Гребенцов, Дмитрий Иванович
| Гребенцов, Дмитрий Иванович | |
|---|---|
| руз. Дмитрий Иванович Гребенцов | |
| чачома чись | 1895 |
| Чачома тарка | |
| Кулома чись | панжиковонь 24 чи 1938 |
| Важодема ёрокчизе | куляньсёрмадей |
Дмитрий Иванович Гребенцов (1895 Бозаев веле - 1938) — васеньце «Сятко» ковставксонть редактор.
Эрямопингензэ[витнемс | витнемс лисьмапрянть]
Чачсь Дмитрий Иванович 1895 иестэ неень шкань Мордовия Республикань Покш Килейбуень Бозаев велесэ[1]. Прядсь церьковань-приходонь школа.
Ютызе мирэнь-масторонь 1-це торпингенть. Подпрапорщикель. Немецень ушмантнэнь марто ялгакс тейнеманть (братаниянть) кисэ валгстозель рядовоекс. Ялатеке сон тее мейлеяк кадновсь торпингенть каршо виевстэ молицякс.
1917 иестэ, Октябрянь революциядонть мейле сеске, эсь олясо сёрмадстызе прянзо Якстере Армияв. Ульнесь взводонь командирэкс.
Гражданской торпингенть мейле тонавтнесь ВКП(б)-нь ЦК-со партважодицянь курсасо.
«Сятконть» редакторокс кемекстамодонзо икеле важодсь ВКП(б)-нь Самарань губкомонь эрзянь-мокшонь секциянь прявтокс, Куншка Равчирень обкомонь секретарекс.
Ковставксонть тевензэ ладямодо мейле кучозель Мордовиянь автономиянь ёнксов ВКП(б)-нь Козловкань райкомонь васенце секретарекс. Мейле ульнесь Модовиянь коммунисттнэнь высшей школань ректорокс (руз. ректор Мордовской высшей коммунистической сельско-хозяйственной школы).
1937 иестэ[1] чумовтомо пекстазель: понгсь СССРень Верьце Судонь оенной судямонень алтазентнень конёвс, лангсонзо нарьгамотнеде мейле ледезель. Дмитрий Иванович Гребенцов лангсто чумось ульнесь каявтозь[1] 1956 иень медьковонь 7 чистэ.
Текстт[витнемс | витнемс лисьмапрянть]
- Память: Жертвы политических репрессий. — Саранск, 2000.
Литературась[витнемс | витнемс лисьмапрянть]
- Реабилитация: Политические процессы 30—50-х годов. — М., 1991; Реабилитация: как это было. — Москва, 2000. — Т. 1; Тязин Е.Н. Реабилитация граждан, осуждённых в Мордовии в 1930-х гг. по политическим мотивам //Юридическая наука в Мордовском государственном университете. — Саранск, 2000.
- Энциклопедия Мордовия, М.С. Букин, Е.Н. Тязин.
- https://ru.openlist.wiki/%D0%93%D1%80%D0%B5%D0%B1%D0%B5%D0%BD%D1%86%D0%BE%D0%B2_%D0%94%D0%BC%D0%B8%D1%82%D1%80%D0%B8%D0%B9_%D0%98%D0%B2%D0%B0%D0%BD%D0%BE%D0%B2%D0%B8%D1%87_(1895)