Зарипов, Ирек Айратович

Википедиясто материал - аорев содамкундосто
Перейти к навигации Перейти к поиску
Ирек Айратович Зарипов
Портрет
Важодема ёрокчизе : биатлонист
Чачома чись: эйзюрковонь 27 чи 1983({{padleft:1983|4|0}}-{{padleft:3|2|0}}-{{padleft:27|2|0}}) (36 иеть)
Чачома тарка: Стерлитамак[d], Башкирская Автономная Советская Социалистическая Республика[d], Российская Советская Федеративная Социалистическая Республика[d], СССР[d]
Мастор: Flag of Russia.svg Россия Мастор

Ирек Айратович Зарипов (баш. Ирек Айрат улы Зарипов; чачсь Эйзюрковонь  27 чистэ 1983 иестэ, чачома таркась — Стерлитамак ош, Башкиронь АССР, РСФСР, СССР) — Россиянь сокссо краксниця ды биатлонист. Заслуженной мастер спорта России, нилень кирдань телень Паралимпийской налксемань чемпион 2010 иестэ, Ванкувер.

Эрямозо[витнемс-петнемс | витнемс-петнемс лисьмапрянзо]

Ирек Зарипов чачсь эйзюрковонь 27 чистэ 1983 иестэ Стерлитамаксо. Тетянзо-аванзо — Айрат Габдулхаматович ды Василя Мустафиновна Зариповы, важодсть кирпицень теема таркасо.

Школань шкасто Ирек явсь мель сокссо кракснеманень, баскетболсо налксеманень, пильге оскасо налксесь, якась боксов.

2000 иестэ, зярдо тензэ ульнесть 17 иеть понгсь зыянс: мотоцикласо ардомсто вачкодевсь 9-тоннань «МАЗос», больницясо керизь кавонест пильгензэ. Теде мейле кавто иеть аштесь малава апак лыка, мейле кармась мекев совамо формас.

Пильгевметечинть лангс апак вано прядызе профессиональной лицеенть ды Башкиронь экономикань ды юриспруденциянь колледжэнть.

Кармась таго явомо мель спортонтень СК «Идельсэ» (васенце тренерэсь — Ф. Н. Габдуллин).

Ирек кармась вачнеме прясонзо эрьва кодамо спортсо: шожда ды стака атлетикасо, уйкшнемасо, столень тенниссэ. 2004 иестэ совась Башкортостан Республикань спортонь вейсэндявксос шожда атлетикань коряс.

Россиянь чемпионатонь пелькстамосо теевсь содавиксэкс прявт тренер марто — сокссо кракснемань ды биатлононь коряс — Ирина Громова марто, конась мерсь тензэ пшкадемс Башкортостансо содавикс тренерэнтень Салават Гумеровнэнь.

Салават Гумеров кармась эйсэнзэ анокстамо сокссо кракснема пелкстамонень. Истя жо тренерэкс ульнесь Амир Гумеров.

2005 иестэ саезь Зарипов пельксты Республика Башкортастан Школа высшего спортивного мастерствань кисэ (тренерэсь — С.Р. Гумеров).

' Секе иестэ ульнесь совавтозь Россиянь паралимпийской вейсэндявксос.

Иень ютазь пелькстась телень Паралимпийской пелькстамосо 2006 истэ Турин ошсо, косо биатлонсо 7,5 вайгельбень чиемстэ изнязь 4-це тарка.

Алкуксонь триумф учось эйсэнзэ телень Паралимпиадань пелькстамосо 2010 иестэ Ванкуверсэ, косо сон сайсь 4 сырнень медальть: биатлононь коряс 2,4 вайгельбень чиемстэ (сасамонь чиема) ды 12,5  вайгельбень чиемстэ, теде башка сокссо чиемстэ 15 вайгельбеть ды 10  вайгельбеть кисэ; истяжо сайсь 1 вайгельбень чиемань кисэ сиянь медаль. Ирек Зарипов ульнесь  Стерлитамаконь ёндо молицякс колмоце Весе масторонь башкирэнь курултайсэ аштемковонь 2010 иестэ.

Дмитрий Медведев ды Ирек Зарипов. Орден «За заслуги перед Отечеством» IV степени


Лисьмапрят[витнемс-петнемс лисьмапрянзо]


Невтевкст[витнемс-петнемс | витнемс-петнемс лисьмапрянзо]