Каша

Википедиясто материал - аорев содамкундосто
Kasza gryczana.jpg

Каша — те тусто ярсамопель.

Каша, валонть ундокстнэ таргавить-сатстыть, кашкамс валонтень, конась вастневи эрзянь ярсамопельтнень ютксо, малав, се шкастонть зярдо эрзятне понгсть Моданть ланс. Смустезэ те пидевксэнть - аволь стака, теке марто потмакстомо: шождасто тейневиця, аламо важодьксэнь вешиця, аволь питней пекень пештявкс, кона лезэде башка мезеяк а канды.

Кашатне пидевить эрьва кодамо ямкссто, малав весе вастневиця ямкстнэстэ, седе сеедьстэ - суро (проса ямкс), ликша, сорочина (рис), шуж - целасто, пельс яжазь, сюронь - целасто ды башка койсэ яжазь, виш (полба), кснав, титиря (цицявка) ды лият.

Кашатне пидевить ведьс, эрсить ловсос. Кашатне эрсить вецанакс ды човалявкс ( коське кашат).

Cуронь кашась[витнеме-петнеме | витнемс-петнемс лисьмапрянзо]

Башка смустезэ суронь кашанть. Эрзятне свал ловить сонзэ Пазонть пельде ярсамопелекс, секс сонзэ пидесть ды пидить нейгак покш коень коендамсто. Сон невти паронь арсемань ламочи: зяро ямкскеть кашасонть - истянь паро неезэ сонзэ ярсыцясь.

Лемень кундамсто (поминамсто, ливамсто) Бугурусланонь районсо свал вешить кашань ямкскень пес сэвемадонзо - илязо кадово вачо тоначисэ эрицясь, а ярсыцянть кардыть истя мерезь:

"Бути кашанть а прядсак ками кулозесь тоначисэ сы поминкатнес ямксонь явтнеме-кочксеме".


Диетологтнэнь мелест коряс эрьва ломанентень эрьва валскене эряви ярсамс кодамояк кашадо ды сестэ сонзэ шумбрачись ванстови ламодо ламо иес.

Ликшань кашась[витнеме-петнеме | витнемс-петнемс лисьмапрянзо]

Панго марто ликшань каша тееви истя: саевить 1 стакан аламодо пуштазь ликша ямкс, 0.7 литрат ведь, тастень коряс сал. Кельме ведьс каяви ямксось, лаказемемас пидеви покш толсо, теде мейле кедьгесь копачави вельтявкссо ды кадови пек вишка тол лангсо пиемазонзо. Бояр пангтнэнь (кодак арасть, саевить лияткак) керсемаст покш палнэс, рестамаст пиемазост касовксонь (чиньжарамонь эли лия) ойсэ керсезь пря чурька марто. Кашанть пидевемстэнзэ сон човоряви реставксонть марто ды тееви анококс. А маштовить те кашаньтэ килей пангось, лейкс ( груздя) пангтне, пиче пангось.

Лисьм.:[витнеме-петнеме | витнемс-петнемс лисьмапрянзо]