Ётамс сёрматфть няфтьфонц потмос (содержаниянцты)

Куйола, Юхо

Википедиясто материал - аорев содамкундосто
Куйола, Юхо
Портрет
чачома чись якшамковонь 18 чи 1884(1884-01-18)[1]
Чачома тарка
Кулома чись аштемковонь 4 чи 1963(1963-06-04)[1] (79 иеть)
Кулома тарка
Мастор
Важодема ёрокчизе келеньсодый

Юхо (Йоханнес, Иван) Куёла (суом. Juho (Johannes, Ivan) Kujola, алкуксонь чачома буелемесь - Лазарев, 1884 иень якшамковонь 18 чистэ Салминь буень Миинала велесэ [2] – 1963 иень аштемковонь 4 чистэ Тампересэ[3]) — людикень ды карелэнь келень ванныця.

Тонавтнема таркат ды иеть

[витнемс | витнемс лисьмапрянть]

Юхо Куёла чачсь границянь Карелиянь (суом. Raja-Karjala) микшницянь ды тувака сокицянь-видицянь Иван Лазаревень раськесэ. Сон тонавтнесь раськень тонавтнема таркасо ды поладызе тонавтнеманзо Сортавалань лицейсэ. Сортавалань историянь тонавтыцякс важодсь O. A. Форсстрём, конась карелэнь кельсэ, кода тиринь кельсэ кортыця цёраэйкакшонь, явизе мелензэ Салминь кортавксонь материалонь пурнамо.[4]

Хельсинкинь университетов поступамодо мейле 1904 иень сёксня Куёла ушодсь финнэнь ды славянонь кельтнень филологиянь тонавтнеме. Сы кизна сон пурнась Салминь кортавксонь валкс Финнэнь Литературной Вейсэндявксонь (суом. Suomalaisen Kirjallisuuden Seura) пшкадемань коряс. Те тевенть песэ чачсь малава вете тёжат валонь карточкат.[5] Кандидатокс анокстамодо икеле сон полавтызе буелемензэ Куёлакс.[6]

Куёла кармась философиянь кандидатокс 1909 иестэ. Hänen kielennäytteillä täydennetty laudaturtutkimuksensa Äänneopillinen tutkimus Salmin murteesta ilmestyi Suomi-sarjassa vuonna 1910. Тонавтнема шкасто сон тувака важодсь фонетикань ванныцякс. Сонзэ кимографонзо (те гайгемань линиянь записямонь машина экспериментальной фонетикасо) онкснеманзо тевс нолдазь, Кай Доннер (суом. Kai Donner 1912 иестэ нолдась научной важодема - "Салминь кортавксонь квантовой ёнксозо" (суом. Salmin murteen kvantiteettisuhteista).[7]

Людикень ды карелэнь келень кортавкстнэнь пурнамось

[витнемс | витнемс лисьмапрянть]

Кандидатокс кармамодо мейле Юхо кармакшнось мелень явомо аускультациянень, зярдо важодсь Хельсинкинь финнэнь келень лицейсэ. Истяжо сонзэ ульнесь мелезэ тувака поладомс наукань коряс важодеманть. Э. Н. Cетялянь превень путоманзо коряс, сон ушодсь тонавтнема-ваннома се шкасто овси беряньстэ содазь людикинь кортавксонть. 1909 иень кизна Юхо ардсь Финнэнь Литературной Вейсэндявксэнь пельде стипендия лангс Чилисемаёнксонь Карелияв, неень шкань Уссуна велес (суом. Sununsuu), косо эрясть людикень кортавкссо кортыцятне, тосто сон пачколесь пелевеёнов ды чивалгомоёновдак: малава неень шкань Михайловской веленть видс (суом. Kuujärvi). Тосо ульнесь теезь малава колмо тёжат валонь карточкат ды теде башка пурнась фонологиянь ды морфологиянь коряс материалт. Те ды лия ардомань кувалт сон тейнесь истя жо фотокувт.[8]

Сы иестэ Куёла таго ардсь Чилисемаёнксонь Карелияв, косо поладсь людикень кортавксонь гайгемань историядо седе тов материалонь пурнамо эсь диссертация туртов. Ялатеке те ардомась прядовсь Петроскойсэ, косо Олонецень (суом. Аunus) губернаторось лоткавтызе сонзэ финнэнь пропагандань сравтнемань кисэ. Юхонень савсь велявтомс Хельсинкив, косо сонзэ яволявтызь магистракс. Ине-Петрань ошсо сон стяко снартнесь полавтомс губернаторонть мереманть. Тень кувалт сон арсезевсь ардомс Ине Одош ошонь губернияс пурнома-ванномо Валдаень карелтнэнь кортамо лувтнэнь. Валдаень, Демянскоень ды Крестцынь велетнева сон пурнась 1150 валонь карточкат ды сёрмадстынзе весе велетнень, косо се шкамс кортасть карелэнь кельсэ. Куёла нать ульнесь меельце финнэнь кельсодыдей, конась сакшнось валдаень карелтнэнь туртов. [9]

1910–1911 иетнестэ сон важодсь Йоенсуунь лицейсэ финнэнь ды рузонь кельтнень тонавтыцякс. Секс мекс людикекс кортыцятнень эрямо таркатнес пачкодемась марявсь пек стакакс, Куёла арсезевсь явомс мель Ине одошонь ды Тверень губерниятнень карелэнь кортавкстнэнь. 1911 иень кизна сон ардсь тихвинской карел мезнень, косо сон пурнась малава кавто тёжат валонь карточкат ды сёрмадсь карелэнь ёвкст, конат совасть "Карелэнь келень невтеманть" васенце пельксэс.[10]

1911–1912 иетнестэ сон тонавтнесь рузонь кель Ине-Петрань ошсо ды сы кизна Финнэнь Литературной Вейсэндявксэнь пельде стипендиянь саезь ардсь тверень карелтнэнь туртов. Юхо якась кавксо велева, конат совасть Торжоконь, Зубцовонь, Вышний Волочоконь ды Осташковонь буетнес, тосо анокстазельть кото тёжадо ламо валонь сёрмадовкст.[11]

1912–1913 иетнестэ Юхо ульнесь Московонь университетэнь стипендиатокс ды сы кизна ардсь Тверень ёнксонтень таго . Весьегонскоень, Вышний Волочоконь, Кашинэнь ды Бежецкень буень велетнева пурназельть 8500 ламо валонь карточкат.[12] Весьегонской велесэ сёрмадозь ёвкстэ лиссть седе тов Эйно Лескиненэнь кедь ало нолдазь "Карелэнь келень невтемасонть".[13]

Лият наукань коряс важодемат

[витнемс | витнемс лисьмапрянть]

Васенце весе масторонь торпингесь ды Йоенсуусэ тонавтыцякс важодемась лоткавтызь Куёлань келень ванномань-пурнамонь тевенть зярыя иес. 1918 иестэ сонзэ путызь оенной комиссаронь лездыцякс Сортаваласо, косо сон лия тевтнеде башка ветясь Олонецень (суом. Aunus) ойнадо чиицятнень тевтнесэ. 1923-1924 иетнестэ Куёла ульнесь Выборгонь лицеень финнэнь ды рузонь кельтнень тонавтыцякс. Теде мейле сон важодсь тейтерень лицейсэ финнэнь келень ветицякс Тампересэ энатой 1953 иень видс. Теде мейлеяк сон важодсь тоско шкань-шкань сакшныця тонавтыцякс, долой тусь те школасто 1958 иестэ.[14]

Тонавтыцянь тевдень башка Куёла явсь мель людикень кортавксонтень ды карелэнь келентень овси 1940 иетнень видс. Сонзэ васенце людикень коряс материалось совась "Карелиянь книгас" (суом. Karjalan kirja) 1910 иестэ, конанть 1932 иестэ омбоце нолдавксонзо сонсь жо витнизе. 1922 иестэ анокстызе одс нолдавксонть Хейкки Оянсуунь сёрмадовксонзо "Карелиянь келень гидэсь" (суом. Karjalan kielen oppaas). A.Р.Ниеми нолдызе тевс Юхо Куёлань тевденть содамочинзэ Финнэнь раськень кезэрень моронь нолдавксонт анокстамсто (суом. Suomen kansan vanhat runot).[15]

Финнэнь-угрань вейсэндявксось нолдызе 1934 иестэ Куёлань сёрмадовксонзо пурнавкс - Людикинь кортавксонь невтема. Теде мейле вейсэндявксось макссь Куёланень тев: пурнамс "Людикень кортавксонь валкс" (суом. Lyydiläismurteiden sanakirjan (1944), конась нежедсь ламосо эсь, Куёлань, пурнавксонзо-сёрмадовксонзо лангс.[16] Россиянь потсо валонь пурнамось-сёрмадомась седе тов ульнесь нолдазь тевс "Карелэнь келень валксонь" (суом. Karjalan kielen sanakirjaa) теевемсэ[17].

Куёлань артнемадо ёвтнемат ды кельденть содамочинь невтемась ульнесь совавтозь Пертти Виртарантань "Юхо Куёла: карелэнь ды людикень ванныця" сёрмадовксонтень 1960 иестэ (суом. Juho Kujola: karjalan ja lyydin tutkija). Секе иестэ Куёла ульнесь лемдязь Хельсинкинь университетэнь арневть докторокс[18].

Сёрмадовксонзо

[витнемс | витнемс лисьмапрянть]
  • (Joh. Kujola). Äänneopillinen tutkimus Salmin murteesta. Suomi, 4. jakso, 10. osa. Helsinki: Suomalaisen Kirjallisuuden Seura, 1910.
  • (Joh. Kujola). Karjalan kielen opas: kielennäytteitä ja sanasto. Helsinki: Suomalais-ugrilainen seura, 1922.
  • Lyydiläisiä kielennäytteitä. Helsinki: Suomalais-ugrilainen seura, 1934.
  • Lyydiläismurteiden sanakirja. Helsinki: Suomalais-ugrilainen seura, 1944.

Лисьмапрят

[витнемс | витнемс лисьмапрянть]

Невтькеть

[витнемс | витнемс лисьмапрянть]

ЛопаПарцун:Viitteet

Теде башка ловнодо

[витнемс | витнемс лисьмапрянть]

ЛопаПарцун:Auktoriteettitunnisteet ЛопаПарцун:AAKKOSTUS:Kujola, Juho Luokka:Suomalaiset kielitieteilijät Luokka:Vuonna 1884 syntyneet Luokka:Vuonna 1963 kuolleet Luokka:99.7 Humanististen tieteiden edustajat

Лисьмапрят

[витнемс лисьмапрянть]
  1. ↑ 1,0 1,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.
  2. ↑ Virtaranta 1960, s. 9.
  3. ↑ Korhonen & Suhonen & Virtaranta 1983, s. 211.
  4. ↑ Virtaranta 1960, s. 10–13.
  5. ↑ Virtaranta 1960, s. 14–16.
  6. ↑ ЛопаПарцун:Verkkoviite
  7. ↑ Virtaranta 1960, s. 17–18.
  8. ↑ Virtaranta 1960, s. 19–26.
  9. ↑ Virtaranta 1960, s. 31–35.
  10. ↑ Virtaranta 1960, s. 35, 45.
  11. ↑ Virtaranta 1960, s. 46-47, 66, 77.
  12. ↑ Virtaranta 1960, s. 78, 103.
  13. ↑ Virtaranta 1960, s. 106.
  14. ↑ Virtaranta 1960, s. 104–105.
  15. ↑ Virtaranta 1960, s. 104–107.
  16. ↑ Virtaranta 1960, s. 107–108.
  17. ↑ Korhonen & Suhonen & Virtaranta 1983, s. 229.
  18. ↑ ЛопаПарцун:Kirjaviite
Саезь "https://myv.wikipedia.org/w/index.php?title=Куйола,_Юхо&oldid=148379"-стэ