Атлантида (модаваря)
| Атлантида | |
| 48°39′ с. ш. 26°16′ в. д.HGЯO | |
| Мастор |  Украина |
| Длина | 2400 м |
| Год открытия | 1969 |
| Вмещающие породы | гипс |
Атлантида — Украинасо карстовой модаваря, ашти Збруч леень лаймесэ, Хмельницкой областень Каменец-подольской райононь Завалье веледенть авасоло. 1975-це иестэ саезь 10 гектаронь туросо территориянть марто вейсэ сон государственной значениянь геологической пертьпельксэнь паметник. Туризмань ды экскурсиянь коряс Хмельницкой областной советэнь кедь ало.
Кодамо модаварясь
[витнемс | витнемс лисьмапрянть]Подольянь территориясо колмо этажсо вейкине модаваря. Алце (васенце) этажось — те сэрей ды келей галереят, омбоцесь — 1 - 1,5 метрас теиньгавдозь потомт (полостть), колмоцесь — 5 метрань сэрьсэ кавто апокш ютамо таркат (ходт). Васенце ды омбоце этажонь галереятнень васодема таркасо улить покш залат (сэрест 12 метра видьс). Пещерань стенатнесэ, вере таркатнесэ (велькстнэсэ, сводтнэсэ) ламо эрьва кодамо тюссо гипсэнь натечной формат. Вастневить 1,5 метра видьс кувалмосо волокнистой кристаллт. Улить сталактитт ды сталагмитт, конат теить тюсонькоряс ашот, ожонь кондят, ашназа-якстереть, пачкневтиця ды формань коряс эрьва кодат цецят, тештинеть ды эйсюрот. Валдомтомсто сынь налксить эрьва кодамо тюссо ды прок теить ёвкс. Пещерасонть улить башка залт (Маконь, Сырнень сёксь, Кенярксонь, Пейдемань ды лият), галереят (Колмо пайстомонь, Партизанонь), гротт ды коридорт (Шайтянонь пуло). Пещерасонть эрить кедьнимилявонь чуросто вастневиця видт.
Ванномань историясь
[витнемс | витнемс лисьмапрянть]Панжозь 1969-це иестэ. Парсте ванномазо ушодозь 1979-це иень сёксня. Детальной топографической съёмка тейсь А. Б. Климчуконь кедь ало спелеологической отрядось.
Литературась
[витнемс | витнемс лисьмапрянть]- Кривошия В. В галереях Атлантиди: Суботній репортаж // Прапор Жовтня (Кам’янець-Подільський). — 1980. — 2 серпня. — С. 4.
- Цуканов М. У залах «Атлантиди»: Маршрути — далекі і близькі // Прапор Жовтня. — 1983. — 15 жовтня. — С. 4.
- Геологічні пам’ятки України: Довідник-путівник. — К., 1985.
- Атлантида — підземна перлина Кам’янеччини // Недря Т. В. Печери Поділля: Туристичний путівник. — Кам’янець-Подільський: Рута, 2010. — С. 52—63.