Валбонань лашмо

Википедиясто материал - аорев содамкундосто
Перейти к навигации Перейти к поиску

Категория МСОП — II (Национальный парк)
РасположениеТропоя перька пурнавкс
Дата основания1996 якшамковонь 15 чи
Валбонань лашмо (Албания Мастор)

Раськень вирьпусмо Валбонань лашмо (алб. Parku Kombëtar "Lugina e Valbonës") — пертпельксэнь кородома тарка, Албаниянь пелевеёнксо, Тропоя перькава, Кукес ёнкска, Байрам-Цурри ошстонть 25-30 вп пелеве-чивалгома ёнов.

Вейке, колмотнень Албаниянь раськень вирьпусмотнень эйстэ, кона ульнесь теензь 1996 иень чкшамковонь 15 чистэ (руз. Постановлением Совета министров № 102 (два других) —(Qafë Shtamë и Zall Gjoçaj)[1].

Вирьпусмонть покшолмазо — 80 вп², конататнесэ ашти Валбона леенть лашмозо ( Пелеве-Албанонь Альпатнесэ. Пелеве ёнкска вирьпусмось шабрацек ашти Черногория марто, чивалгомасо вейсендяви Тети раськень вирьпусмонть (алб. Thethi) марто, чилисемасо — Lumi i Gashit кородомань пертпельксэнть моданть марто. Сэресь вирьпусмонть модатнева саезь 400 м 2692 метрань иневедень чаво тешксэнть коряс. Пандтнесэ улить модакаравкст, сынст ютксо — Драгоби модакаравксось, косо прядызе эсинзэ эрямо пингензэ албанонь раськень мараля Байрам Цурри[2].

Албания, Черногория ды Косово мастортнень ули мелест теемс те таркасонть колмораськень перпельксэнь кородома модат, (руз. «Парк балканского мира»).

Касовкст[витнемс-петнемс | витнемс-петнемс лисьмапрянзо]

Чувтотнень ютксо, конат касыть вирьпусмосонть вастневить, европань бук (Fagus sylvatica), Гельдрейхонь пиче (Pinus heldreichii), румелиень пиче (Pinus peuce), алкуксонь пиче (Pinus silvestris), видема каштан (Castanea sativa), грекень пеште (Juglans regia), вирень умарькс (Malus sylvestris) ды лият[3].

Ракшат[витнемс-петнемс | витнемс-петнемс лисьмапрянзо]

Сех покш ловсотрицятнестэ, конат эрить те вирьпусмосонть, вастневить овто (Ursus arctos), верьги (Canis lupus), ласькамо (Felis lynx), европань идем сея (Capreolus capreolus), серна (Rupicapra rupicapra), идем туво (Sus scrofa)[3][4][5].

Фотокувт[витнемс-петнемс | витнемс-петнемс лисьмапрянзо]

Лисьм.:[витнемс-петнемс | витнемс-петнемс лисьмапрянзо]

  1. RRJETI I ZONAVE TË MBROJTURA NË SHQIPËRI
  2. Collectif,Dominique Auzias,Jean-Paul. Albanie 2014 Petit Futé. — 2014. — С. 14.
  3. 3,0 3,1 "Guidë trustike (udhë-rrëfyese)Lugina e Valbonës", authors: Beqir Bala, Briken Osmani, p. 6-13
  4. "Parku kombëtar i Valbones dhe prespektiva e zhvillimit te turizmit", WWF (World Wildlife Fund), Admir Seci, Abdulla Diku
  5. "Zonat e mbrojtura të Shqipërisë", Nihat Dragoti, Zamir Dedej dhe Pëllumb Abeshi, 2007; ch. 6, pg. 204.