Гусев, Иван Алексеевич (Сабанцеле)
| Гусев, Иван Алексеевич | |
|---|---|
| чачома чись | якшамковонь 15 чи 1922 |
| Чачома тарка | |
| Кулома чись | медьковонь 12 чи 1943 (21 ие) |
| Кулома тарка | |
| Мастор | |
| Важодема ёрокчизе | офицер |
| казнеть ды медальть |
 |
 Иван Алексеевич Гусев | |
.svg){kind=small}
Гусев Иван Алексеевич (1922 якшамковонь 15 чи Сабанцеле — 1943 медьковонь 12 чи Курск ёнксонь Прохоровка буесэ) — эрзянь цёра, Ине Ойнань улиця, лейтенант, васенце танконь таранонь теиця Курскоень тюремасонть[1], Советэнь Союзонь Мараля (руз. Герой Советского Союза)[2] (1943 ие).
Эрямопингезэ
[витнемс | витнемс лисьмапрянть]Чачсь 1922 иень якшамковонь 15 чистэ Отяжбуень эрзянь Сабанцеле велесэ, Мордовиянь АССР. 1929 иестэ кармась тонавтнеме Сабанцелень сисем иень школасо, конанть прядызе 1936 иестэ. 1936—1940 иетнестэ кармась тонавтнеме Ицялобуень педучилищасо. 1941 иень сёксестэ сонзэ кучизь тонавтнеме Камышинэнь танконь училищав. 1943 иень панжиковсто саезь сон 181-це танконь бригадасо. Эрзянь церась ульнесь апелиця, ёжов, кеме. 181 танконь бригадась се шкасто ульнесь кучозь Воронежень ёнксонь Россошь ошов. Гусев Лейтенантось куроксто невтизе прянзо паро ёндо, кармась чарькодеме максозь сонензэ техникасонть.
Ине тев, подвиг
[витнемс | витнемс лисьмапрянть]
1943 иень медьковонь 12 чистэ Курск ёнксонь Прохоровка буень «Октябрский» совхозонть маласо стака танконь тюрема шкасто Гусев И. А. лейтенантонь «Т-34» танконь экипажось тейсь Ине тев, подвиг. Тюремасо сынь яжасть кавто «Тигр» танкт, нардасть 3 леднема таркат, чавсть ламо немецень солдатт ды офицерт[3].
Зярдо «Тиградонть» кирвазсь Гусевень танкозо, Скрипкин капитанонть танксо пек ранизь. Гусев И. А. мерсь Николаевнень ды Зыряновнень таргамс комбатонть машинасто ды кекшемс лашмос. «Тигрась» арсесь таго ледемс ды чавомс весень. Сестэ эрзянь цёрась мерсь ялгатнень туртов «Таранс!». Эсест эрямонь максозь сынь ванстызь ялгаст эрямонть[4]
Тешкс
[витнемс | витнемс лисьмапрянть]Тешкстазь Ине войнань I степенень Орденсэ (1995 и.)[5]
Сонзэ лемсэ
[витнемс | витнемс лисьмапрянть]Сабанцелень школасо Ине тюремань музеесь кандтни И. А. Гусевень лемензэ.
Иван Гусевень лемсэ эрьва иестэ Сабанцелесэ тейневи пелькстамонь турнир (сокст, чийнемат, бороцямот)[6].
Литературась
[витнемс | витнемс лисьмапрянть]- Бурнайкин, И. Танковый таран / И. Бурнайкин // Этих дней не смолкнет слава…: очерки, статьи, воспоминания, фотодокументы о Великой Отечественной войне. — Саранск, 2002. — С. 327—332.(руз.)
- Заварюхин В.Ю. Мейсэ чумозо Иван Гусевень? // «Сятко» – № 4. – Саранск, 2010. – С. 119–123.
- Заварюхин В.Ю. Танковый таран экипажа Ивана Гусева // ЭПНИ «Studium». – Саранск. – 2011. – № 1
- Заварюхин В.Ю., Заварюхина Е.В. Бессмертный подвиг Ивана Гусева // «Эрзянь правда». – 2011. – № 17 (13952). – 5 мая. – С. 6.
- Заварюхин В.Ю. Бессмертный подвиг // «Сельская газета». – 2011. – № 34 (563). – 24 авг. – С. 4.
- Заварюхин В.Ю. Ине Отечественной войнань танконь васенце таранось // Тиринь ёнкс… – Саранск, 2012. – С. 15–18.
Лисьмапрят
[витнемс лисьмапрянть]- ↑ Красная Армия // Танковый таран — оружие смелых Архивировазь 13 Эйзюрковонь 2017 иестэ.(руз.)
- ↑ Юбилейные даты 2012 года с неустановленным числом и месяцем / М-во культуры и туризма РМ, Нац. б-ка им. А. С. Пушкина РМ. – Саранск, 2011. – 144 с. стр.8(руз.)
- ↑ otvoyna.ru // Забытые герои первого танкового тарана Архивировазь 7 Панжиковонь 2015 иестэ.(руз.)
- ↑ Патриоты Мордовии// Танки(руз.)
- ↑ Министерство обороны Российской Федерации // Гусев Иван Алексеевич(руз.)
- ↑ «Известий Мордовии» // Турнир памяти героя-танкиста Ивана Гусева прошел на его родине в селе Сабанчеево Архивировазь 24 Даволковонь 2017 иестэ.(руз.)