Багратонь церкува

	Багратонь церкува
	груз. ბაგრატის ტაძარი
Ушетфоль	XI пинге
Названо в честь	Покров Пресвятой Богородицы[d]
Основатель	Баграт III[d]
Мастор	Грузия Мастор;
Административно-территориальная единица	Кутаиси ош
Епархия	Кутаисская и Гаэнатская епархия[d]
Христианский литургический обряд	византийский обряд[d]
Дата прекращения существования	1692
Статус наследия	всемирное наследие[d] ды Культурные памятники национального значения Грузии[d]
Критерий Всемирного наследия	(iv)[d]
	Багратонь церкува

Багра́тонь церкувась — Баграт III шкане вачкавкс покш цекрува Кутаиси ошсо. Стявтозель кода вейсэндязь Грузиянь царствань прявт церкува 1003 иестэ.

Покш ды од пропорция марто церкувась кармась вачкамонь од лувонь кандыцякс Кавказсо. Сон ульнесь пек мазылгавтозь мозаикасо ды кевга керцемасо; кандсь покш смусть кезэрень Грузиянь эрямосо. Тесэ лемдизь инязорокс Давид IV Вачкицянть.
1691 иестэ туркатне каятотсть те тарканть лангс. Взрывесь калавтызе куполонть ды теде мейле сонзэ эзизь теевте одс. 1770 иестэ Тотлебен рузонь генералонь артиллериясь калавтызе Кутаисинь крепостенть ды весе Багратонь церкуванть чилисемаёнксонь пельксэнть.
1994 иестэ Багратонь церкувась совавтозель ЮНЕСКОнь конёвс кода Весе масторонь наследия. 2001 иестэ церкуванть максызь Грузиянь православной церкувантень, конась шкань-шкане ютавтнесь калавтозь Багратонь церкувасо службат.

Витнема[витнемс | витнемс лисьмапрянть]

Михаил Саакашвилинь омбоцеде президентэкс кочксемадо мейле, сон эсь инаугурациянь кортамосо макссь вал витнемс церкуванть «икелень шкань лувсо». Реставраторонь критикань лангс сон мерсь: «Мон те кевкстемань кувалт эсь мелем а полавтса. Багратонь эряви витнемс. Сонензэ стямо весе Грузиянь икеле эсь мазычисэ».
2010 иестэ ЮНЕСКО кармавтсь лоткавтомс церкувань мода лангсо вачкамо тевтнень ды сёрмадстызе церкуванть Весе масторонь калавтомань лангсо аштиця наследиянь конёвс. Тень лангс апак вано, важодематне поладозельть. Арсесть прядомс витнема тевтнень 2012 иень сёксес. 2012 иень кизнат весе Грузиянь католикос-патриархось Илия II вешсь важодематнень лоткавтома ды ЮНЕСКОнь содыця ломатнень марто тевтнень кортавтома.
17 августа 2012 иестэ Багратонь церкувань прясо стявтозель 2 метрань бронзасто теезь крёст. Сталмозо – 300 кг. Сон неявсь весе Кутаиси ошонь таркатнестэ. Эскизэнь архитекторось - Вано Гремелашвили. Се шкань Грузиянь президентэсь, конась ульнесь церемониясо, мерсь, што церкувань витнемась ульнесь Грузиянь ломатнень арсемакс ды сонсь церкувась ашти ней вейсэндязь Грузиянь тешксэкс.
2017 иестэ ЮНЕСКО черькстызе Багратонь церкуванть Весе масторонь наследиянь конёвсто, секс мекс витнема тевтне калавтызь ташто церкуванть. Секень шкане Гелати монастыресь кадовсь Весе масторонь наследиянь конёвсо.^[1].

Лисьмапрят[витнемс | витнемс лисьмапрянть]

↑ UNESCO World Heritage Centre. Gelati Monastery, Georgia, removed from UNESCO’s List of World Heritage in Danger(англ.), unesco (10 July 2017). Ваннозь 14 Медьковонь 2017.

[1] UNESCO World Heritage Centre. Gelati Monastery, Georgia, removed from UNESCO’s List of World Heritage in Danger(англ.), unesco (10 July 2017). Ваннозь 14 Медьковонь 2017.

[1]