Гурьянов, Сергей Тимофеевич

Гурьянов Сергей Тимофеевич — социолог, философ, тонавтыця. Фиософиянь наукань доктор (1972-це ие), профессор (1975-це ие). Эрзя^[1].

Эрямо пингезэ

Чачсь 1928-це иень сундерьковонь 27-це чистэ Самара ёнксонь Исаклань буень Краный Боец велесэ^[2]. Прядсь Куйбышевень государственной педагогической иститут (1951-це ие)^[1]. 1951 – 65-це иетнестэ важодсь средней школань тонавтыцякс, директорокс, Куйбышев ошсо ды Куйбышевень ёнкссо роно-нь прявтокс; 1965 – 72-це иетнестэ – В. И. Ленин лемсэ Московонь гос. пед. институтонь социологиянь лабораториянь прявт; 1972 – 2004-це иетнестэ – философиянь ды наукань методологиянь кафедрасо социологиянь лабораториянь прявт, 2004 – 2008-це иетнестэ – управлениянь теориянь ды технологиянь кафедрань профессор М. В. Ломоносов лемсэ МГУ-со^[1]. Тейсь покш путовкс россиянь социологической наукань арамонтень-кепетемантень, ёроков социологонь ды философонь анокстамонтень. 1971 – 72-це иетнестэ ютавтсь вейкетстямонь (сравнительной) исследованият Московонь ды Москов ёнксонь, Саранск, Херсон, Львов оштнэнь вейке типень промышленной предприятиятнесэ. Сядо ведьгеменде ламо научной сёрмадовконь автор, конатнень ютксо сисем монографият ды «Социология управления» тонавтнема книгась (М., 1990-це ие). Тейсь социальной управлениянь, планированиянь, прогнозированиянь, од ломанень профориентациянь стакачитнень коряс социальной школа. Анокстась наукань кавксо докторт, ведьгеменде ламо кандидатт. Казезь «Знак Почёта» орденсэ^[1], «За доблестный труд в Великой Отечественной войне 1941 – 1945 гг.», «Ветеран труда» медальтнесэ. Кулось 2011-це иень ацамковонь 29-це чистэ Московсо.

Сочиненият

Социальные методы управления производством. Саранск, 1972;
Социальное управление рабочим коллективом. М., 1979 (в соавт.);
Социальные проблемы трудового коллектива. М., 1979 (в соавт.);
Прикладные аспекты социального управления. М., 1983 (в соавт.);
Философия и социология управления. М., 2008;
Оптимизация управленческо-социологических мотиваций к труду в условиях кризиса. М., 2008;

Литературась

Мордовия : энц. Саранск, 2003. Т. 1.
Мордовия, XX век: культурная элита. Саранск, 2013. Ч. 1.

Лисьмапрят

↑ ^1,0 ^1,1 ^1,2 ^1,3 С.Т. Гурьянов(руз.). Экономика. Социология. Менеджмент (30 Ацамковонь 2011). Ваннозь 15 Ацамковонь 2019.
↑ Скоропостижно скончался один из основоположников отечественной социологической науки С.Т. Гурьянов(руз.). BezFormata.Com (30 Ацамковонь 2011). Ваннозь 15 Ацамковонь 2019.

[Гурьянов-1] 1,0 ^1,1 ^1,2 ^1,3 С.Т. Гурьянов(руз.). Экономика. Социология. Менеджмент (30 Ацамковонь 2011). Ваннозь 15 Ацамковонь 2019.

[2] Скоропостижно скончался один из основоположников отечественной социологической науки С.Т. Гурьянов(руз.). BezFormata.Com (30 Ацамковонь 2011). Ваннозь 15 Ацамковонь 2019.

[1]

[2]