Леандерэнь кудось
Леандерэнь кудось — Сортавалань вейке зярыясто содавикс кудось, ашти ошонь куншкасо – Прявт площадьсэ, Карельской ды Гагаринань куротнень рашксо. Ашти культурань тевкадовксонь обьектнэнь ютксо Сортавала ошонь мода лангсо [2]. Кудось моли куродома кудо ёнов, вачказь финнэнь пелевеёнксонь раськень романтизмань стильсэ.
Пингезэ[витнемс | витнемс лисьмапрянть]
Вачкамось[витнемс | витнемс лисьмапрянть]
Кудось ульнесь вачказь 1905 иестэ аволь пек содавикс Элиэль Саариненэнь архитекторонть проектонзо коряс. Сонзэ важодемазо ульнесь сюлмазь Раськень акционерной банконть марто (суом. Kansallis-Osake-Pankki). Банкось важодсь 1901 иестэнть саезь секе таркасо икеле стявтозь чувтонь кудосо[3]. Те Сортавала банконть прявтокс 1901 – 1911 иетнестэ ульнесь Элиэлень ялаксозо - Ханнес (Hannes Saarinen, 1872–1950)[4]. 1905 иестэ кода вачкамось-стявтомась ульнесь прядозь, банкось панжовсь од кудонть васенце этажсо. Омбоце этажсо эрясть банконь прявттнэ.
Банконь кудось[витнемс | витнемс лисьмапрянть]
1911 иестэ банконь прявтокс ладязель Оски Леандер (Oskar Johannes Leander), сонзэ лемензе коряс кудось кармась содавиксэкс.[5] 1934 иестэ кудось ульнесь лиякстомтозь Ларс Сонконь содавикс архитекторонть проектонзо кувалт: сон покшолгавтынзе васенце этажонь вальматнень.
Советэнь шкась[витнемс | витнемс лисьмапрянть]
Советэнь шкане те кудосонть кувать аштесь ошонь милициясь.
Неень шкась[витнемс | витнемс лисьмапрянть]
1994 -1999 иестэ кудонть пелезэнзэ сась Сбербанкось. Секень марто 1995 иестэ Леандерэнь кудось лия культурань объектнэнь марто ульнесь ютавтозь Карелэнь Республикань кирдемасто Сортавалань муниципальной кирдемас (статусос) [6]. 1996 иестэ кудось максозоль Сбербанконтень арендакс [7].
1999 иестэ ульнесь кемекстазь кудонть муниципальной кирдемазо (статусозо).
2004 иестэ Сортавалань судонь меремань тевс нолдамонь ванстыцятне (судебные приставы) арестовизь апандомань кисэ «Сортавала ош» муниципальной кужонть кирдеманзо – самай те кудонть[8]. 2006 иестэ ульнесь якавтозь арестовазь кудонь миемазо. Сбербанкось рамизе кудонть 8 520 000 рублядо.
Примечания[витнемс | витнемс лисьмапрянть]
- ↑ Постановление Совета Министров Карельской АССР № 85 от 06.04.1988
- ↑ Список объектов культурного наследия (памятников истории и культуры), находящихся на территории Сортавальского муниципального района(недоступная ссылка)
- ↑ KOP SORTAVALAN KONTTORI(недоступная ссылка — история). Ваннозь 7 Эйзюрковонь 2024. Архивировано из первоисточника 4 Эйзюрковонь 2016.
- ↑ VII Fredrik Johannes (Hannes) Saarinen(недоступная ссылка — история).
- ↑ Интерактивная карта Сортавала. Дом Леандера.(недоступная ссылка — история). Ваннозь 7 Эйзюрковонь 2024. Архивировано из первоисточника 9 Медьковонь 2013.
- ↑ О передаче государственного имущества в муниципальную собственность г. Сортавалы(недоступная ссылка — история).
- ↑ Постановление от 13 декабря 2005 года № 13АП-8584/2005(недоступная ссылка — история).
- ↑ Постановление судебного пристава №13-218 от 06.10.2004г. на основании выданного арбитражным судом исполнительного листа.
Ссылки[витнемс | витнемс лисьмапрянть]
- Игорь Сергеев, «Дом Леандера»
- Siitoinin talo ja Leanderin talo(недоступная ссылка)
- О доме Леандера на сайте города Йоэнсуу (англ.)
- Печи в доме Леандера