Гусев, Иван Алексеевич (Сабанцеле)

Википедиясто материал - аорев содамкундосто
Перейти к навигации Перейти к поиску
Гусев, Иван Алексеевич
чачома чись якшамковонь 15 чи 1922(1922-01-15)
Чачома тарка
Кулома чись медьковонь 12 чи 1943(1943-07-12) (21 ие)
Кулома тарка
казнеть ды медальть
орден Отечественной войны I степени

Гусев Иван Алексеевич (1922 якшамковонь 15 чи Сабанцеле1943 медьковонь 12 чи Курск ёнксонь Прохоровка буесэ) — эрзянь цёра, Ине Ойнань улиця, лейтенант, васенце танконь таранонь теиця Курскоень тюремасонть[1], Советэнь Союзонь Мараля (руз. Герой Советского Союза)[2] (1943 ие).

Эрямопингезэ[витнемс-петнемс | витнемс-петнемс лисьмапрянзо]

Чачсь 1922 иень якшамковонь 15 чистэ Отяжбуень эрзянь Сабанцеле велесэ, Мордовиянь АССР. 1929 иестэ кармась тонавтнеме Сабанцелень сисем иень школасо, конанть прядызе 1936 иестэ. 1936—1940 иетнестэ кармась тонавтнеме Ицялобуень педучилищасо. 1941 иень сёксестэ сонзэ кучизь тонавтнеме Камышинэнь танконь училищав. 1943 иень панжиковсто саезь сон 181-це танконь бригадасо. Эрзянь церась ульнесь апелиця, ёжов, кеме. 181 танконь бригадась се шкасто ульнесь кучозь Воронежень ёнксонь Россошь ошов. Гусев Лейтенантось куроксто невтизе прянзо паро ёндо, кармась чарькодеме максозь сонензэ техникасонть.

Ине тев, подвиг[витнемс-петнемс | витнемс-петнемс лисьмапрянзо]

Сабанцелень школась.
Кевлазось Сабанцелень школасонть, косо тонавтнесь Гусев Иван Алексеевич, Советэнь Союзонь Маралясь.

1943 иень медьковонь 12 чистэ Курск ёнксонь Прохоровка буень «Октябрский» совхозонть маласо стака танконь тюрема шкасто Гусев И. А. лейтенантонь «Т-34» танконь экипажось тейсь Ине тев, подвиг. Тюремасо сынь яжасть кавто «Тигр» танкт, нардасть 3 леднема таркат, чавсть ламо немецень солдатт ды офицерт[3].

Зярдо «Тиградонть» кирвазсь Гусевень танкозо, Скрипкин капитанонть танксо пек ранизь. Гусев И. А. мерсь Николаевнень ды Зыряновнень таргамс комбатонть машинасто ды кекшемс лашмос. «Тигрась» арсесь таго ледемс ды чавомс весень. Сестэ эрзянь цёрась мерсь ялгатнень туртов «Таранс!». Эсест эрямонь максозь сынь ванстызь ялгаст эрямонть[4]

Тешкс[витнемс-петнемс | витнемс-петнемс лисьмапрянзо]

Тешкстазь Ине войнань I степенень Орденсэ (1995 и.)[5]

Сонзэ лемсэ[витнемс-петнемс | витнемс-петнемс лисьмапрянзо]

Сабанцелень школасо Ине тюремань музеесь кандтни И. А. Гусевень лемензэ.

Иван Гусевень лемсэ эрьва иестэ Сабанцелесэ тейневи пелькстамонь турнир (сокст, чийнемат, бороцямот)[6].

Литературась[витнемс-петнемс | витнемс-петнемс лисьмапрянзо]

  • Бурнайкин, И. Танковый таран / И. Бурнайкин // Этих дней не смолкнет слава…: очерки, статьи, воспоминания, фотодокументы о Великой Отечественной войне. — Саранск, 2002. — С. 327—332.(руз.)

Лисьмапрят[витнемс-петнемс лисьмапрянзо]