Косова Республикасо туризмась
Пельс ловозь Косова Республикась ашти Европань обедъёнкс марто чилисема ёнкссо, Балканонь полуостровсо, Косово географической регионсо. Сербиянь конституциянть коряс, Косова Республикань территориясь - те Сербия Республикань пелькс ды сови сонзэ эйс кода Автономной край Косово ды Метохия, ансяк алкуксчисэ Косовась Сербиянь кирдивийтнесэ а кирдеви.
Косовань туристической объекттнэс кандовить иллирийской, дарданской, римской, византийской, сербской ды османской шкань археологической наследиясь, традиционной албанонь кухнясь, архитектурась, религиозной наследиясь, койтне ды пертьпельксэнь ландшафттнэ. Региононь ламо памятниктне яжазельть Косовань войнань шкасто (1998—1999).
«New York Times» аравтызе Косовань 36-це таркас се таркатнень ютксо, конатнес эряви пачкодемс 2011-це иестэ[1][2]. Секе жо иестэнть Косовась кепедевсь малав 40 таркас (местас) Skyscanner поисковой системасонть, кона путы питне мировой туризмань касомантень.[3].
Статистикась
[витнемс | витнемс лисьмапрянть]Косова Республикань статистической агенствась невтни инжень кудотнень коряс статистиканть эрьва кварталсто 2008-це иестэ саезь. Эрьва кварталсто инжень кудосо ютавтозь ветне (нерезедентэнь): 10 000-сто саезь 13 000-с 2008-це иестэ, 14 000-сто саезь 24 000-с 2009-це иестэ , 16 000-сто саезь 22 000-с 2010-це иестэ ды 11 000-сто саезь 22 000-с 2011-це иестэ. Статистической агенствань даннойтнень коряс, 2016-це иень 3-це кварталсто инжень кудотнесэ эрясть весемезэ 36 872 ломанть, конатнестэ тосконь эрицятнеде ульнесть 29,23 %, 70,77 % — лия масторстольть.
Таблицасонть невтезь инжетнень-аволь резиденттнэнь ламочист само масторост коряс (даннойтне 2011-це иень):
| Таркась | Масторось | Ламочись |
|---|---|---|
| 1 |  Германия
|
2750 |
| 2 |  Италия
|
1938 |
| 3 |  АВШ
|
1628 |
| 4 |  Инебритания Мастор
|
1251 |
| 5 |  Хорватия Мастор
|
871 |
| 6 |  Австрия Мастор
|
500 |
| 7 |  Франция
|
301 |
| 8 |  Нидерландонь Мастор
|
278 |
| 9 |  Бельгия Мастор
|
43 |
| 10 |  Греция Мастор
|
37 |
| Весемезэ | 9597 |
Стакачитне
[витнемс | витнемс лисьмапрянть]Сербиясь ванны Косованть кода эсь территориянь пелькс. Секс туристтнэнень, конатнень паспортсост Косова Республикань штампт, а мерить Сербияс совамодо.[4].
Лисьмапрят
[витнемс лисьмапрянть]- ↑ The 41 Places to Go in 2011.
- ↑ Архивированная копия. Ваннозь 16 Ацамковонь 2011. Архивировано из первоисточника 4 Умарьковонь 2012.
- ↑ Kosovo improves on tourism. June 15, 2011. Ваннозь 24 Чадыковонь 2017. Архивировано из первоисточника 10 Ожоковонь 2017.
- ↑ Foreign travel advice Serbia. GOV.UK. Ваннозь 20 Даволковонь 2017.
