Баргова, Тамара Сергеевна

Википедиясто материал - аорев содамкундосто
Перейти к навигации Перейти к поиску
Баргова, Тамара Сергеевна

К:Википедия:Статьи без изображений (тип: не указан)

Баргова Тамара Сергеевна - эрзянь сёрмадей.

Эрямо пингезэ[витнемс-петнемс | витнемс-петнемс лисьмапрянзо]

Чачсь 1955-це иень умарьковонь 13-це чистэ Мордовия Республикань Покш Игнатовань буень Андрейвелесэ. Школань прядомадо мейле тонавтнесь М. Горькой лемсэ Уральской госуниверситетэнь журналистикань факультетсэ. Екатеринбургсто велявтомадо мейле ушодсь важодеме Покш Игнатовань «Восход» райгазетасо отделэнь прявтокс. Аламо шкань ютазь сы эрямо Саран ошов. Важоди «Эрзянь правда» газетасо васня корреспондентэкс, мейле отделэнь прявтокс. Журналистэнь китне-янтнэ ветнизь республикань малав весе эрзянь велетнес. Ломань марто вастовоматне лездасть сыця шкань сёрмадеентень парсте тонавтнемс эрямонть. Сёрмадыцянть туртов те пек эряви.

Тамара Сергеевнанень ламо макссь Эрзямокшонь книгань издательствасо прявт редакторокс важодемаськак. Те шкане кассь сёрмадомань ёрокчизэ, лиссть зярыя книганзо.

Шкинемазо[витнемс-петнемс | витнемс-петнемс лисьмапрянзо]

Васенце сёрмадовксонзо – новелланзо, зарисовканзо – лиссть «Восход» райгазетасо, зярдо сон тонавтнесь кавксоце классо. «Вечкемань усият» ёвтнемань ды очеркень васенце книгазо лиссь Эрзямокшонь книгань издательствасо 1997-це иестэ. Иеде теде икеле «Чаволкайть ды превейть» пьесазо печатазель «Садо, садо минек кудов» вейсэнь пусмосонть. 2004-це иестэ лиссь «Мон ды монь ялган» книгазо. Сон алтазь вишка ловныцятненень. Ламо седей лембе путсь «Пластика движения» книганть сёрмадомсто. Сон рузонь кельсэ, печатавсь 2009-це иестэ. Теке жо иестэнть лиссть «Книжный мир Мордовии» ды «Паз, простямак!» книганзо. Васенцесэнть ёвтневи, кода минек республикасо ушодовсь ды виемгадсь-келейгадсь книгань нолдамо тевесь, кодамо ёжосо неень шкане. Омбоцентень совасть авторонть «Паз, простямак!» повестезэ, зярыя ёвтнеманзо, очеркензэ.

Баргова Тамарань книганзо ловномсто токи седей, васняяк, эрямонь видечинть невтемась. Авторось а машты манчеме, вечки эсь героензэ, конатнень ютксо седе ламотне – малавиксэнзэ, ялганзо. Улевельтькак виензэ, сон весень теевлинзе уцяскавокс, но эрямонь лувонть а полавтсак. Сонзэ эсензэ коензэ-ладонзо. Парочись свал тюри беряненть каршо ды а свал содат, конатась эйстэст зярдо изни. Сёрмадыцянть келезэ ловновиця, мазый.

Т. С. Барговань ламот шныть кода книгань паро редакторонть. Сон сёрмадсь-анокстась краеведениянь темас книгат Мордовиянь кеменде ламо районтнэде, зярыя предприятиятнеде.

Т. С. Баргова совавтозь Россиянь Журналистэнь ды Писателень вейсэндявкстнэс. Сон Мордовия Республикань культурань заслуженной роботник, МР-нь Государственной премиянь лауреат.

Литературась[витнемс-петнемс | витнемс-петнемс лисьмапрянзо]

  • Мордовия, XX век: культурная элита : энциклопедич. справ.: в 2 ч. Ч. 1 : А - М / ред. совет: В. А. Юрчёнков (пред.) [и др.] ; редкол.: Т. М. Гусева, А. Юрчёнков (отв.редакторы) [и др.] ; НИИ гуманитар. наук при Правительстве Республики Мордовия. - Саранск, 2010. - 416 с. : 32 с. ил. - (Мордовия. XX век)

ISBN 978-5-900029-71-9 (ч. 1) ISBN 978-5-900029-70-2

  • Писатели Мордовии : библиографический справочник : в 2 т. Т. 1. А - К / сост. : А. И. Брыжинский, Л. П. Бойнова, Е. И. Чернов. - Саранск : Мордовское книжное издательство, 2015. - 536 с.

ISBN 978-5-7595-1936-2 (т.1)

  • «Чилисема», 2013, №9, С.22

Лисьмапрят[витнемс-петнемс лисьмапрянзо]

https://erziana.my1.ru/publ/tamara_sergeevna_bargova/1-1-0-257 http://www.finnougoria.ru/logos/proza/2091/20412/ http://portal.do.mrsu.ru/community_events_people/people/?id=2165 https://search.rsl.ru/ru/record/01004114478