Бакуви, Сейид Яхья

Бакуви, Сейид Яхья
Бакуви, Сейид Яхья
чачома чись	1410
Чачома тарка	Шамахи[d];
Кулома чись	1462
Кулома тарка	Баку ош;
Мастор	Государство Ширваншахов[d];
Важодема ёрокчизе	философсь, валморозей

Сейид Яхья Джалаледдин Бакуви (азербайджанокс: Seyid Yəhya Bakuvi) — куншкапингень арсиця, философ, астрологиянь содый.

Эрямозо

Сейид Яхья чачсь 1410 иестэ (ЮНЕСКОнь коряс 14 пингестэ, 90-це иентнестэ) сюпав раськесэ Шемах ошсо (Ширван). Од пингстэ явсь мель суфизмантень ды содавикс Садр ад-Дина ал Халвати шейхень тонавтомантень — тарикатонтень. Шейхень куломадо мейле сёвнозевсь Пири-задень тонавтницятнень марто сень коряс, кинень эряви стямс халвати сектанть прявтокс. Теде мейле Сейид Яхья кадызе Шемах ошонть ды тусь эрямо Баку ошов.

Бакусо сон кармась эрямо Халил-уллы I ширваншахонь покшкудосо, косо содавиксчизэ ульнесь пек покш. Ульнесь дворецень астрологокс ды философокс. Аламонь шкань ютазь сонзэ мельга молицятнеде кармасть 10 000 ламо ломанть. Бакуви кулось 1462 иестэ (Азербайджанонь советской энциклопедиянь коряс) эли ЮНЕСКонь коряс — 1463.

Бакувинь важодеманзо

Неень шкань видс ванстовсть 18 сёрмадовксонзо. Сынст эйсэ ванновить онтологиянь юрт, этикань кевкстемат ды Батинийе тонавтомась. Сынь весе аштить Турция масторонь ошсо; Стамбул ошонь «Мурадия» книганькудосо, Конья ошсо,Маниса ошсо.

Сейид Йахья сёрмадсь философиянь коряс трактатт: «Шарх-и Гюльшани-раз» («Салавачинь пусмонь коряс комментарият»), «Асрар ат-Талибин» («Видечинь вешницятнень салавачись»), «Тешксэнь символикась», «Саманидэнь раськень коряс комментарият», «Духонь салавачись» ды лият. Сёрмадовкссонзо ульнесть религиянь ды мистикань арсевкст, конатне аштить питневтеме лисьмапрякс философиянь, астрономиянь ды математикань тонавтнемстэ.

Лецнемазо

Ширваншахонь дворецсэ ашти Сейида Яхья Бакувинь кулома мавзолеезэ , сон вачказель XV пингень песэ. 2013 иестэ ЮНЕСКонь меремань кувалт ульнесь тешкстазь Бакувинь куломадо мейле 550 иеть.

Лисьмапрят

Примечания

Литература

John J. Curry. "The Transformation of Muslim Mystical Thought in the Ottoman Empire: The Rise of the Halveti Order, 1350-1650". Edinburgh University Press, 2010. ISBN 0748639233, 9780748639236

Ссылки

Бакуви — в Философской энциклопедии