Гичасо

Википедиясто материал - аорев содамкундосто
Перейти к навигации Перейти к поиску

Гичасо налксить кавто-колмо 10-15 иесэ цёрынеть. Бути налксема паксясь покш, сестэ теевить налксиця зярыя группат, эрьвась эйстэст налкси башка-башка. Умонь шкане "гичасо" налксильть ансяк се шкас, зярс розтне а каить пря, кортыльть: "розьпрянть сезьсак гичасонть". Эряза, наян цёрынеденть кортыть: "Прок гича".

Налксемань кедьёнкстнэ:

  • 1) Гича - 20 - 30 см. кувалмсо палкине, конань кавтонест пензе сювозь.
  • 2) Чавома палка лапужасто сювозь пе марто, кувалмозо 100 см.

Налксемань кой-кирдатне

Налксема паксясонть черькстави палкапесэнть ниле ужосо кундо. Те - кудо. Кундонть куншкас чувови а покшке латкине. Васняяк налксицятне каить жеребей, кинень улемс ванстыцякс (чавицякс), а кинень чийницякс (эльницякс). Жеребейсэ каямось ютавтови налксема палкань коряс: вейке налксицясь сайсы палканть алце пестэнть, омбоцесь кунды палкантень сондензэ верев, колмоцесь — седе верев ды истя седе тов. меельце куныцясь мери "дёп". Сех верцесь, "дёп" мерицясь ули ванстыцякс, седе алцетне — вейке омбоце мельга — чийницякс.

Жеребеенть кайсить лиякскак. Налксицятне вейке омбоце мельга путнесызь гичанть латкиненть вельксэс, ёртсызь чавома палкасонть верев, кармить эйсэнзэ сеедьстэ эшксеме ды теке марто терявтыть а правтомс сонзэ масторов. Кинень гичась истя эшксеви седе ламоксть, се ули кудонь ванстыцякс, а лиятне вейке омбоце мельга — чийницякс.

Налксемань ушодомсто гичась путови латкиненть лангс. Ванстыцясь токавтсы чавома палканть лапужа пензэ гичан-тень, аламнеде кевердьсы эсензэ епов, совавтсы палканть пензэ гичанть алов, кепедьсы сонзэ верев ды сеске жо виевстэ чавсы налксема паксянтень ков мелезэ — витьстэ, кершев, витев. Васенце эльницясь чин мельганзо, кепедьсы гичанть прамо таркастонзо ды ертсы кудонтень.

Те шкастонть ванстыцясь кирди чавома палканзо стядо латкинесэнть, штобу эльницясь неевлизе, козонь ёртомс гичанть. Бути гичась понги кудонтень, сестэ чавицякс (ванстыцякс) карми эльницясь, а колмоце налксицясь (бути сон ули) карми чийницякс, одицякс. Бути жо гичась а понги кудонтень, сестэ ванстыцясь чави омбоцедеяк, колмоцедеяк, ветецедеяк. Теде мейле макссы чавома палканть омбоцентень, тонась карми пансеме колмоценть, колмоцесь таго васенценть, бути тонась эзинзе прядо ветенест чавоманзо.

Изницясь (се, кие мельга мельцек топавтынзе ветенест чавоматнень) карми пансеме изнязтнень. Сон таго путсы гичанть латкинентень ды вачкодьсы чавома палкаиь лапужа песэнть сювозь гичань пенть ланга. Гичась ливти верев, теде мейле сон чавома палкасонть паневи паксянтень куш кона ёнов. Эльницятне (бути эйстэст кавто) терявтыть куидамс гичанть ливтямсго. Бута жо те а лиси, кармить ертнеме гичанть кудонтень. Но ванстыцясь ней терявты нолдамс пгчанть кудонтень. Ливтиця гичанть сон чавсы палкасонть мекев паксяв.

Ды истя ули се шкас, зярс гичась а понги ков эряви.

Сёрм.:[витнемс-петнемс | витнемс-петнемс лисьмапрянзо]

Брыжинский Василий Сергеевич 2002: Сиянь рисьминеть. Мордовской книжной издательствась. Лл. 43-44.