Косовань литературась

Косовань литературась ашти литературной произведениясто, конатнень сёрмадызь Косовань автортнэ албанонь, сербень, босниень ды туркань кельтнесэ. Косовань историясо явови османонь периодось, куш Османонь империянь кирдивийтне кардасть албанонь кельсэ сёрмадоманть 1912-це ие видьс. Те политикась кирдевсь сербской правлениянь шкасто Омбоце мировой войнань ушодомас^[1].

Войнадо мейле школатнесэ тонавтсть сербень кельсэ^[2]. 1940-це иетнень прядовомсто якась салавань (подпольной) литература, кона теевсь ды печатавсь албанонь кельсэ. Эрьвась, кие рамиль «Rilinja» албанонь кельсэ газета, саевиль учётс тайной полициясо^[3]. Весе праватне албанонь келентень ды культурантень максовсть 1974-це иень од югославской конституциянь яволявтомадо мейле. Косовань албанской литературась ды культурась кармасть касомо-кепетеме^[1].

1949-це иестэ «Jeta e re» литературной журналонь появамодо мейле албанонь кельсэ сёрмадыця югославиянь од автортнэнень ульнесь косо печатавомс. Башка монографият нолдавсть 1950-це иетнестэ. 1960-це иетнестэ косовань албантнэнь литературась кармась печатавомо ламонь-ламонь^[1].

Серьёзной прозась, кода ловови, Косовасо появась 1950-це иетнень омбоце пельксстэ. Сестэ те жанрасонть сёрмадсть истят авторт, кода Митровицасто Хивзи Сулеймани, Приштинасто Адем Демачи ды Призрен алдо Гражданикстэ Антон Пашку. Истя жо Косовань XX-це пингень неявикс прозаиктненень кандовить Экрем Баша, Юсуф Буджови, Теки Дëрвисхи, Сабри Хамити, Рамиз Келменди, Мехмет Края, Бекир Муслиу, Реджеп Чосья, Муса Раниадани, Назми Ррахмани, Зейнуллах Ррахмани ды Азем Шкрели^[1].

Косовань албантнэнь поэзиясь истя жо ульнесь вельть популярной, сонзэ юртнэ туить раськень койтнес. Икелень Югославиянь территориясо неень шкань албанонь поэзиянь ушодыцякс ловови Эсад Мекули. Лия неявикс неень шкань поэттнэнь ютксо Экрем Баша, Бесим Бокши, Ррахман Дедай, Мирко Гаши, Энвер Гьерчеку, Фахредин Гунга, Абдулла Конушевци, Дин Мехмети, Али Подримя ды Азем Шкрели^[1].

Сербень литературань койтне састь XIII-це пингестэ. Сербень косовань XX-це пингень сехте неявикс-содавикс литератортнэнень кандовить Вукашин Филипович романистэсь, Даринка Еврич поэтессась, Радосав Стоянович писателесь, Петар Сарич поэтэсь ды прозаикесь, Лазар Вукович поэтэсь^[1].

1970-1980-це иетнестэ косовань писательтне, кода сербенсетне, истя албанонсетнеяк, содавтозельть Косовань сёрмадеень вейсэндявкссо. 1980-це иень прядовомсто, зярдо пштилгадсь этнической ачарькодемась (конфликтэсь), сербтне кадызь те вейсэндявксонть, ды се шкастонть саезь Косовань сёрмадеень вейсэндявксос совить ансяк албанонь авторт. Те организациясь эзь кадово Косовань политической эрямодонть веёно, ламот сонзэ члентнэстэ, ютксост Ибрагим Ругова, аштесть Косовань Демократической лигань ушодкссо^[1].

Лисьмапрят

↑ ^1,0 ^1,1 ^1,2 ^1,3 ^1,4 ^1,5 ^1,6 ЛопаПарцун:Нп3. Historical Dictionary of Kosovo. — 2010. — С. 179—180. — ISBN 978-0-8108-7483-1. Саевксэнь ильведевкс: Неверный тег <ref>: название «Elsie» определено несколько раз для различного содержимого
↑ Malcolm, Noel. Kosovo: A Short History. — ЛопаПарцун:Нп3, 1999. — С. 267. — ISBN 978-0-06-097775-7.
↑ Malcolm, Noel. Kosovo: A Short History. — ЛопаПарцун:Нп3, 1999. — С. 327. — ISBN 978-0-06-097775-7.

[Elsie-1] 1,0 ^1,1 ^1,2 ^1,3 ^1,4 ^1,5 ^1,6 ЛопаПарцун:Нп3. Historical Dictionary of Kosovo. — 2010. — С. 179—180. — ISBN 978-0-8108-7483-1. Саевксэнь ильведевкс: Неверный тег <ref>: название «Elsie» определено несколько раз для различного содержимого

[2] Malcolm, Noel. Kosovo: A Short History. — ЛопаПарцун:Нп3, 1999. — С. 267. — ISBN 978-0-06-097775-7.

[3] Malcolm, Noel. Kosovo: A Short History. — ЛопаПарцун:Нп3, 1999. — С. 327. — ISBN 978-0-06-097775-7.

[1]

[2]

[3]