Зугдиди

Википедиясто материал - аорев содамкундосто
Перейти к навигации Перейти к поиску
Зугдиди
груз. ზუგდიდი
КоцтГерб
Flag of Zugdidi (City).svgCoat of Arms of Zigdidi.svg
Изображение
Мастор Flag of Georgia.svg Грузия Мастор
Является столицей Самегрело — Земо-Сванети[d]
Административно-территориальная единица Самегрело — Земо-Сванети[d]
Высота над уровнем моря 100 метр
Ош-ялга Колумбус[d]
Площадь 21,8 квадратной вайгельпе
Почтовый индекс 2100
Коллаж
Категория для людей, похороненных здесь [d]
Зугдиди (Грузия Мастор)
{{{1}}}
Зугдиди

Координатт: 42°30′ с. ш. 41°51′ в. д. / 42.500° с. ш. 41.850° в. д. / 42.500; 41.850 (G) (O)

Зугди́ди (груз. ზუგდიდი) — Грузизиянь чивалгома ёнкссо ош. Самегрело-Верхняя Сванетия краень ды Зугдид муниципалитетэнь административной куншкакуро.

Географиясь[витнемс-петнемс | витнемс-петнемс лисьмапрянзо]

Ашти Колхидэнь алкине таркасо (низменностьсэ), Раужо иневедень чиреденть 30 вп туро, Черноморской шоссенть ды Сванетияв ветиця кинть лангсо (Местиа веленть видьс).

Тбилиси видьс чугункань киява таркась — 318 вп. Иневеденть уровнянзо коряс ашти 110 метрадо седе вере.

Джвари — Самтредиа линиянть лангсо важоди чугункань кинь станция.

Историясь[витнемс-петнемс | витнемс-петнемс лисьмапрянзо]

Зугдидисэ Александр Гурцкаень гимназиясь

Умонь шкасто саезь ошось ульнесь Дадианинь чинязтнэнь — Мегрелиянь азортнэнь — телень эрямо таркакс.

Зугдидинь эйстэ 7 вп туронь таркасо, Энгуринь чиресэ, ванстовсть Рухонь ошпандонь (Рухис Цихе) каладовкстнэ (развалинатне), сонзэ маласо ютакшнось Кация Дадиани ды I-це Соломон имеретинэнь инязоронть ютксо верень валый тюремась.

1850-це иестэ Розмордюк французось Зугдидисэ панжсь шёлкомотаниянь кудо ды зяро-бути шкань перть тесэ тейсть ламо парсей, ансяк XX-це пингень ушодовомантень теемазо малав лоткавтозель.

Крымской войнань пингстэ 1855-це иень прядовомсто зярыя недлянь перть ошось саезель Омер-пашинь[1] туркань ушмотнесэ.

1857-це иестэ Мегрелень кепедевеманть пингстэ (Уту Микава велень кшнинь чавиенть ветямонзо ало) панжиковонь 12-це чистэ стязтне (повстанецтнэ) саизь Зугдидинь.

Советско-грузинской войнанть пингстэ 1921-це иень эйзюрковонь 9-це чистэ ошонтень совасть 9-це Кубанской Якстере Армиянь пелькстнэ.

«Зугдиди» лемесь ошонтень сатотсь 1918-це иестэ советтнэнь пельде, тестэ ушодовськак сонзэ куроксто касомазо (Зугдиди мегрелэкс - те «покш пандо»). Ошсонть стявтозельть ламо заводт ды фабрикат, мезенть эйстэ эрицятнень ламочист кассь 100 000 ломаньс. Эдуард Шеварднадзень инязрксчинзэ пингстэ ламо заводтнэ пекстазельть ды салсезельть, эрицятнень ламочись валгсь 77 000 ломаньс. Ней тосонь эрицятненень кадовсь ансяк рамсемс-микшнемс ды котьмамс велень тевтнесэ.

1993-це иестэ гражданской войнань шкасто зярыя ковонь перть Зугдидисэ ульнесь-аштесь икеле каявтозьЗвиад Гамсахурдия Грузиянь Президентэнть «Панезь правительстванзо» («Правительство в изгнании») штаб-квартирась. 1993-це иень сундерьковонь 6-це чистэ ошось таго ютась кирдивийтнень алов.

Южной Осетиясо вооружённой конфликтэнть пингстэ 2008-це иень умарьковонь 11-це читэ саезь 17-це чис ошось, кода Грузиянь Раужо морянь ведьчирень седе покш пельксэськак, ульнесь российской военнойтнень кедь ало.

Эрицятне[витнемс-петнемс | витнемс-петнемс лисьмапрянзо]

2017-це иень якшамковнень ошсонть эрясть 42 700 ломанть, 2014-це иень якшамковнень — 74 800 ломанть[2], 2002-це иенень — 68 900 ломанть,1989-це иень якшамковнень — 50 022 ломанть.

Эриця раськетне

2014 года-це иестэ эрицянь сёрмалеманть коряс:Невозможно определить количество столбцов

Экономикась[витнемс-петнемс | витнемс-петнемс лисьмапрянзо]

Ошсонть ули Энгурской конёвонь (целлюлозно-бумажной) комбинат, винань теемань, оень пивтемань, консервань, гренажной, фарфоронь, мишинань теемань заводт, чаень, чаень прессовамонь, парсеень кодамонь ды мебелень фабрикат.

Ней ламо заводтнэ аштить. Шеварнадзень инязорксчинзэ пингсэ ламотне салсезельть ды пекстнезельть.Тосонь эрицятне рамсить-микшнить, котьмить велень тевсэ.Ошонть куншка таркасонть кирдеви ресторанонь ды аптекань бизнес.

Транспортось[витнемс-петнемс | витнемс-петнемс лисьмапрянзо]

В 1986—2009-це иетнестэ ардтнесть троллейбуст. Ней ломантнень ускси маршрутной такси. Важодить <i id="mwVA">Ford Transit</i>, РАФ-2203 автобустнэ ды Богдан А092 вишка классонь автобуст.

Дадианинь дворецэсь[витнемс-петнемс | витнемс-петнемс лисьмапрянзо]

Дадиани мегрелэнь чинязтнэнь кудост (дворецэст)

Дадиани мегрелэнь чинязтнэнь раськень кудост (дворецэст) содави садсонзо, конань тееманзо кисэ Мегрелиянь инязоравась, Дадиани чинязавась, XIX-це пингень куншкасто тердинзе европань содавикс садоводтнэнь ды усковтовсь Европасто тикшень-мезень чуросто вастневиця сортт. Ней Дадиани садось — те Зугдидинь ботанической сад.

Наукась, культурась, достопримечательносттне[витнемс-петнемс | витнемс-петнемс лисьмапрянзо]

Чаень ды субтропикень культурань Всесоюзной научно-исследовательской институтонь, Тбилисской ботанической садонь (Зугдидинь ботанической сад), политехнической институтонь филиалт; медицинской училища.

Ошсонть топавтыть тевест Шалва Дадиани лемсэдраматической театра, Лермонтов лемсэ рузонь театра ды историко-этнографической музей, кона ашти Д.Л.Дадиани Мегрелиянь меельце инязоронть икеленьдворцэнь комплекссэ.

  • Эйкакшонь някань театра,
  • Зярыя кинотеатрат,
  • Зугдидинь покш бульвар,
  • Цаиши Кафедральной Мегрельской Собор.

Содавикс тосо чачозтне[витнемс-петнемс | витнемс-петнемс лисьмапрянзо]

Зугдидисэ чачозтне

Ошт-ялгат[витнемс-петнемс | витнемс-петнемс лисьмапрянзо]

Примечаният[витнемс-петнемс | витнемс-петнемс лисьмапрянзо]

  1. Крымская война(недоступная ссылка — история). Проверено 11 Умарьковонь 2008. Архивировано из первоисточника 1 Даволковонь 2008.
  2. Statistical Yearbook Of Georgia, 2014(недоступная ссылка — история). Проверено 10 Ожоковонь 2015. Архивировано из первоисточника 16 Чадыковонь 2016.

Топографиянь картат[витнемс-петнемс | витнемс-петнемс лисьмапрянзо]

Невтевкст[витнемс-петнемс | витнемс-петнемс лисьмапрянзо]

  • Веб-камера Зугдиди
  • Зугдиди // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.