Грибова, Елена (Иглан) Ивановна
| Грибова, Елена (Иглан) Ивановна | |
|---|---|
| чачома чись | панжиковонь 31 чи 1919[1] |
| Чачома тарка | |
| Кулома чись | сундерьковонь 17 чи 1986 (67 иеть) эли 1986[1] |
| Мастор | |
| Важодема ёрокчизе | оперань морыця |
Елена (Иглан) Ивановна Грибова — советэнь шкань оперань морыця (меццо-сопрано). Чачсь Камбулино велесэ (Алтаень край) 1919 иень панжиковонь 31 чистэ - кулось 1986 иень сундерьковонь 17 чистэ, кулома таркзо а содавикс). Эрзя.
Эрямопингезэ
[витнемс | витнемс лисьмапрянть]Иглан Ивановна часть Камбулино заимкасо Алтайской ёно. Заимкасо ульнесть ансяк колмо кудот. Тетязо - Иван Куприянович Грибов - ульнесь каштомонь-кашлангонь вачкиця. Чачсь Старославкино велесэ Петровской уездэнь Саратовонь губерниянь, каштомонь-кашлангонь вачкиця. Эрзя. Тусть од эрямо таркав вачочиде. Авазо — Анастасия Тимофеевна Грибова.
Тетянзо ульнесь паро вайгелезэ (тенор), тень кувалма морсесь ярмакдо церкувасо малава 20 иенть. Иглан ульнесь кеменьце эйкакшокс. Авазо чачтызе 52 иесэ. Анастасия Тимофеевна - авазо ды лия эйкакштнэ сёрмадомо-ловномо эсть машт, яла теке весе тейтеркатнень ульнесть паро вайгельть. Тетязо свал сайнесь Иглансо церкував, зярдо тосо морсесь.
Иглан Ивановна свал кортась:«Иглан – те кезэрень эрзянь лем, сон православной лемтнень ютксо арась. Истя лемдимизь тятям-аван».
1926 иестэ Иглан ды лелязо тусть тонавтнеме Алма-Атав. Прядсь тосо 9 класст. Тувака важодсь Осавиахим советсэ, дежурясь гостиницасо. Яксесь хоров морсеме. Лия таркав туемань лангс апак вано весе Грибов эйкакштнэ кортась эрзякс ды эрзянь койтне кирдевсть кудосо.
Тонавтнемань ушодомазо
[витнемс | витнемс лисьмапрянть]1935 иестэ сась Московов морамо тонавтнеме. Глазунов лемсэ музыкань ды драмань училищасо вастызь паро ладсо. Ансяк сон ульнесь пек од оперань морамо тонавтнеманень. Секс саизь васня драмань отделенияс, косо сон тонавтнес 1941 иенть видс. Мейле ютавтызь оперань отделенияс. Морамонь тонавтыцякс ульнесь Елена Дмитриевна Бородачева. Конась ульнесь Игланнэнь омбоце авакс: лездась валсояк, ярмаксояк, сон чарькодсь, кода стака тейтерентень тонавтнемс. Чить Иглан тонавтнесь, чокшне - важодсь театрасо, зярдо эрявсь сцена ланго ламо ломанть.
Карьерань ушодомазо
[витнемс | витнемс лисьмапрянть]Тонавтнемань прядомадо мейле тердизь Куйбышев ошонь оперань театрас (неень шкане Самарань оперань ды балетэнь театрась. Дебютэзэ: Ольгань морамозо «Евгений Онегин» П. И. Чайковскоень операсо. Кунсоломонзо васенце рядс сась авазо.
1944 иесэ конкурс вельде ульнесь саезь Покш театрас (руз. Большой театр) Московов. Конкурсос сакшность 60 ломанть. Истя 1944 иестэ саезь Иглан Ивановна кармась «первой мордовкой, выступающей на сцене Большого театра».
Покш театрасо сон важодсь 20 иеть ды морась малаво 30 морамонь партият. Покш лезкс тензэ макссь В. В. Барсова — СССРень раськень артисткась, конась явсь мель од тейтерентень. Иглан Ивановнань конёвпаргосо ванстовсть ламо фотокувт В. В. Барсова, М. П. Максакова, С. Я. Лемешев марто: сынь весе ульнесть ялгаксчисэ ды вейсэнь важодемасо.
Морамонзо
[витнемс | витнемс лисьмапрянть]Покш театрась
[витнемс | витнемс лисьмапрянть]- Васенце сцена лангс лисама «Демон» А. Г. Рубинштейнэнь операсо — Ангел
- «Евгений Онегин» П. И. Чайковскоень— Ольга
- «Мадам Баттерфляй» Д. Пуччининь — Судзуки
- «Фауст» Ш. Гунонь — Зибель
- «Риголетто» Д. Вердинь — Маддалена
- «Ромео и Джульетта» Ш. Гунонь — Стефано
- «Лакме» Л. Делибэнь — Маллика
- «Фра-Дьяволо» Д. Оберэнь — Памела
- «Пиковая дама» П. И. Чайковскоень — Полина
- «Царская невеста» Н. А. Римской-Корсаковонь — Дуняша
- «Борис Годунов» М. П. Мусоргскоень — Фёдор
Мордовияв артнемась
[витнемс | витнемс лисьмапрянть]Свал сакшнось Мордовияв ды морась эрзякс. Иглан Ивановнань конёв паргозо ванстови Республика Мордовиянь Прявт архивсэ, конась ульнесь тозонь максозь 1991 иестэ.
Награды и звания
[витнемс | витнемс лисьмапрянть]- СССРэнь Верьце Советэнь Президиумонь кармавтомань кувалт 1951 иестэ панжиковонь 21-це чистэ Иглан Ивановнанень максозель «Знак Почета» орденэсь.
- 1955 иестэ тензэ максозь "МАССР-нь Заслуженной артистка" лемесь.
Лисьм.:
[витнемс | витнемс лисьмапрянть]- Иглан Грибова Ария Зибеля из оперы «Фауст»
- Каталог советских пластинок. Грибова Елена
- Иглан Грибова Архивировазь 18 Якшамковонь 2019 иестэ.
- Elena Gribova
- Архивисты к 100-летию со дня рождения певицы Елены Ивановны Грибовой
- Исполняется 90 лет Иглан (Елене) Грибовой — первой мордовской артистке, певшей со сцены Большого театра
- ↑ 1,0 1,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.