Курах
Кура́х (лезг. Кьурагь[4]) — Дагестансо веле,Курахонь буень ды «Сельсовет Курахский» велень поселения муниципальной образованиянь административной куншкакуро.
Веленть путомазо[витнемс | витнемс лисьмапрянть]
Тень коряс улить ламо арсемат, ансяк седе ламо историктне кемить: Гияр-шехер ошсто, конань салзизь-яжизь варвартнэ, туезтне-оргодезтне путсть ошпандонть эйстэ аволь васоло сисем покш аулт — Хуквазар, Цӏийи хур, Сернегьар, Юрхвал, Чватар-кам, Хикен хур, Чуру-хур. Маласо аштемадонть сынь аламонь-аламонь вейсэндясть, теизь Курахонть. Васенце эрицятнень ютксо ульнесть Лакиянь ды Авариянь ломанть, конат кадызь чачома ёнксост.
Седе мейлень историясь[витнемс | витнемс лисьмапрянть]
XIV-це пингентень савсь Курахонь ломантнень (обществань) касомась[5].
1356-це иестэ теезель Курахонь государствась. 1585-це иестэ Джафар-паша туркань полконьветиесь (полководецэсь) ламонь кирда терявтнемадо мейле саизе Курах эрямо тарканть ды янгизе сонзэ. Теке мазысь лиссь шабра велетнень мартояк. Пелепингень тюремадо мейле ширваншахонь ушмотне курахсо эрицятнень громизь ды кармавтызь каявксонь пандомо. 1734-це иестэ Курахонть саизь Надир-шахонь ушмотне.
XIX-пингестэ Россиянь империясь грабизе Северной Кавказонть. Курахось Кавказ-со ашти Россиянть туртов нежекс. 1811-це иень ацамковонь 7-це чистэ рузонь ушмотне изнизь лезгинэнь отрядтнэнь Шихикент веле вакссо ды саизь Курахонь. 1812-це иестэ велентень совить Хотунцов генералонть ветямонзо ало россиянь ушмотне. Мейле теезель Кюринской ханства Курахсо резиденция марто, ханокс аравтозель Асланбек тосконь эриця атясь. Велентень Хотунцов кады ширваншахонь кайсевематнеде ванстома гарнизон. 1824-це иестэ Курахсо 39 горецэнь, конат чавовсть 1812-це иестэ рузонь ушмотнесэ Курахонь саемстэ, калмо лангсо строязель святилища . 1866-це истэ саезь 1928-це ие видьс Курахось совиль Курахонь наибствасо Кюринской округс. Ульнесь Курахонь велень обществань вейкине эрямо таркакс. 1886-це иестэ Курахсо эрясть 1867 ломанть.
1967-це иестэ саезь важоди Курахонь самодеятельной театра.
Эрицятне[витнемс | витнемс лисьмапрянть]
Велесэнть эрить лезгинт, кемемань коряс сынь мусульмант-суннитт.
Примечаният[витнемс | витнемс лисьмапрянть]
- ↑ 1,0 1,1 1,2 1,3 GEOnet Names Server — 2018.
- ↑ 2,0 2,1 ОКТМО (руз.)
- ↑ http://www.webcitation.org6PXLnySO
- ↑ Тарихда тӏвар авай Гияр // Лезги газет. — 2012. — Вып. 25 (10514) (21 Аштемковонь). Архивировазь 5 Эйзюрковонь 2016 иестэ.
- ↑ Криштопа А. Е. Дагестан в XIII — начале XV вв.. — Москва: «Мамонт», 2007. — С. 118. — ISBN 978-5-903-011-17-9.
Невтевкст[витнемс | витнемс лисьмапрянть]
- Курах.
- Книга «Кавказская Албания. Лезгистан.» Г. А. Абдурагимов, 1995 г. — 608 с.; ил.
- Ризванов З., Ризванов Р. «История лезгин» (краткий научно-популярный очерк). Махачкала 1990.; 58 c.