориальная единица | Логойский район[d] | |
| Вертикальная глубина | 500 метр | |
| Диаметр | 15 km | |
|
| ||
| Логоень кратерэсь |
|---|
Лого́ень кра́терэсь (истяжо : Лого́йской астробле́ма) — цярадемань кратер, куншказо Малиновка велень маласо, Логозинской сельсоветэнь, Логоень буень, Минской областень, Беларусь Республикасо. Теевсть 42,3 ± 1,1 млн иеть удалов астероидэнь прамосо. Астероидэнь радиусось ульнесь 650 м, покшолмазо 1,150 млрд. м³, сталмозо — 9,201 трлн. кг, ливтиль - 18 вайгельбеть/с. Взрывень теевемасто лиссь энергиязо 1,49 ЗеттаДж = 356 Гт ТНТ, те малава Хиросимань лангс ёртозь 25 млн бомбань энергия. Кратерэнь аштема тарказо: 54°12′ с. ш. 27°48′ в. д.HGЯO.
Кратерэнь теевемань шкане диаметразо ульнесь — косояк 15—17 вайгельбеть, домкачизэ — 1000 м аламо. Неень шкане кратерэсь весе вельтязь нилеце периодонь эйень кадовкссо. Кратерэнь крайтне керязь эйсэ, секс неень шкань диаметразо 9 вайгельбень аламо.
Сонзэ муизь 1973 иестэ Кузевичи велень маласо чувомсто, эрьвачинь геологонь снимамо тевень теемстэ. Теде мельга кратерэсь ульнесь вадрясто ваннозь 1979 — 1984 иестэ. Теезельть 30 чувовкст — 300—500 м ды вейке чувовкс — 1254 м.
Мельстуиця гипотезась[витнемс | витнемс лисьмапрянть]
Кратерэнь ванномань перть кой-кона геологтнэ кортасть седе, што паряк кратэрсэ улить алмазт, вадря покшолмасо, 0,03 кар ды седе покшт, Сынь теевкшныть взрывень шкане пек покш температурань ды лепштямонь кувалт. Ванноманть перть те кортамось эзь муе кемекстамо. Лабораториясо теезь «взрывень алмазтнэ» невтить, што сынь пек вишкинеть ды маштовить ансяк абразивекс ды сравтоманень мезеяк ланга.