Арапова, Александра Петровна

Википедиясто материал - аорев содамкундосто
Перейти к навигации Перейти к поиску
Арапова, Александра Петровна
Портрет
чачома чись 1845[1][2][3][…]
Чачома тарка
Кулома чись 1919[1][2][3][…]
Мастор
Важодема ёрокчизе ютавтыця
Тетязо Пётр Петрович Ланской[d]
Авазо Наталья Николаевна Гончарова[d]
Полазо Иван Андреевич Арапов[d]
Эйкакшонзо Пётр Иванович Арапов[d]
Commons-logo.svg Александра Петровна Арапова

Александра Петровна Ара́пова (тейтерькс — Ланская; 1845-це иень панжиковонь 15-це чи, Санкт-Петербург — 1919-це иень даволковонь 20-це чи, Петроград) — рузонь сёрмадей, кельстэ кельс ютавтыця, мемуарист, очеркень ды романонь автор, Н. Н. Пушкинань П. П. Ланскоень (те омбоце мирдезэ) пельде покш тейтерезэ. Лиссь мирденень И. А. Арапов генералонтень, Пензенской губерниянь Воскресенская Лашма велень (ней сови Мордовия Республикань Ковылкина буес) азоронтень.

Эрямо пингезэ[витнемс-петнемс | витнемс-петнемс лисьмапрянзо]

Николай I-нь крестной тейтерезэ, императорской дворонь фрейлина. Ульнесь превей, парсте тонавтозь. 1866-це иестэ (лия даннойтнень коряс — 1871-це иестэ) лиссь мирденень Иван Андреевич Арапов офицерэнть экшс.

1917-це иенть прядовомсто А. П. Арапованень сась М. А. Гартунг патязо, Пушкинэнь тейтерезэ, конанень амезе лангс ульнесь эрямс. Арапова сёрмалесь Мария Дмитриевна Врангель баронесса содавиксэнстэнь: «Может быть у кого-нибудь есть связи с правительством, и Вы с Вашей энергией и отзывчивым сердцем уговорите их принять участие в горькой судьбе… Если есть возможность — помогите последней в живых дочери бессмертного поэта». М. А. Гартунг кулось 1919-це иестэ, пенсиянь получамо эзь кенере. М. Д. Врангелень валонзо коряс, Арапова сонсь кулось (секе жо иестэнть) илыкстэ лисемадо (истощениядо) ды тевелявонь крупозной таргоземадо («превратившись в вешалку, обтянутую кожей»[4]). Калмазь Александро-Невской лаврань калмазырьсэ.

Шкинемазо[витнемс-петнемс | витнемс-петнемс лисьмапрянзо]

Очеркень, романонь, французонь кельстэ ютавтовксонь, историянть ды пушкинистиканть туртов питней дневникень автор. А. П. Араповань энялдоманзо коряс Гончарова Александра Николаевнань мирдезэ Густав Фризенгоф баронось сонензэ сёрмасонть ёвтнинзе Александрань ледстнеманзо се тевтнеде, конат пачтизь Пушкинэнь дуэльс. Кавалергардской полконь С. А. Панчулидзев историкенть туртов сон ёвтнизеДантесэнь биографиянзо, конадо содасть кудораськесэст. Литературань тевензэ эйстэ сехте пек содавикст авадонзо ледснематне, конатне лемдязь «Наталия Николаевна Пушкина—Ланская: К семейной хронике жены А. С. Пушкина»

Сонзэ марто ве шкасто эрицятнень ледстнемаст коряс, сон кода маштсь терявтнесь «отмести злые наветы, порочившие память Натальи Николаевны». Мемуартнэ ульнесть печатазь 1907—1908-це иетнестэ «Новое время» журналонь путовкскетнесэ (приложениятнесэ) ды тейсть ломантнень ютксо покш резонанс, сынест явсь мель Л. Н. Толстой, сынст лангс невтнесть ды невтнить ламо пушкиноведтнэ. Мемуартнэ теезь содазь ломанень, прислугань ёвтнемаст лангсо, кулятнень лангсо, конат якасть великосветской обществасо. Теке марто эйсэст улить сёрмадовкст поэтэнь дованть эрямосто се тевтнеде, конатнень неинзе сонсь Арапова, ды истя жо Наталья Николаевнань ёвтнеманзо — мемуртнэнь те пельксэсь пушкиноведениянть туртов ловови сехте питнеекс. Содамочитнень ютксо, конатнень пачти А. П. Арапова, пек питнейть сёрмадовкстнэ Пушкинэнь ды Александра урьванзо (невестканзо) ютксо интимной сюлмавомадонть ды Н. Н. Пушкинань Дантес марто Полетикань кедьсэ вастовомадонть (свиданиядонть). Дуэльде икеле тевтнеде Араповань ёвтнеманзо эйсэ (юксост Дантес марто вастовомаськак) пек ламо ильведевкст. Н. А. Раевскоень арсеманзо коряс:

…Опытная писательница А. П. Арапова умело сочиняет диалоги (как русские, так и французские) и сводит концы с концами … Многое в этом рассказе, несомненно, относится к области беллетристики, а не мемуарной литературы.

Истя, Араповань валонзо коряс, вастовомань шкастонть «во избежание каких-либо помех» Полетикань кудонзо вакссо дежурясь П. П. Ланской, кона сестэ зярс а содылизе Пушкинань. Ды, М. И. Яшинэнь исследованиянзо коряс, 1836-це иень ожоковсто саезь 1837-це иень даволковс (шкась, зярдо, келя, ульнесь вастовомась) Ланской в Петербургсо арасель.

Тевкадовксозо[витнемс-петнемс | витнемс-петнемс лисьмапрянзо]

Покш архив А. П. Арапова макссь Пушкинской Кудос 1918-це иестэ. Сон ванстови рукописной отделсэ, документтнэнь ютксо — Н. Н. Пушкинань ды раськензэ ютксо сёрмалемась. Дованть сёрманзо лездасть лия ёндо варштамс Наталья Николаевнань лангс ды теемс сонзэ объективной портретэнть. Араповань ледстнеманзо одс нолдазельть 1994-це иестэ (Арапова, А. Наталья Николаевна Пушкина-Ланская: К семейной хронике жены Пушкина / Составитель, автор примечаний и послесловия Г. Пикулева. — МПФ «Демиург», 1994. — 256 с. — 30 000 экз. — ISBN 5-7387-0034-1.)

Эйкакшонзо[витнемс-петнемс | витнемс-петнемс лисьмапрянзо]

  • Елизавета Ивановна (1867—03.07.1953), замужем (27.04.1886) за дипломатом Николаем Николаевичем Столыпиным (1860—1920).
  • Пётр Иванович (1871—1930), генерал-лейтенант.
  • Андрей Иванович (1872—1918), расстрелян в Петрограде.

Примечаният[витнемс-петнемс | витнемс-петнемс лисьмапрянзо]

  1. 1,0 1,1 http://resources.huygens.knaw.nl/womenwriters/vre/persons/37cb1778-049b-4f78-84ee-94089858daba (англ.)
  2. 2,0 2,1 Bibliothèque nationale de France идентификатор BNF (фр.): اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых дадзеных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform — 2011.
  3. 3,0 3,1 NUKAT — 2002.
  4. Михайлова, Н.; Петрушева, Л. «…Помогите дочери бессмертного поэта» // Лит. Россия. — М., 1991. — 7 июня. — N 23. — С. 11; Б.Б. Давыдов, Н. Н. Шабанова. М.А. Пушкина и Л.Н. Гартунг(руз.)(недоступная ссылка — история). Российский историко-архивоведческий журнал "Вестник архивиста". Проверено 22 Умарьковонь 2010.

Невтевкст[витнемс-петнемс | витнемс-петнемс лисьмапрянзо]