Ключагин, Пётр Андреевич

Википедиясто материал - аорев содамкундосто
Перейти к навигации Перейти к поиску
Петр Андреев, Андрей Пизел
Ключагинэнь Петр
Чачома лем: Петр Андреевич Ключагин
Важодема ёрокчизе : эрзянь кельсэ сёрмадей ды валморонь ладсий
Чачома чись: аштемковонь 18 чи 1936({{padleft:1936|4|0}}-{{padleft:6|2|0}}-{{padleft:18|2|0}}) (82 иеть)
Чачома тарка: Кулязбуе, Отяжбуе, Мордовия Республикась
Гражданчи: СССРFlag of the Soviet Union.svg СССР
РоссияFlag of Russia.svg Россия

Ключагинэнь Петр Андреевич (сёрмалесь Петр Андреев, Андрей Пизел[1] лем ало, 1936 иень аштемковонь 18 чистэ Кулязбуесэ) — эрзянь сёрмадей, Россиянь Сёрмадеень вейсэндявксос совиця.

Чачсь Отяжбуень Кулязбуесэ[1] сокиця-видицянь семиясо. 1960 иестэ прядызе Мордовиянь прявт университетэнть филологиянь факультет, важоди «Эрзянь правда» кулялопасонть. 1964 иестэ пряды Ленинградонь версень партиянь школанть, важоди «Хлебороб Приишимья» ды «Лениногорская правда» казахонь кулялопатнень редакциясо.

1983 иестэ идизе кандидатонь диссертациянть (руз. «Особенности формирования мордовской литературы (1917-1941)»), важоди МГУ-нь Н. П. Огаревонь лемсэ кулянь сёрмадеень кафедрасо .

Шкинемазо[витнемс-петнемс | витнемс-петнемс лисьмапрянзо]

Сёрмадовксонзо лиснить 1957 иестэ. Васеньце валморонзо «Эрзянь правда» кулялопасо, 1959 иестэ васенце ёвтнемазо — «Сурань толт» ковкставксо. П. Ключагин сёрмады пеедемань ды раксемань ёвтнемат, ламо пакшань туртовгак. Сон ламонь пурнавксонь сёрмадыця: «Од пингес кить-янт», «Пирявкс», «Меельце кулят». Сонзэ шкинемазо невти келей темасо, сюпав эрямо койсэнть, ламо ломанень ракамонь типсэ ды обуцянь невтемсе. 1995 иестэ Пётр Ключагинэнь лись «Ожо цецят» ёвтнемань пурнавкс пакшанень. Ёвтнематнесэ кувакасто максозь чачот ёроков ды пшти превейть цёрынень ды тейтерень туртов, эйсэст сёрмадыцясь канды пакшатненень пертьпельксэнть мазычинть, тонавты эрьва мейсэ неемс ансяк паро. 1997 иестэ Мордовиянь книжной издательствась нолдась новеллань пурнавкс «Цёканька».

П. Ключагин — РМ-нь шкинемань заслуженной важодиця (1994), Россиянь Сёрмадеень вейсэндявксос совиця 1991 иестэ саезь.

Сёрм.[витнемс-петнемс | витнемс-петнемс лисьмапрянзо]

Лисьм.[витнемс-петнемс | витнемс-петнемс лисьмапрянзо]

  1. 1,0 1,1 Мордовская литература: Ключагин Петр Андреевич(руз.)