Видяевень, Фёдор Алексеевич

Википедиясто материал - аорев содамкундосто
Видяевень Фёдор
Чачома лем: Фёдор Алексеевич Видяев
Важодема ёрокчизе : содавикс эрзянь ломанень Ине ушман. Ведьпотмова уйниця.
Чачома чись: сундерьковонь 7 чи 1912({{padleft:1912|4|0}}-{{padleft:11|2|0}}-{{padleft:7|2|0}})
Чачома тарка: Степная Шентала веле, Самара ёнкс
Мастор: Flag of the Soviet Union (1936-1955).svg СССР[d]
Российская империя[d]
Кулома чись: 25.07.1943
Кулома тарка: Пелеве морясь-иневедесь
Тетязо: Алексей Васильевич Видяев
Эйкакшонзо: Константин
Казнеть ды медальть:
Якстере Коцтонь орден Якстере Коцтонь орден Якстере Коцтонь орден

Британонь империянь орденэнь Офицер (ушман)

Видяевень Фёдор Алексеевич — содавикс эрзянь ломанень Ине ушман. Ведьпотмова уйниця. Якстере Коцтонь орденэнь колмоксть Кавалер ды Британонь империянь 4-це степенень орденэнть. Чавовсь 1943 иень медьковсто.

Эрямопингезэ[витнеме-петнеме | витнемс-петнемс лисьмапрянзо]

Чачсь 1912 сундерьковонь 7 чистэ Самарань губерниянь Степная Шентала эрзянь велесэ. 1921-це иестэ сонзэ тетянзо, Алексей Васильевичень ды партиянь губкомось кучизе Мурманскоев. Нама, тусь сон Шанталасто семиянзо марто. Фёдорнэнь ульнесть 9 иеть. Вишка пингстэ саезь сонензэ пек вечкевсь ведесь, Пелеве морясь, иневедесь, вечксь тетянзо марто уйнемс калонь кундыця траулерсэ.

Ушмодеень эрямопингезэ[витнеме-петнеме | витнемс-петнемс лисьмапрянзо]

1932-це иестэ кармась тонавтнеме Ленинградонь военно-морской училищасо штурманокс. Прядомадо мейле таго велявсь Заполярьяв. Ульнесь Д-2 ведьпотмова кренчень штурманонь группань командирэкс.

1940-це иестэ Видяев Фёдор Алексеевичень путызь Щ-421 ведьпотмова кренченть командирэнь полавтыцякс. Пек превей, тевень содыця, апелиця – истямо ульнесь Фёдор Алексеевич, минек эрзясь. 1942–це иестэ, даволковсто, Видяев Фёдор Алексеевич теевсь Щ-421 ведьпотмова кренченть командирэкс. Эйзюрковонь 20-це чистэ кренчесь лись боевой походс, парстэ теезь заданиянть кис ульнесь казезь Якстере Коцтонь орденсэ.

1942-це иестэ, медьковсто, капитан-лейтенантось Видяев Фёдор Алексеевич путозь Щ-422 ведьпотмовакренченть прявтокс. Ламо топавтозь боевой заданиятнень кис ульнесь казезь омбоце Якстере Знамянь орденсэ, мейле - колмоце. Весть, походов лисемадонзо икеле, сон сёрмадсь семиянзо туртов сёрма Ленинград ошов. Сёрмадсь, куроксто сы кудов отпусков. Фотокувонть лангс сёрмадсь-тешкстась – «Монь цёранть туртов, Константиннэ, минек Родинанть ванстыцянте, тетянзо эйстэ. Видяев. 1943-це иень июнень 23-це чись». Те ульнесь сонзэ меельце сёрмазо.

Медьковонь, 1-це чистэ омбоце рангонь капитанось Видяев Фёдор Алексеевич тусь эсензэ меельце, кемгавксовоце боевой походов. Медьковнь 25-це чистэ лиссь приказ – ведьпотмова кренчесь Щ-422 лемдязь гвардейскоекс. Моряктнэ-ведьпотмова укшныцятьне кецясть ялгаст кис, пек учость эйсэст. Ансяк Видяев Фёдор Алексеевич эзь велявто мекев…

Видяевень лемензе ды тевензе апак стувто[витнеме-петнеме | витнемс-петнемс лисьмапрянзо]

1943-це иень сундерьковсто, Полярной ошсо сонензэ путсть памятник. Ламоксть тесэ ульнесь Ине ушманонть авазо, Анастасия Васильевна, кортнесь од моряктнэнь марто. Фёдор Алексеевичень полазо, Марина Ивановна, сакшнось тей, коли эрямо тарканть лемдизь мирдензэ лемсэ. Цёразо Костя служась армиясо, тонавтнесь институтсо, важодсь Ленинградсо Калининэнь лемсэ политехнической институтсо.

Моряконь Урица посёлканть ней весе содасызь кода Видяево. Тосо ули Видяев Фёдор Алексеевичень лемсэ музей. А вейке офицер-ведьпотмова укшныця сёрмадсь мелодия «Видяевецнэнь марш». Эзизь стувто героенть эсензэ чачома-касома велесэяк. Кошкинской буэсе Степная Шентала ды Новая Кармала эрзянь велетнесэ нейгак эрить Фёдор Алексеевич Видяевень роднянзо-малавиксэнзе.