Курник
Курник - те пряка. Эрьва велесэнть сон паневи эсь койсэ. Сонзэ смустезэ пек покш секскак ломантненень максомстонзо-каванямсто мельсэ кирдеви инжентень пек арсемась, мелест ваномадо арсемась. Каванить лемень кундамстояк. Невтемакс Бугурусланонь районсо Коровина ды Григорьевка велетнесэ лецнема читнесте сонзэ ливтить сехте меельцекс ды эрьвавнтень мереви кулозенть мелензэ ваномга сэвемс куш вишка сускомне.
Кодат ульнить курникть
[витнемс | витнемс лисьмапрянть]Лукш-лув кши
[витнемс | витнемс лисьмапрянть]Те оргавтомо чапакссто курник. Саеви килограммшка ашо почт, тусто велькс малав 300 граммтт, нолдазь эли чевтемгавтозь скалой малав 300 граммтт, танстень коряс сал, пеельпринесэ сода. Ичеви чапакс, кона путови кельмепарьс 20 минутас. Те шканть анокстави сывтесь - верек керсезь модамарть, верек нилеужинес тапазь чурька, верек сывель. Теде башка - раужо перець, лавра лопа. Весе сывтенть пелькстнэнь сталмост улезэ килограммань туртов.
Чапаксонть явить кавто пельксэс седе покшстонть теить аламодо седе эчке кедень алкс ды путсызь домка пачалгос эли сэрей стена марто формас (вере краесь аламодо лисезэ-валгозо форманть велькска). Анокстазь чапаксонь формантень пештить модамарть, лангаст сывель, мейле чурька ды истя кавто-колмоннь кирда, верде сывтесь вельтяви лавра лопасо, почодови перецьсэ, бути сывелесь левше - путови ламбамо скалой. Верьксэ чапакс кеденть эчкезэ улезэ седе човине - сон сюлмави алксонть марто мазый сёрмасо(пикскеть, сюропрят ды лиякс), куншказонзо тееви почо конанть потомдыть потомкссо (секе чапаксстонть). Тень теемадо мейле прякась путомка каштомос эли духовкас аволь пек покш толс 160 градусонь малава. Пидеманть мельга ваномсто эряви редямс сывтенть лаказевеманзо, те шкастонть пек паро каямс почо варяванть лаказь ведне али сывель лакавтовкс (бульон). Пиезь прякась ловови 2-шка часто мейле. Алкуксонь курниктенть ярсыть верьксэнть каямодонзо-штавтомодонзо мейле пенчсэ ды аламонь-аламонь синтрить кеденть.